جو وہ تو نہ رہا تو وہ بات گئی
Jo Woh to na Raha to Woh Baat Gayi
جو وہ تو نہ رہا تو وہ بات گئی جو وہ بات گئی تو مزا نہ رہا
وہ اُمنگ کہاں ، وہ ترنگ کہاں ، وہ مزاج وفا و جفا نہ رہا
شب و روز کہیں بھی الگ نہ ہوا ، شب و روز کہاں وہ ملا نہ رہا
رگِ جاں سے ہماری قریب رہا، رگِ جاں سے ہماری جُدا نہ رہا
کسی شکل میں بھی کسی رنگ میں بھی کسی رُوپ میں بھی کسی ڈھنگ میں بھی
وہ ہماری نظر سے چُھپا تو مگر وہ ہماری نظر سے چُھپا نہ رہا
خزاں کے لباس میں کس کی نظر کہ جھیلتی گئی ہے تمام شعر
کسی شاخ پر تازہ کلی نہ رہی ، کوئی پتہ چمن میں ہرا نہ رہا
تیرے ظلم وستم ہوئے مجھ پہ جو کم تو یہ حال مرا ہے قدم بہ قدم
وہ تڑپ نہ رہی ، وہ جلن نہ رہی ، غم و درد میں اب وہ مزا نہ رہا
ہے اشک وفور ملال میں جب ، کھلے راز تمام ، ہوا یہ غضب
کوئی بات کسی سے چھپی نہ رہی، کوئی حال کسی سے چھپا نہ رہا
دم دید ہزار حواس گئے ، رہے دُور ہی دُور کہ پاس گئے
ہمیں دیکھنا تھا اُنہیں دیکھ لیا ، کوئی بیچ میں پردہ رہا نہ رہا
مرے دم سے تھے نقش و نگار جنوں ، مرے بعد کہاں وہ بہارِ جنوں
کسی خار کی نوک پہ کیا ہو تری ، کوئی دشت میں آبلہ پا نہ رہا
مرے پاس جو آ بھی گیا ہے کبھی ، تو یہ ڈھنگ رہے تو یہ شکل رہی
وہ ذرا نہ کُھلا ، وہ ذرا نہ کھلا ، وہ ذرا نہ تھا ، وہ ذرا نہ رہا
کیے تیری نگاہ نے جس پہ کرم، رہا دونوں جہان میں اُس کا بھرم
جسے تیرے غضب نے تباہ کیا ، کہیں اُس کا بھرم بخدا نہ رہا
جو نصیر ہم اُن سے قریب ہوئے ، تو حیات کے رنگ عجیب ہوئے
غم ہجر میں اور ہی کچھ تھی خلش ، وہ خلش نہ رہی وہ مزا نہ رہا
Jo woh to na raha to woh baat gayi jo woh baat gayi to maza na raha
Woh umang kahan, woh tarang kahan, woh mizaj-e-wafa-o-jafa na raha
Shab-o-roz kahin bhi alag na hua, shab-o-roz kahan woh mila na raha
Rag-e-jaan se hamari qareeb raha, rag-e-jaan se hamari juda na raha
Kisi shakl mein bhi kisi rang mein bhi kisi roop mein bhi kisi dhang mein bhi
Woh hamari nazar se chhupa to magar woh hamari nazar se chhupa na raha
Khizan ke libas mein kis ki nazar ke jhilti gayi hai tamam she'r
Kisi shaakh par taaza kali na rahi, koi patta chaman mein hara na raha
Tere zulm-o-sitam huay mujh pe jo kam to yeh haal mera hai qadam ba qadam
Woh tarap na rahi, woh jalan na rahi, gham-o-dard mein ab woh maza na raha
Hai ashk-e-wafoor-e-malal mein jab, khulay raaz tamam, hua yeh ghazab
Koi baat kisi se chhupi na rahi, koi haal kisi se chhupa na raha
Dam-e-deed hazar hawas gaye, rahe door hi door ke paas gaye
Hamein dekhna tha unhein dekh liya, koi beech mein parda raha na raha
Mere dam se thay naqsh-o-nigar-e-junoon, mere baad kahan woh bahaar-e-junoon
Kisi khaar ki nok pe kya ho teri, koi dasht mein aabla-pa na raha
Mere paas jo aa bhi gaya hai kabhi, to yeh dhang rahe to yeh shakl rahi
Woh zara na khula, woh zara na khula, woh zara na tha, woh zara na raha
Kiye teri nigaah ne jis pe karam, raha donon jahan mein us ka bharam
Jisay tere ghazab ne tabah kiya, kahin us ka bharam ba-Khuda na raha
Jo Naseer hum un se qareeb huay, to hayaat ke rang ajeeb huay
Gham-e-hijr mein aur hi kuch thi khalish, woh khalish na rahi woh maza na raha
پیر نصیر الدین نصیر گیلانیؒ
سید پیر نصیر الدین نصیر گیلانیؒ (14 نومبر 1949ء – 13 فروری 2009ء، گولڑہ شریف، اسلام آباد) خانقاہِ عالیہ گولڑہ شریف کے سجادہ نشین، عظیم صوفی بزرگ، محقق اور قادر الکلام شاعر تھے۔ وہ حضرت...