ستارہ

Sitara

The Star

Qamar Ka Khof Ke Hai Khatra-e-Sehar Tujh Ko

Maal-e-Husn Ki Kya Mil Gyi Khabar Tujh Ko?

Mataa-e-Noor Ke Lut Jane Ka Hai Dar Tujh Ko

Hai Kya Haras-e-Fana Soorat-e-Sharar Tujh Ko?

Zameen Se Door Diya Aasman Ne Ghar Tujh Ko

Misal-e-Mah Urhayi Qabaye Zar Tujh Ko

Ghazab Hai Phir Teri Nanhi Si Jaan Derti Hai!

Tamam Raat Teri Kanpte Guzerti Hai

Chamakne Wale Musafir! Ajeeb Ye Basti Hai

Jo Auj Aik Ka Hai, Dosre Ki Pasti Hai

Ajal Hai Lakhon Sitaron Ki Ek Waladat-e-Mehr

Fana Ki Neend Mai-e-Zindagi Ki Masti Hai

Widaa-e-Ghuncha Mein Hai Raaz-e-Afrainash-e-Gul

Adam, Adam Hai Ke Aaeena Daar-e-Hasti Hai!

Sukoon Muhal Hai Qudrat Ke Kaarkhane Mein

Sabat Aik Taghiyur Ko Hai Zamane Mein