تم جانو تم کو غیر سے جو رسم و راہ ہو
Tum Jano Tum ko Ghair se Jo Rasm-o-Rah Ho
تم جانو تم کو غیر سے جو رسم و راہ ہو
مجھ کو بھی پوچھتے رہو تو کیا گناہ ہو
بچتے نہیں مواخذۂ روز حشر سے
قاتل اگر رقیب ہے تو تم گواہ ہو
کیا وہ بھی بے گنہ کش و حق ناشناس ہیں
مانا کہ تم بشر نہیں خورشید و ماہ ہو
ابھرا ہوا نقاب میں ہے ان کے ایک تار
مرتا ہوں میں کہ یہ نہ کسی کی نگاہ ہو
جب مے کدہ چھٹا تو پھر اب کیا جگہ کی قید
مسجد ہو مدرسہ ہو کوئی خانقاہ ہو
سنتے ہیں جو بہشت کی تعریف سب درست
لیکن خدا کرے وہ ترا جلوہ گاہ ہو
غالبؔ بھی گر نہ ہو تو کچھ ایسا ضرر نہیں
دنیا ہو یا رب اور مرا بادشاہ ہو
Tum jano tum ko ghair se jo rasm-o-rah ho
Mujh ko bhi poochhte raho to kya gunah ho
Bachte nahin muakhaza-e-roz-e-hashr se
Qatil agar raqeeb hai to tum gawah ho
Kya woh bhi be-guna-kash-o-haq-nashnas hain
Mana ke tum bashar nahin khursheed-o-mah ho
Ubhra hua naqab mein hai un ke ek taar
Marta hoon main ke yeh na kisi ki nigah ho
Jab mai-kada chhuta to phir ab kya jagah ki qaid
Masjid ho madrasa ho koi khanaqah ho
Sunte hain jo behisht ki tareef sab durust
Lekin Khuda kare woh tera jalwa-gah ho
Ghalib bhi gar na ho to kuch aisa zarar nahin
Duniya ho ya Rabb aur mera badshah ho
مرزا غالب
مرزا اسد اللہ خان غالب (27 دسمبر 1797ء – 15 فروری 1869ء) اردو اور فارسی زبان کے سب سے بڑے، سب سے زیادہ پڑھے جانے والے اور عہد ساز کلاسیکی شاعر اور نثری ادیب تھے۔...