مشکل ہے کہ اب شہر میں نکلے کوئی گھر سے
Mushkil Hai ki Ab Shahr Men Nikle Koi Ghar se
مشکل ہے کہ اب شہر میں نکلے کوئی گھر سے
دستار پہ بات آ گئی ہوتی ہوئی سر سے
برسا بھی تو کس دشت کے بے فیض بدن پر
اک عمر مرے کھیت تھے جس ابر کو ترسے
کل رات جو ایندھن کے لیے کٹ کے گرا ہے
چڑیوں کو بڑا پیار تھا اس بوڑھے شجر سے
محنت مری آندھی سے تو منسوب نہیں تھی
رہنا تھا کوئی ربط شجر کا بھی ثمر سے
خود اپنے سے ملنے کا تو یارا نہ تھا مجھ میں
میں بھیڑ میں گم ہو گئی تنہائی کے ڈر سے
بے نام مسافت ہی مقدر ہے تو کیا غم
منزل کا تعین کبھی ہوتا ہے سفر سے
پتھرایا ہے دل یوں کہ کوئی اسم پڑھا جائے
یہ شہر نکلتا نہیں جادو کے اثر سے
نکلے ہیں تو رستے میں کہیں شام بھی ہوگی
سورج بھی مگر آئے گا اس راہگزر سے
mushkil hai ab shahar men nikle koi ghar se
dastaar pe baat aa gai hai hoti hui sar se
barsaa bhi to kis dasht ke befaiz badan par
ik umr mere khet the jis abr ko tarse
is baar jo indhan ke liye kaT ke giraa hai
chiDyon ko baDaa pyaar thaa us buDhe shajar se
mehnat meri aaNdhi se to mansoob nahi thi
rahnaa tha koi rabt shajar ka bhi samar se
Khud apne se milne kaa to yaraa na tha mujh men
main bhiD men gum ho gai tanhai ke Dar se
benaam musafat hi muqaddar hai to kyaa Gam
manzil kaa ta'yyun kabhi hotaa hai safar se
patthraya hai dil yuN ki koi ism paDhaa jaaye
ye shahar nikalta nahin jadu ke asar se
nikle hain to raste men kahin shaam bhi hogi
suraj bhi magar aayegaa is raah-guzar se
پروین شاکر
پروین شاکر (24 نومبر 1952ء – 26 دسمبر 1994ء) اردو ادب کی صفِ اول کی عظیم شاعرہ، ادیبہ اور معلمہ تھیں۔ ان کا تعلق پاکستان سے تھا۔ پروین شاکر کو نسائی احساسات اور نازک جذبوں...