عقل گو آستاں سے دور نہیں
Aql Go Aastan se Dur Nahin
عقل گو آستاں سے دور نہیں
اس کی تقدیر میں حضور نہیں
دل بینا بھی کر خدا سے طلب
آنکھ کا نور دل کا نور نہیں
علم میں بھی سرور ہے لیکن
یہ وہ جنت ہے جس میں حور نہیں
کیا غضب ہے کہ اس زمانے میں
ایک بھی صاحب سرور نہیں
اک جنوں ہے کہ با شعور بھی ہے
اک جنوں ہے کہ با شعور نہیں
ناصبوری ہے زندگی دل کی
آہ وہ دل کہ ناصبور نہیں
بے حضوری ہے تیری موت کا راز
زندہ ہو تو تو بے حضور نہیں
ہر گہر نے صدف کو توڑ دیا
تو ہی آمادۂ ظہور نہیں
ارنی میں بھی کہہ رہا ہوں مگر
یہ حدیث کلیم و طور نہیں
Aqal go aastaan se door nahin
Us ki taqdeer mein huzoor nahin
Dil-e-beena bhi kar khuda se talab
Aankh ka noor dil ka noor nahin
Ilm mein bhi surur hai lekin
Ye wo jannat hai jis mein hoor nahin
Kya ghazab hai ki is zamane mein
Ek bhi saahib-e-surur nahin
Ik junoon hai ki ba-shuoor bhi hai
Ik junoon hai ki ba-shuoor nahin
Na-suboori hai zindagi dil ki
Aah wo dil ki na-suboor nahin
Be-huzoori hai teri maut ka raaz
Zinda ho tu to be-huzoor nahin
Har guhar ne sadaf ko tod diya
Tu hi aamaada-e-zuhur nahin
Arini main bhi keh raha hoon magar
Ye hadees-e-Kaleem-o-Toor nahin
علامہ اقبال
علامہ محمد اقبال (9 نومبر 1877ء – 21 اپریل 1938ء) مفکرِ پاکستان، شاعرِ مشرق، حکیم الامت اور بیسویں صدی کے سب سے عظیم مسلم فلسفی اور شاعر تھے۔ آپ نے اردو اور فارسی زبان میں...