ملنے کی خوشی تھی تو بچھڑ جانے کا غم بھی
Milne ki Khushi Thi to Bichhar Jane ka Gham bhi
ملنے کی خوشی تھی تو بچھڑ جانے کا غم بھی
دُنیائے محبت میں کوئی چیز تھے ہم بھی
کم ہوگی کسی دن یہ تری مشقِ ستم بھی ؟
اے حُسنِ ستم کیش ! کبھی مجھ یہ کرم بھی
وہ لُطفي مجسم بھی ، سراپائے ستم بھی
سب رُوپ اُسی کے ہیں ، خدا بھی ہے ، صنم بھی
اچھا ہے مرے دل کو وہ لے جائیں اُڑا کر
کم بخت کسی طور سے یہ درد ہو کم بھی
کہتے ہیں کہ کیا آئیں ، ترا گھر ہے بہت دُور
دُشوار ہیں اس راہ میں دو چار قدم بھی
دل دارم محبت میں گرفتار ہوا ہے
ہیں حلقہ زنجیر تری زُلف کے خم بھی
ساقی ! تری اِس وسعتِ اخلاق یہ قرباں
اک گوشے میں بیٹھے ہیں یہاں شیخ حرم بھی
اب آپ کی باتوں پر یقیں آئے تو کیوں کر
ہیں حرفِ غلط آپ کے وعدے بھی ، قسم بھی
ہے جام سفالیں ہی مرے واسطے اچھا
منظور نہیں دل کے عوض ساغرِ جسم بھی
کہتے ہیں نصیر اہل نظر دیکھ کے مجھ کو
اس گزرے زمانے میں غنیمت ہے یہ دم بھی
Milne ki khushi thi to bichhar jane ka gham bhi
Duniya-e-mohabbat mein koi cheez thay hum bhi
Kam hogi kisi din yeh teri mashq-e-sitam bhi?
Ae husn-e-sitam-kaish! kabhi mujh yeh karam bhi
Woh lutf-e-mujassam bhi, sarapa-e-sitam bhi
Sab roop usi ke hain, Khuda bhi hai, sanam bhi
Acha hai mere dil ko woh lay jayein ura kar
Kam-bakht kisi taur se yeh dard ho kam bhi
Kehte hain ke kya aayein, tera ghar hai bohat door
Dushwaar hain is raah mein do chaar qadam bhi
Dil daram mohabbat mein giraftar hua hai
Hain halqa-e-zanjeer teri zulf ke kham bhi
Saqi! teri is wusat-e-akhlaq yeh qurbaan
Ik goshay mein baithay hain yahan shaikh-e-haram bhi
Ab aap ki baaton par yaqeen aaye to kyun kar
Hain harf-e-ghalat aap ke waday bhi, qasam bhi
Hai jaam-e-sifaleen hi mere waaste acha
Manzoor nahi dil ke awaz saaghar-e-jism bhi
Kehte hain Naseer ahl-e-nazar dekh ke mujh ko
Is guzray zamane mein ghaneemat hai yeh dam bhi
پیر نصیر الدین نصیر گیلانیؒ
سید پیر نصیر الدین نصیر گیلانیؒ (14 نومبر 1949ء – 13 فروری 2009ء، گولڑہ شریف، اسلام آباد) خانقاہِ عالیہ گولڑہ شریف کے سجادہ نشین، عظیم صوفی بزرگ، محقق اور قادر الکلام شاعر تھے۔ وہ حضرت...