پردے اٹھے ہوئے بھی ہیں ان کی ادھر نظر بھی ہے
Parde Uthe Hue bhi Hain Un ki Udhar Nazar bhi Hai
پردے اٹھے ہوئے بھی ہیں ان کی ادھر نظر بھی ہے
بڑھ کے مقدر آزما سر بھی ہے سنگ در بھی ہے
جل گئی شاخ آشیاں مٹ گیا تیرا گلستاں
بلبل خانماں خراب اب کہیں تیرا گھر بھی ہے
اب نہ وہ شام شام ہے اپنی نہ وہ سحر سحر
ہونے کو یوں تو روز ہی شام بھی ہے سحر بھی ہے
چاہے جسے بنائیے اپنا نشانۂ نظر
زد پہ تمہارے تیر کے دل بھی ہے اور جگر بھی ہے
دن کو اسی سے روشنی شب کو اسی سے چاندنی
سچ تو یہ ہے کہ روئے یار شمس بھی ہے قمر بھی ہے
زلف بہ دوش بے نقاب گھر سے نکل کھڑے ہوئے
اب تو سمجھ گئے حضور نالوں میں کچھ اثر بھی ہے
بیدمؔ خستہ کا مزار آپ تو چل کے دیکھیے
شمع بنا ہے داغ دل بیکسیٔ نوحہ گر بھی ہے
Parde uthe hue bhi hain un ki udhar nazar bhi hai
Barh ke muqaddar-azma sar bhi hai sang-e-dar bhi hai
Jal gayi shakh-e-ashiyan mit gaya tera gulistan
Bulbul khanman-kharab ab kahin tera ghar bhi hai
Ab na woh sham sham hai apni na woh sahar sahar
Hone ko yun to roz hi sham bhi hai sahar bhi hai
Chahe jise banaiye apna nishana-e-nazar
Zad pe tumhare tir ke dil bhi hai aur jigar bhi hai
Din ko usi se roshni shab ko usi se chandni
Sach to yeh hai ke ru-e-yaar shams bhi hai qamar bhi hai
Zulf ba-dosh be-naqab ghar se nikal khare hue
Ab to samajh gaye huzoor nalon mein kuch asar bhi hai
Bidam khasta ka mazar aap to chal ke dekhiye
Shama bana hai dagh-e-dil be-kasi-e-nauha-gar bhi hai
بیدم شاہ وارثی
سید ضامن علی المعروف حضرت بیدمؔ شاہ وارثی (1876ء – 24 نومبر 1936ء) برصغیر پاک و ہند کے سب سے مقبول، قادر الکلام اور مسحور کن نعت گو، منقبت نگار اور صوفی شاعر مانے جاتے...