اختر صبح

Sitara Subah Ka Rota Tha Aur Ye Kehta Tha

Mili Nigah Magar Fursat-e-Nazar Na Mili

Huwi Hai Zinda Dam-e-Aftab Se Har Shay

Aman Mujhi Ko Teh-e-Daman-e-Sehar Na Mili

Bisat Kya Hai Bhala Subah Ke Sitare Ki

Nafas Habab Ka, Tabindagi Sharare Ki

Kaha Ye Main Ne Ke Ae Zaiwar-e-Jabeen-e-Sehar

Gham-e-Fana Hai Tujhe Gunbad-e-Falak Se Uter

Tapak Bulandi-e-Gardoon Se Hum-Rah-e-Shabnam

Mere Riyaz-e-Sukhan Ki Faza Hai Jaan Parwar

Main Baghban Hun, Mohabbat Bahar Hai Iss Ki

Bina Misal-e-Abad Paidar Hai Iss Ki