حلقہ بگوش گیسوئے خم دار ہو گیا
Halqa Ba-Gosh-e-Gesu-e-Kham-Dar Ho Gaya
حلقہ بگوش گیسوئے خم دار ہو گیا
یا رب میں کس بلا میں گرفتار ہو گیا
موقوف ایک حضرت منصور پر نہیں
سر جس نے دے دیا وہ ہی سردار ہو گیا
ساقی نے آکے مستوں میں اک دھوم ڈال دی
زاہد کا گھر بھی خانۂ خمار ہو گیا
قاتل تو اپنی تیغ کا صدقہ اتار لے
سر اب تو مجھ کو تن پہ گراں بار ہو گیا
لیجیے نصیب حضرت بیدمؔ کے کھل گئے
سنتے ہیں آج وصل کا اقرار ہو گیا
Halqa ba-gosh-e-gesu-e-kham-dar ho gaya
Ya Rab main kis bala mein giriftar ho gaya
Mauqoof ek Hazrat-e-Mansoor par nahin
Sar jis ne de diya wohi sardar ho gaya
Saqi ne aa ke maston mein ek dhoon dal di
Zahid ka ghar bhi khana-e-khumar ho gaya
Qatil to apni tegh ka sadqa utar le
Sar ab to mujh ko tan pe giran-bar ho gaya
Lijiye naseeb Hazrat-e-Bidam ke khul gaye
Sunte hain aaj wasl ka iqrar ho gaya
بیدم شاہ وارثی
سید ضامن علی المعروف حضرت بیدمؔ شاہ وارثی (1876ء – 24 نومبر 1936ء) برصغیر پاک و ہند کے سب سے مقبول، قادر الکلام اور مسحور کن نعت گو، منقبت نگار اور صوفی شاعر مانے جاتے...