چاند
Chaand – Ay Chand Husan Tera Fitrat ki Aabro Hy
اے چاند! حسن تيرا فطرت کي آبرو ہے
طوف حريم خاکي تيري قديم خو ہے
يہ داغ سا جو تيرے سينے ميں ہے نماياں
عاشق ہے تو کسي کا، يہ داغ آرزو ہے؟
ميں مضطرب زميں پر، بے تاب تو فلک پر
تجھ کو بھي جستجو ہے ، مجھ کو بھي جستجو ہے
انساں ہے شمع جس کي ، محفل وہي ہے تيري؟
ميں جس طرف رواں ہوں ، منزل وہي ہے تيري؟
تو ڈھونڈتا ہے جس کو تاروں کي خامشي ميں
پوشيدہ ہے وہ شايد غوغائے زندگي ميں
استادہ سرو ميں ہے ، سبزے ميں سو رہا ہے
بلبل ميں نغمہ زن ہے ، خاموش ہے کلي ميں
آ ! ميں تجھے دکھاؤں رخسار روشن اس کا
نہروں کے آئنے ميں شبنم کي آرسي ميں
صحرا و دشت و در ميں ، کہسار ميں وہي ہے
انساں کے دل ميں ، تيرے رخسار ميں وہي ہے
Ae Chand! Husn Tera Fitrat Ki Aabru Hai
Tof-e-Hareem-e-Khaki Teri Qadeem Khu Hai
Ye Dagh Sa Jo Tere Seene Mein Hai Namayan
Ashiq Hai Tu Kisi Ka, Ye Dagh-e-Arzu Hai?
Mein Mutarib Zameen Par, Betab Tu Falak Par
Tujh Ko Bhi Justujoo Hai, Mujh Ko Bhi Justujoo Hai
Insan Hai Shama Jis Ki, Mehfil Wohi Hai Teri?
Main Jis Taraf Rawan Hun, Manzil Wohi Hai Teri?
Tu Dhoondta Hai Jis Ko Taron Ki Khamashi Mein
Poshida Hai Woh Shaid Ghoghaye Zindagi Mein
Istada Saru Mein Hai, Sabze Mein So Raha Hai
Bulbul Mein Naghma-Zan Hai, Khamosh Hai Kali Mein
Aa Mein Tujhe Dikhaon Rukhsar-e-Roshan Uss Ka
Nehron Ke Aaeene Mein, Shabnam Ki Aarasi Mein
Sehra-o-Dasht-o-Dar Mein, Kuhsar Mein Wohi Hai
Insan Ke Dil Mein, Tere Rukhsar Mein Wohi Hai
علامہ اقبال
علامہ محمد اقبال (9 نومبر 1877ء – 21 اپریل 1938ء) مفکرِ پاکستان، شاعرِ مشرق، حکیم الامت اور بیسویں صدی کے سب سے عظیم مسلم فلسفی اور شاعر تھے۔ آپ نے اردو اور فارسی زبان میں...