نہ تو اپنے گھر میں قرار ہے نہ تری گلی میں قیام ہے
Na to Apne Ghar mein Qarar Hai na Teri Gali mein Qayam Hai
نہ تو اپنے گھر میں قرار ہے نہ تری گلی میں قیام ہے
تری زلف و رخ کا فریفتہ کہیں صبح ہے کہیں شام ہے
ترے اک نہ ہونے سے ساقیا نہ وہ مے نہ شیشہ و جام ہے
نہ وہ صبح اب مری صبح ہے نہ وہ شام اب مری شام ہے
نہ تو چکھنا جس کا عذاب ہے نہ تو پینا جس کا حرام ہے
سر بزم ساقی نے دی وہ مے کہ سرور جس کا مدام ہے
میں دعائیں دوں تو وہ گالیاں کسیں بات بات پر پھبتیاں
یہ عجیب طور و طریق ہیں یہ عجیب طرز کلام ہے
وہ ستم سے باز نہ آئیں گے یوں ہی ظلم کرتے ہی جائیں گے
انہیں کیا مرے کہ جیے کوئی انہیں اپنے کام سے کام ہے
مرا دل دہلنے لگا ابھی دو گھڑی تو دور ہے ہم نشیں
خبر وصال نہیں سنی یہ مری قضا کا پیام ہے
بچے کس طرح سے مریض غم نہ تم آ سکو نہ بلا سکو
یہی حالتیں ہیں تو دیکھنا کوئی دم میں قصہ تمام ہے
پسے دل ہزاروں تڑپ گئے جو سسک رہے تھے وہ مر گئے
اٹھے فتنے حشر بپا ہوا یہ عجیب طرز خرام ہے
عجب عاشقوں کی نماز ہے نیا بیدمؔ ان کا نیاز ہے
کہ قیام ہے نہ قعود ہے نہ تو سجدہ ہے نہ سلام ہے
Na to apne ghar mein qarar hai na teri gali mein qayam hai
Teri zulf-o-rukh ka farefta kahin subah hai kahin sham hai
Tere ek na hone se saqiya na woh mai na sheesha-o-jam hai
Na woh subah ab meri subah hai na woh sham ab meri sham hai
Na to chakhna jis ka azab hai na to peena jis ka haram hai
Sar-e-bazm saqi ne di woh mai ke saroor jis ka madam hai
Main duayen doon to woh galiyan kasein baat baat par phubtiyan
Yeh ajab toor-o-tariq hain yeh ajab tarz-e-kalam hai
Woh sitam se baz na aayenge yun hi zulm karte hi jayenge
Unhein kya mare ke jiye koi unhein apne kaam se kaam hai
Mera dil dahalne laga abhi do ghari to door hai ham-nasheen
Khabar-e-wisal nahin suni yeh meri qaza ka payam hai
Bache kis tarah se mareez-e-gham na tum aa sako na bula sako
Yehi halatein hain to dekhna koi dam mein qissa tamam hai
Pase dil hazaaron tarap gaye jo sisak rahe the woh mar gaye
Uthe fitne hashr bapa hua yeh ajab tarz-e-kharam hai
Ajab aashiqon ki namaz hai naya Bidam un ka niyaz hai
Ke qiyam hai na quood hai na to sajda hai na salam hai
بیدم شاہ وارثی
سید ضامن علی المعروف حضرت بیدمؔ شاہ وارثی (1876ء – 24 نومبر 1936ء) برصغیر پاک و ہند کے سب سے مقبول، قادر الکلام اور مسحور کن نعت گو، منقبت نگار اور صوفی شاعر مانے جاتے...