نوائے غم

Zindagaani Hai Meri Misl-e-Rubab-e-Khamosh

Jis Ki Har Rang Ke Naghmon Se Hai Labraiz Aghosh

Barbat-e-Kon-o-Makan Jis Ki Khamoshi Pe Nisar

Jis Ke Har Taar Mein Hain Saikrhon Naghmon Ke Mazar

Mehsharistan-e-Nawa Ka Hai Ameen Jis Ka Sukoot

Aur Minnat Kash-e-Hangama Nahin Jis Ka Sukoot

Aah Umeed Mohabbat Ki Bar Ayi Na Kabhi

Chot Mizrab Ki Iss Saaz Ne Khayi Na Kabhi

Magar Ati Hai Naseem-e-Chaman-e-Toor Kabhi

Simat-e-Gurdoon Se Hawaye Nafas-e-Hoor Kabhi

Chair Ahista Se Deti Hai Mera Taar-e-Hayat

Jis Se Hoti Hai Riha Rooh-e-Graftar-e-Hayat

Naghma-e-Yaas Ki Dheemi Si Sada Uthti Hai

Ashak Ke Qafle Ko Bang-e-Dra Uthti Hai

Jis Tarah Riffat-e-Shabnam Hai Mazaq-e-Ram Se

Meri Fitrat Ki Bulandi Hai Nawaye Gham Se