میں شکار ہوں کسی اور کا
Main Shikaar Hoon Kisi aur ka
میں شکار ہوں کسی اور کا مجھے مارتا کوئی اور ہے
مجھے جس نے بکری بنا دیا وہ تو بھیڑیا کوئی اور ہے
کئی سردیاں بھی گزر گئیں میں تو اس کے کام نہ آسکا
میں لحاف ہوں کسی اور کا مجھے اوڑھتا کوئی اور ہے
مجھے چکروں میں پھنسا دیا مجھے عشق نے تو رلا دیا
میں تو مانگ تھی کسی اور کی مجھے مانگتا کوئی اور ہے
میں ٹنگا رہا تھا منڈیر پر کہ کبھی تو آئے گا صحن میں
میں تھا منتظر کسی اور کا مجھے گھورتا کوئی اور ہے
سر بزم مجھ کو اٹھا دیا مجھے مار مار لٹا دیا
مجھے مارتا کوئی اور ہے ولے ہانپتا کوئی اور ہے
مجھے اپنی بیوی پہ فخر ہے مجھے اپنے سالے پہ ناز ہے
نہیں دوش دونوں کا اس میں کچھ مجھے ڈانٹتا کوئی اور ہے
Main shikaar hoon kisi aur ka mujhe maarta koi aur hai
Mujhe jis ne bakri bana diya woh to bherhiya koi aur hai
Kai sardiyan bhi guzar gayeen main to us ke kaam na aa saka
Main lihaf hoon kisi aur ka mujhe orhta koi aur hai
Mujhe chakkaron mein phansa diya mujhe ishq ne to rula diya
Main to maang thi kisi aur ki mujhe maangta koi aur hai
Main tanga raha tha mandair par ke kabhi to aaye ga sehn mein
Main tha muntazir kisi aur ka mujhe ghoorta koi aur hai
Sar-e-bazm mujh ko utha diya mujhe maar maar lita diya
Mujhe maarta koi aur hai walay haanpta koi aur hai
Mujhe apni biwi pe fakhr hai mujhe apne saalay pe naaz hai
Nahi dosh donon ka us mein kuch mujhe daantta koi aur hai
ضیاء الحق قاسمی
ضیاء الحق قاسمی اردو زبان کے مایہ ناز ادیب، کالم نگار اور مزاحیہ شاعر تھے جن کے قطعات اور نظمیں اردو ادب میں بلند مقام رکھتی ہیں۔