آمنہ کے دلبر و دلدار پر لاکھوں سلام

Aamina ke dilbar-o-dildaar par laakhon salaam

Ambiya ke sarwar-o-sardaar par laakhon salaam

Jhoom kar saare kaho Sarkaar par laakhon salaam

Rabb ke Mehboob Ahmad-e-Mukhtaar par laakhon salaam

Donon aalam ke khazaane kar diye Haq ne ata

Do jahaan ke maalik-o-mukhtaar par laakhon salaam

Pur-ziya pur-noor pyaari pyaari daarhi par durood

Mustafa ke gesu-e-khamdaar par laakhon salaam

Jubba-e-aqdas pe chaadar par imaame par durood

Jaan-e-aalam! Aap ki paizaar par laakhon salaam

Rehmatein laakhon Abu Bakr-o-Umar Usman par

Mere Maula Haider-e-Karrar par laakhon salaam

Karbala ke har shaheed-e-bawafa par ho durood

Bibiyon par, Aabid-e-beemar par laakhon salaam

Hai yaqeenan har sahabi jaan nisaar-e-Mustafa

Har muhaajir aur har ansaar par laakhon salaam

Masjid-e-Nabawi ke mehraab aur mimbar par durood

Sabz gumbad aur har meenaar par laakhon salaam

Chaara-e-bechaaragaan par hon duroodein sad hazaar

Be-kason ke haami-o-ghamkhwaar par laakhon salaam

Dasht-o-kuhsaar-e-Madina, khaak-e-Tayyiba par durood

Shajar-o-hajar-o-phool par har khaar par laakhon salaam

Mehki mehki bheeni bheeni hai Madine ki faza

Us faza-e-paak-e-khushbodaar par laakhon salaam

Khoob bhejo mil ke deewaano! adab se jhoom kar

Tum Madine ke haseen gulzaar par laakhon salaam

Qabr mein lehraayenge jis waqt jalwe noor ke

Hum parhenge roo-e-pur-anwaar par laakhon salaam

Ae Madine ke musaafir! le ke jaa mera payaam

Bhejna ro ro ke tu Sarkaar par laakhon salaam

Ya Nabi! jitne bhi deewaane yahan maujood hain

Kaash! sab aa kar parhein darbaar par laakhon salaam

Mere pyaare peer-o-murshid Sayyidi Ghaus-ul-Wara

Awliya Allah ke sardaar par laakhon salaam

Jo gaya Ajmer mein dil ki muraadein paa gaya

Mere Khwaja ke sakhi darbaar par laakhon salaam

Sayyidi Ahmad Raza ne khoob likha hai kalaam

Un ke saare naatiya ashaar par laakhon salaam

Ho chuke honge jahaan mein jis qadar bhi awliya

Un pe, har ek un ke khidmatgaar par laakhon salaam

Maghfirat kar ae Khuda Attar bad-atwaar ki

Bhej Ya Rabb ummat-e-Sarkaar par laakhon salaam

Meethe murshid ne Baqee-e-Paak mein paaya mazaar

Saare bhejo murshid-e-Attar par laakhon salaam