جب سرنگوں ہوا علم کہکشان شب

Jab Sarngoon Hua Alam-e-Kahkashan-e-Shab

مرزا سلامت علی دبیر کلاسیکی دور

فونٹ سائز:

100%

پس منظر:

جب سرنگوں ہوا علم کہکشان شب

خورشید کے نشاں نے مٹایا نشان شب

تیر شہاب سے ہوئی خالی کمان شب

تانی نہ پھر شعاع قمر نے سنان شب

آئی لو صبح زیور جنگی سنوار کے

شب نے زرہ ستاروں کی رکھ دی اتار کے

شمشیر مشرقی جو چڑھی چرخ پر شتاب

پھر تیغ مغربی نے دکھائی نہ آب و تاب

تھا بس کہ گرم خنجر بیضائے آفتاب

باقی رہا نہ چشمۂ نیلوفری میں آب

محتاج ماہتاب ہوا آب و تاب کا

باغ جہاں میں پھول کھلا آفتاب کا

تھی جوش خوں کے عارضہ میں مبتلا شفق

فصاد صبح آیا لیے نشتر و طبق

کھولی شفق کی فصد تو رنگ افق تھا فق

گل رنگ تھا صحیفۂ گردوں ورق ورق

خون شفق میں سرخ قضا نے قلم کیا

اور خط و خال روز شہادت رقم کیا

صرف نگاہ داشت ہوا شاہ خوش نہاد

دفتر کشا نے کھول دیا دفتر مراد

چہرہ پہ صبح کے جو کیا آب زر سے صاد

کافور ہوگئی شب تاریک کی مداد

رتبہ سے سرفراز کیا ماہتاب کو

عہدہ ہراولی کا دیا آفتاب کو

طغرا نویس روز نے پھر جس قدر لکھا

وہ حرف حرف موجب حکم قدر لکھا

خورشید کو ہراول فوج سحر لکھا

حرؔ کو ہراول شہ والا گہر لکھا

چہرہ جو دوہر والوں کا ایک جا ہوا

پر حرؔ کا نام مہر سے روشن سوا ہوا

شب نے نکالا پنبۂ اختر جو کان سے

غل نوبت سحر کا سنا آسمان سے

اور شور کوس رحلت سرور جہان سے

فریاد وا حسینؑ حرم کی زبان سے

نعرہ سنا اذاں کا خیام امام سے

اور اقتل الحسینؑ کا غل فوج شام سے

مصروف دار و گیر میں تھا خسرو سحر

دریا کے بندوبست میں تھی فوج بد گہر

ظاہر میں آب نہر پہ قبضہ تھا سربسر

باطن میں سب کی ملک میں تھی آتش سقر

آواز آرہی تھی مزار رسولؐ سے

مہر بتولؑ چھن گیا ابن بتول سے

چاروں طرف تھا بس کہ ہجوم سپاہ شام

گویا سیاہ پوش تھا آب رواں تمام

ماتم پہ تھا کہ مالک کوثر ہے تشنہ کام

غم سے الٹ دیئے تھے حبابوں نے اپنے جام

دریا جو دور پیاس میں تھا شہ کی فوج سے

منہ پر طمانچے مارتا تھا دست موج سے

خیمہ میں ابن سعد کے مجمع تھا بے شمار

بیٹھا تھا زرد رو سر کرسئ زر نگار

جاسوس پہلوؤں میں کھڑے تھے امیدوار

اور حکم صف کشی کا نقیبوں کو انتظار

جو قصد تھا وہ دین کے برباد ہونے کا

جو ذکر تھا وہ فاطمہؑ زہرا کے رونے کا

کہنے لگا رفیقوں سے خوش ہو کے وہ شریر

اک خواب میں نے دیکھا ہے آج اے جوان و پیر

کہنے لگے یہ دست ادب باندھ کر شریر

ارشاد ہو وہ دیکھا ہے کیا خواب اے امیر

بولا وہ فکر جنگ سے تھا اضطراب میں

اپنے نبیؐ کو ذبح کیا میں نے خواب میں

سب نے کہا کہ فتح مبارک ہو اے عمر

کاٹا سر حسینؑ تو کاٹا نبیؐ کا سر

چلایا شمر خواب ہے اپنا عجیب تر

گویا سوار ہوں شہ بیکس کے سینہ پر

مطلق کیا نہ پاس رسولؐ انام کا

خنجر سے میں نے قطع کیا سر امامؑ کا

یہ سن کے حرملہ نے کہا خواب سن مرا

گویا کیے ہیں تو نے دو خلعت مجھے عطا

ہیں دو نشانے تیر کے میرے جدا جدا

اک بازوئے حسینؑ اور اک طفل کا گلا

بیٹے کا اور پدر کا لہو مل کے بہ گیا

وہ مرگیا تڑپ کے یہ چپ ہو کے رہ گیا

بولا عدو ہے کہنے کی کیا اس میں احتیاج

سب کچھ تمہارے واسطے ہے بعد فتح آج

جس زخم کا رفو ہو نہ جس درد کا علاج

آج ابن فاطمہؑ کے لیے اس کا ہو رواج

سادات کی ردائیں بھی لوشہ کا سر بھی لو

خلعت بھی لو خطاب بھی لو مال و زر بھی لو

جاسوسوں کو قریب بلا کر کہی یہ بات

لو تم بھی اب کہو خبر شاہ نیک ذات

کیوں کر بغیر آب کٹی یہ تمام رات

