ترے ستم کے لئے جس کا انتخاب نہیں
Tere Sitam ke Liye Jis ka Intikhab Nahi
ترے ستم کے لئے جس کا انتخاب نہیں
وہ امتحان محبت میں کامیاب نہیں
نگاہ غور سے دیکھیں تو میکدے والے
ہمارا جام ہے گردش میں ، آفتاب نہیں
وہ سب کی سُنتے ہیں، سب کو جواب دیتے ہیں
مرے سوال کا لیکن کوئی جواب نہیں
خدا گواہ کہ اہل نظر کے مسلک میں
شراب محسن سے بہتر کوئی شراب نہیں
اب اس مقام پر لے آئی ہے تری الفت
وہ اُلجھنیں ، وہ اذیت ، وہ اضطراب نہیں
نگاه جسم گئی اس چہرہ کتابی پر
اب اس کتاب سے بڑھ کر کوئی کتاب نہیں
کب اُن کی یاد میں بیتابیاں نہیں دل کو
کب اُن کے ہجر میں مئی مری خراب نہیں
نصیر ! میکدہ زندگی میں لطف ہی کیا
شریک جام ، جو وہ رشک ماہتاب نہیں
Tere sitam ke liye jis ka intikhab nahi
Woh imtihaan-e-mohabbat mein kaamyaab nahi
Nigaah-e-ghaur se dekhein to maikaday walay
Hamara jaam hai gardish mein, aaftaab nahi
Woh sab ki suntay hain, sab ko jawab detay hain
Mere sawaal ka lekin koi jawab nahi
Khuda gawah ke ahl-e-nazar ke maslak mein
Sharaab-e-muhsin se behtar koi sharaab nahi
Ab is maqaam par lay aayi hai teri ulfat
Woh uljhanein, woh aziyat, woh iztiraab nahi
Nigaah-e-jism gayi is chehra-e-kitaabi par
Ab is kitaab se barh kar koi kitaab nahi
Kab un ki yaad mein betaabiyan nahi dil ko
Kab un ke hijr mein mai meri kharaab nahi
Naseer! maikada-e-zindagi mein lutf hi kya
Shareek-e-jaam, jo woh rashk-e-mahtaab nahi
پیر نصیر الدین نصیر گیلانیؒ
سید پیر نصیر الدین نصیر گیلانیؒ (14 نومبر 1949ء – 13 فروری 2009ء، گولڑہ شریف، اسلام آباد) خانقاہِ عالیہ گولڑہ شریف کے سجادہ نشین، عظیم صوفی بزرگ، محقق اور قادر الکلام شاعر تھے۔ وہ حضرت...