سادگی پر اس کی مر جانے کی حسرت دل میں ہے
Sadagi par Us ki Mar Jane ki Hasrat Dil mein Hai
سادگی پر اس کی مر جانے کی حسرت دل میں ہے
بس نہیں چلتا کہ پھر خنجر کف قاتل میں ہے
دیکھنا تقریر کی لذت کہ جو اس نے کہا
میں نے یہ جانا کہ گویا یہ بھی میرے دل میں ہے
گرچہ ہے کس کس برائی سے ولے باایں ہمہ
ذکر میرا مجھ سے بہتر ہے کہ اس محفل میں ہے
بس ہجوم ناامیدی خاک میں مل جائے گی
یہ جو اک لذت ہماری سعیٔ بے حاصل میں ہے
رنج رہ کیوں کھینچیے واماندگی کو عشق ہے
اٹھ نہیں سکتا ہمارا جو قدم منزل میں ہے
جلوہ زار آتش دوزخ ہمارا دل سہی
فتنۂ شور قیامت کس کے آب و گل میں ہے
ہے دل شوریدۂ غالبؔ طلسم پیچ و تاب
رحم کر اپنی تمنا پر کہ کس مشکل میں ہے
Sadagi par us ki mar jane ki hasrat dil mein hai
Bas nahin chalta ke phir khanjar kaf-e-qatil mein hai
Dekhna taqreer ki lazzat ke jo us ne kaha
Main ne yeh jana ke goya yeh bhi mere dil mein hai
Garcha hai kis kis burai se wale ba-een hama
Zikr mera mujh se behtar hai ke is mahfil mein hai
Bas hujoom-e-na-umeedi khaak mein mil jaye gi
Yeh jo ek lazzat hamari sai-e-be-hasil mein hai
Ranj-e-rah kyun khainchiye wamandagi ko ishq hai
Uth nahin sakta hamara jo qadam manzil mein hai
Jalwa-zar aatish-e-dozakh hamara dil sahi
Fitna-e-shor-e-qayamat kis ke aab-o-gil mein hai
Hai dil-e-shoreda-e-Ghalib talism-e-pech-o-tab
Reham kar apni tamanna par ke kis mushkil mein hai
مرزا غالب
مرزا اسد اللہ خان غالب (27 دسمبر 1797ء – 15 فروری 1869ء) اردو اور فارسی زبان کے سب سے بڑے، سب سے زیادہ پڑھے جانے والے اور عہد ساز کلاسیکی شاعر اور نثری ادیب تھے۔...