وطنیت

Wataniat

(Yani Watan Bahesiat Aik Siasi Tasawwur Ke)

Iss Dour Mein Mai Aur Hai, Jaam Aur Hai Jam Aur

Saqi Ne Bina Ki Rawish-e-Lutf-o-Sitam Aur

Muslim Ne Bhi Tameer Kiya Apna Haram Aur

Tehzeeb Ke Azar Ne Tarshawaye Sanam Aur

In Taza Khudaon Mein Bara Sub Se Watan Hai

Jo Pairhan Iss Ka Hai, Woh Mazhab Ka Kafan Hai

Ye But Ke Tarashida-e-Tehzeeb-e-Nawi Hai

Gharatgar-e-Kashana-e-Deen-e-Nabwi Hai

Bazu Tera Touheed Ki Quwwat Se Qawi Hai

Islam Tera Dais Hai, Tu Mustafavi Hai

Nazzara-e-Dairina Zamane Ko Dikha De

Ae Mustafavi Khak Mein Iss Butt Ko Mila De!

Ho Qaid-e-Maqami To Nateeja Hai Tabahi

Reh Behar Mein Azad-e-Watan Soorat-e-Mahi

Hai Tark-e-Watan Sunnat-e-Mehboob (S.A.W.)-e-Elahi

De Tu Bhi Nabuwwat Ki Sadaqat Pe Gawahi

Guftar-e-Siasat Mein Watan Aur Hi Kuch Hai

Irshad-e-Nabuwwat Mein Watan Aur Hi Kuch Hai

Aqwam-e-Jahan Mein Hai Raqabat To Issi Se

Taskheer Hai Maqsood-e-Tajarat To Issi Se

Khali Hai Sadaqat Se Siasat To Issi Se

Kamzor Ka Ghar Hota Hai Gharat To Issi Se

Aqwam Mein Makhlooq-e-Khuda Batti Hai Iss Se

Qoumiat-e-Islam Ki Jar Katti Hai Iss Se