ابر کوہسار

Abar-e-Kohsar

The Cloud On The Mountain

Hai Bulandi Se Falak Bos Nasheman Mera

Abar E Kuhsar Hun Gul Pash Hai Daman Mera

Kabhi Sehra, Kabhi Gulzar Hai Maskan Mera

Sheher O Wirana Mera, Beher Mera, Ban Mera

Kisi Wadi Mein Jo Manzoor Ho Sona Mujh Ko

Sabza E Koh Hai Makhmal Ka Bichona Mujh Ko

Mujh Ko Qudrat Ne Sikhaya Hai Dur Afsan Hona

Naqa E Shahid E Rehmat Ka Hudi Khawan Hona

Ghamzada E Dil E Afsurda E Dehqan Hona

Ronaq E Bazm E Jawanan E Gulistan Hona

Ban Ke Gaisu Rukh E Hasti Pe Bikhar Jata Hun

Shana E Moja E Ser Ser Se Sanwar Jata Hun Mein

Door Se Didah E Umeed Ko Tersata Hun Mein

Kisi Basti Se Jo Khamosh Guzar Jata Hun

Saer Kerta Huwa Jis Dam Lab E Ju Aata Hun

Baliyan Neher Ko Gerdab Ki Pehnata Hun

Sabza E Mazere Nokhaiz Ki Umeed Hun Mein

Zadah E Beher Hun, Perwerdah E Khurshid Hun

Chasma E Koh Ko Di Shorish E Qulzum Mein Ne

Aur Perindon Ko Kiya Mehev E Tarannum Mein Ne

Ser Pe Sabze Ke Khare Ho Ke Kaha Qum Mein Ne

Gunchae Gul Ko Diya Zauq E Tabassum Mein Ne

Faiz Se Mere Namoone Hain Shabistanon Ke

Jhonpare Daman E Kuhsar Mein Dehqanon Ke