یہ ساقی کی کرامت ہے کہ فیض مے پرستی ہے
Yeh Saqi ki Karamat Hai ke Faiz-e-Mai-Parasti Hai
یہ ساقی کی کرامت ہے کہ فیض مے پرستی ہے
گھٹا کے بھیس میں مے خانے پر رحمت برستی ہے
یہ جو کچھ دیکھتے ہیں ہم فریب خواب ہستی ہے
تخیل کے کرشمے ہیں بلندی ہے نہ پستی ہے
وہاں ہیں ہم جہاں بیدمؔ نہ ویرانہ نہ بستی ہے
نہ پابندی نہ آزادی نہ ہشیاری نہ مستی ہے
تری نظروں پہ چڑھنا اور ترے دل سے اتر جانا
محبت میں بلندی جس کو کہتے ہیں وہ پستی ہے
وہی ہم تھے کبھی جو رات دن پھولوں میں تلتے تھے
وہی ہم ہیں کہ تربت چار پھولوں کو ترستی ہے
کرشمے ہیں کہ نقاش ازل نیرنگیاں تیری
جہاں میں مائل رنگ فنا ہر نقش ہستی ہے
اسے بھی ناوک جاناں تو اپنے ساتھ لیتا جا
کہ میری آرزو دل سے نکلنے کو ترستی ہے
ہر اک ذرے میں ہے انی انا اللہ کی صدا ساقی
عجب میکش تھے جن کی خاک میں بھی جوش مستی ہے
خدا رکھے دل پر سوز تیری شعلہ افشانی
کہ تو وہ شمع ہے جو رونق دربار ہستی ہے
مرے دل کے سوا تو نے بھی دیکھی بیکسی میری
کہ آبادی نہ ہو جس میں کوئی ایسی بھی بستی ہے
حجابات تعین مانع دیدار سمجھا تھا
جو دیکھا تو نقاب روئے جاناں میری ہستی ہے
عجب دنیائے حیرت عالم گور غریباں ہے
کہ ویرانے کا ویرانہ ہے اور بستی کی بستی ہے
کہیں ہے عبد کی دھن اور کہیں شور انا الحق ہے
کہیں اخفائے مستی ہے کہیں اظہار مستی ہے
بنایا رشک مہر و مہ تری ذرہ نوازی نے
نہیں تو کیا ہے بیدمؔ اور کیا بیدمؔ کی ہستی ہے
Yeh saqi ki karamat hai ke faiz-e-mai-parasti hai
Ghata ke bhes mein mai-khane par rehmat barasti hai
Yeh jo kuch dekhte hain hum fareb-e-khab-e-hasti hai
Takhayyul ke karishme hain bulandi hai na pasti hai
Wahan hain hum jahan Bidam na werana na basti hai
Na pabandi na azadi na hoshiyari na masti hai
Teri nazron pe charhna aur tere dil se utar jana
Mohabbat mein bulandi jis ko kehte hain woh pasti hai
Wohi hum the kabhi jo raat din phoolon mein talte the
Wohi hum hain ke turbat chaar phoolon ko tarasti hai
Karishme hain ke naqqash-e-azal nairangiyan teri
Jahan mein mail-e-rang-e-fana har naqsh-e-hasti hai
Use bhi nawak-e-janan to apne saath le jaa
Ke meri arzu dil se nikalne ko tarasti hai
Har ek zarre mein hai Inni Ana-Allah ki sada saqi
Ajab mai-kash the jin ki khaak mein bhi josh-e-masti hai
Khuda rakhe dil par soz teri shu'la-afshani
Ke tu woh shama hai jo raunat-e-darbar-e-hasti hai
Mere dil ke siwa tu ne bhi dekhi be-kasi meri
Ke abadi na ho jis mein koi aisi bhi basti hai
Hijabat-e-tayyin mani-e-deedar samjha tha
Jo dekha to naqab-e-ru-e-janan meri hasti hai
Ajab duniya-e-hairat aalam-e-gaur-e-ghareeban hai
Ke werane ka werana hai aur basti ki basti hai
Kahin hai abd ki dhun aur kahin shor-e-Ana al-Haq hai
Kahin ikhfa-e-masti hai kahin izhar-e-masti hai
Banaya rashk-e-mehr-o-mah teri zarra-nawazi ne
Nahin to kya hai Bidam aur kya Bidam ki hasti hai
بیدم شاہ وارثی
سید ضامن علی المعروف حضرت بیدمؔ شاہ وارثی (1876ء – 24 نومبر 1936ء) برصغیر پاک و ہند کے سب سے مقبول، قادر الکلام اور مسحور کن نعت گو، منقبت نگار اور صوفی شاعر مانے جاتے...