بے ہنر لوگوں میں
Be-Hunar Logon mein Para Izhaar-e-Hunar Mehnga Para
بے ہنر لوگوں میں پڑا اظہار ہنر مہنگا پڑا
پتھروں کے شہر میں شیشے کا گھر مہنگا پڑا
جا بسا ہے چھوڑ کر تنہا ہمیں سسرال میں
سچ تو یہ ہے رشتہ لختِ جگر مہنگا پڑا
نیند ہم کو آ گئی جب وقت دفتر کا ہوا
رات بھر کا جاگنا وقت سحر مہنگا پڑا
ٹیکسی والے نے لیا ہم سے کرایہ ایک سو
ہم کو اپنے دوست کا شب کا ڈنر مہنگا پڑا
اس کے تحفوں پر ہی کر دیتا ہوں سب تنخواہ خرچ
پیار اس کافر ادا کا کس طرح مہنگا پڑا
خرچ اس کا بھی ہمیں برداشت کرتے ہیں نیاز
خوبصورت ہی سہی پر ہم سفر مہنگا پڑا
Be-hunar logon mein para izhaar-e-hunar mehnga para
Pattharon ke shehr mein sheeshay ka ghar mehnga para
Jaa basa hai chorh kar tanha hamein sasuraal mein
Sach to yeh hai rishta lakht-e-jigar mehnga para
Neend hum ko aa gayi jab waqt-e-dafar ka hua
Raat bhar ka jaagna waqt-e-sahar mehnga para
Takhi walay ne liya hum se kiraya aik sau
Hum ko apne dost ka shab ka dinner mehnga para
Us ke tohfon par hi kar deta hoon sab tankhwah kharch
Pyaar us kafir-ada ka kis tarah mehnga para
Kharch us ka bhi hamein bardasht kartay hain Niyaz
Khoobsoorat hi sahi par hum-safar mehnga para
نیاز سواتی
نیاز سواتی خیبر پختونخوا کے معروف مزاح گو شاعر ہیں جن کا کلام عوامی مسائل اور لطافت کا خوبصورت امتزاج ہے۔