سیر فلک

Tha Takhiyyul Jo Hum Safar Mera

Asman Par Huwa Guzr Mera

Urta Jata Tha Aur Na Tha Koi

Jan’ane Wala Charakh Par Mera

Tare Hairat Se Dekhte The Mujhe

Raaz-e-Sar Basta Tha Safar Mera

Halqa-e-Subah-o-Shaam Se Nikla

Iss Purane Nizam Se Nikla

Kya Sunaon Tumhain Irm Kya Hai

Khatam-e-Arzoo-e-Didah-o-Ghosh

Shakh-e-Tooba Pe Naghma Raiz Tuyoor

Be-Hijabana Hoor Jalwa Farosh

Saqiyan-e-Jameel Jaam Badast

Peene Walon Mein Shor-e-Nosha Nosh

Door Jannat Se Ankh Ne Dekha

Aik Tareek Khana, Sard-o-Khamosh

Taala’e Qais Wa Gaisu-e-Laila

Uss Ki Tareekiyon Se Dosh Ba Dosh

Khunk Aesa Ke Jis Se Sharma Kar

Kurra-e-Zamhareer Ho Ru-Posh

Main Ne Puchi Jo Kaifiat Uss Ki

Hiarat Angaiz Tha Jawab-e-Sarosh

Ye Maqam-e-Khunak Jahanum Hai

Naar Se, Noor Se Tehi Agosh

Shaole Hote Hain Musta’ar Iss Ke

Jin Se Larzan Hain Mard-e-Ibrat Kosh

Ahl-e-Dunya Yahan Jo Ate Hain

Apne Angaar Saath Late Hain