زمانہ دیکھے گا جب مرے دل سے محشر اٹھے گا گفتگو کا
Zamana Dekhega Jab Mere Dil se Mahshar Uthega Guftugu ka
زمانہ دیکھے گا جب مرے دل سے محشر اٹھے گا گفتگو کا
مری خموشی نہیں ہے گویا مزار ہے حرف آرزو کا
جو موج دریا لگی یہ کہنے سفر سے قائم ہے شان میری
گہر یہ بولا صدف نشینی ہے مجھ کو سامان آبرو کا
نہ ہو طبیعت ہی جن کی قابل وہ تربیت سے نہیں سنورتے
ہوا نہ سرسبز رہ کے پانی میں عکس سرو کنار جو کا
کوئی دل ایسا نظر نہ آیا نہ جس میں خوابیدہ ہو تمنا
الٰہی تیرا جہان کیا ہے نگار خانہ ہے آرزو کا
کھلا یہ مر کر کہ زندگی اپنی تھی طلسم ہوس سراپا
جسے سمجھتے تھے جسم خاکی غبار تھا کوئے آرزو کا
اگر کوئی شے نہیں ہے پنہاں تو کیوں سراپا تلاش ہوں میں
نگہ کو نظارے کی تمنا ہے دل کو سودا ہے جستجو کا
چمن میں گلچیں سے غنچہ کہتا تھا اتنا بے درد کیوں ہے انساں
تری نگاہوں میں ہے تبسم شکستہ ہونا مرے سبو کا
ریاض ہستی کے ذرے ذرے سے ہے محبت کا جلوہ پیدا
حقیقت گل کو تو جو سمجھے تو یہ بھی پیماں ہے رنگ و بو کا
تمام مضموں مرے پرانے کلام میرا خطا سراپا
ہنر کوئی دیکھتا ہے مجھ میں تو عیب ہے میرے عیب جو کا
سپاس شرط ادب ہے ورنہ کرم ترا ہے ستم سے بڑھ کر
ذرا سا اک دل دیا ہے وہ بھی فریب خوردہ ہے آرزو کا
کمال وحدت عیاں ہے ایسا کہ نوک نشتر سے تو جو چھیڑے
یقیں ہے مجھ کو گرے رگ گل سے قطرہ انسان کے لہو کا
گیا ہے تقلید کا زمانہ مجاز رخت سفر اٹھائے
ہوئی حقیقت ہی جب نمایاں تو کس کو یارا ہے گفتگو کا
جو گھر سے اقبالؔ دور ہوں میں تو ہوں نہ محزوں عزیز میرے
مثال گوہر وطن کی فرقت کمال ہے میری آبرو کا
Zamana Dekhega Jab Mire Dil Se Mahshar Uthega Guftugu Ka
Miri Khamoshi Nahi Hai Goya Mazar Hai Harf-E-Arzoo Ka
Jo Mauj-E-Darya Lagi Ye Kehne Safar Se Qaem Hai Shaan Meri
Gohar Ye Bola Sadaf-Nasheeni Hai Mujh Ko Samaan Aabroo Ka
Na Ho Tabiyat Hi Jin Ki Qabil Wo Tarbiyat Se Nahi Sanwarte
Hua Na Sarsabz Rah Ke Pani Mein 'Aqs Sarv-E-Kinar-E-Joo Ka
Koi Dil Aisa Nazar Na Aaya Na Jis Mein Khwabeeda Ho Tamanna
Ilahi Tera Jahan Kya Hai Nigar-Khaana Hai Arzoo Ka
Khula Ye Mar Kar Ki Zindagi Apni Thi Tilism-E-Hawas Sarapa
Jise Samajhte The Jism-E-Khaaki Ghubaar Tha Ko-O-Arzoo Ka
Agar Koi Shay Nahi Hai Pinhan To Kyun Sarapa Talash Hoon Main
Nigah Ko Nazzaare Ki Tamanna Hai Dil Ko Sauda Hai Justuju Ka
Chaman Mein Gulcheen Se Gunchaa Kehta Tha Utna Bedard Kyun Hai Insaan
Tiri Nigahon Mein Hai Tabsum Shikasta Hona Mire Suboo Ka
Riyaaz-E-Hasti Ke Zarre Zarre Se Hai Mohabbat Ka Jalwa Paida
Haqeeqat-E-Gul Ko Tu Jo Samjhe To Ye Bhi Paimana Hai Rang-O-Boo Ka
Tamam Mazmoon Mire Purane Kalaam Mera Khata Sarapa
Hunar Koi Dekhta Hai Mujh Mein To 'Aib Hai Mere Aib-Joo Ka
Sipaas Shart-E-Adab Hai Warna Karam Tira Hai Sitam Se Badh Kar
Zara Sa Ik Dil Diya Hai Wo Bhi Fareb-Khurdah Hai Arzoo Ka
Kamaal-E-Wahdat 'Ayaan Hai Aisa Ki Nok-E-Nashtar Se Tu Jo Chhede
Yaqeen Hai Mujh Ko Gire Rag-E-Gul Se Qatra Insan Ke Lahu Ka
Gaya Hai Taqleed Ka Zamana Majaaz Rakht-E-Safar Uthaye
Hui Haqeeqat Hi Jab Numaya To Kis Ko Yaara Hai Guftugu Ka
Jo Ghar Se 'Iqbal' Door Hoon Main To Hon Na Mahzoo 'Azeez Mere
Misaal-E-Gohar Watan Ki Furqat Kamaal Hai Meri Aabroo Ka
علامہ اقبال
علامہ محمد اقبال (9 نومبر 1877ء – 21 اپریل 1938ء) مفکرِ پاکستان، شاعرِ مشرق، حکیم الامت اور بیسویں صدی کے سب سے عظیم مسلم فلسفی اور شاعر تھے۔ آپ نے اردو اور فارسی زبان میں...