کیا گزری شب کو پیاسوں پہ اب کیا ہے واردات

نامہ تو کوئی اہل وطن کو لکھا نہیں

بہر کمک کسی کو طلب تو کیا نہیں

کس کس کو شہ نے اسلحہ بخشا ہے کچھ سنا

شمشیر حیدری ہوئی کس شیر کو عطا

پچھلے کو خیمہ گاہ میں کیوں حشر تھا بپا

ہم کو تو دیتے ہوئیں گے شپیرؔ بد دعا

مشتاقئ اجل ہے کہ شوق جہاد ہے

جاسوس نے کہا کہ فقط حق کی یاد ہے

ہر سجدے میں شفاعت امت کی تھی دعا

کیسی مدد حسینؑ کو ہے احتیاج کیا

اکبرؑ سے شاہ کہتے تھے بیٹا وطن کو جا

تنہائی کی اجل میں ہے پیارے بڑا مزا

کب اسلحہ کسی کو دیا ہے حسینؑ نے

تقسیم سب کو صبر کیا ہے حسینؑ نے

پچھلے کے پہر رونے کا مضموں ہے دردناک

شپیرؔ نے سکینہؔ کا کرتا کیا تھا چاک

منہ پر ملی پھر اس کے یتیموں کی طرح خاک

کہتے تھے سب نہ صلح ہوئی اے امام پاک

فرماتے تھے حسینؑ کہ کل صلح ہوئے گی

لیکن وہ صلح ہوگی کہ سب خلق روئے گی

حضرت نے بے کسی سے کہا جب کہ یہ سخن

مل کر گلے سے بھائی کے رونے لگی بہن

پہنائے اپنے بیٹوں کو چھوٹے سے دو کفن

زینبؔ ہوئی جوانئ اکبر پہ نوحہ زن

غش پر غش آیا بادشۂ بے نظیر کو

اکبرؑ نے بخشوایا جو مادر سے شیر کو

پیاسے تو ہیں حسینؑ پر اس ضبط پر فدا

اک چشمہ خیمہ گاہ میں اس وقت تک رہا

پینے دیا کسی کو نہ خود شاہ نے پیا

دھویا کفن کو غسل کیا اور وضو کیا

نہر بہشت بہر طہارت خود آئی تھی

گویا رسول زادے کے گھرمیں خدائی تھی

لیتے ہوئے خبر جو پھرے ہم ہر ایک جا

پر سوئے پشت خیمہ نہ اپنا قدم بڑھا

آتی تھی ہائے ہائے پسر کی وہاں ندا

شپیرؔ کہتے تھے یہ مری ماں کی ہے صدا

خیمہ کے گرد نعرۂ شیر آشکار تھا

آئی صدا وہ شیر خدا بے قرار تھا

ہے آج تو ہر ایک طرح اپنی ہی ظفر

ہاں اب سلاح باندھیں جوانان ذی ہنر

دوڑے نقیب باندھ کے دامن ادھر ادھر

دو لاکھ مستعد ہوئے قتل حسینؑ پر

انصاف کہہ رہا تھا کہ یہ کیا خیال ہے

اے ظالمو بتولؑ کا یہ ایک لال ہے

جب مورچے بندھے تو علم یک قلم کھلے

تیر جفا کمانوں کی میزان میں تلے

قرنا کا زور و شور وہ نوبت کے غلغلے

جن کی صدا سے خون ہو خشک اور تن گھلے

ترکش کے تیر دیکھ کے آتا تھا دھیان میں

غل کے سبب سے انگلیاں دیتے تھے کان میں

جاروب کش نے آئینہ رن کو بنادیا

سقوں نے حرب گاہ میں دریا بہا دیا

پیغام صور شور دہل نے سنا دیا

بانگ نقیب نے دل اعدا بڑھا دیا

غل تھا کہ کوئی دم میں شہ دوسرا نہیں

زینبؑ کا اب جہاں میں کوئی آسرا نہیں

اب آن کر حسینؑ کا دیکھو جلال و جاہ

بن میں شگفتہ ہے چمن قدرت الہٰ

میدان میں سپاہ ہے خیمہ میں بادشاہ

انجم تو محو سیر ہیں برج شرف میں ماہ

کیا باوفا سپاہ شہ دیں پناہ ہے

دو دن کے پیاس ان کی وفا پر گواہ ہے

تھی بس کہ آمد آمد ابن ابو تراب

تھا ہاتھ میں خضر کے عصائے پر آب و تاب

الیاسؑ آب پاش تھے با دیدۂ پر آب

فرش زری بچھائے تھے فراش ماہتاب

حالت تھی غیر بنت رسالت پناہ کی

بالوں سے جھاڑتی تھی زمیں قتل گاہ کی

قربان بارگاہ حسینؑ و نثار فوج

خیمہ فلک شکوہ تو یہ فوج عرش اوج

جنت رواق زینت آفاق حورو زوج

دریا زرہ نہنگ سپر برق تیغ موج

کیا ان کے ااگے صولت سہراب و زال ہے

زال ان کے رعب و دبدبہ سے پیر زال ہے

رخ ایک کا مفسر والشمس والضحٰے

خال ایک کا مترجم و النجم اذا ہوا

چہرہ کسی کا زلف میں کالبدر فی الدجا

فرق بلند ایک کا تفسیر والسما

خود اوج سر ہے خود کا سر سے عروج ہے

ہر خود سر مشرح ذات البروج ہے

اکبر کھڑے ہیں ساغر عرفاں پیے ہوئے

دوچار ہمسنوں کو جلو میں لیے ہوئے

دست قضا میں نقد جوانی دیے ہوئے

دل میں خدا سے عہد شہادت کیے ہوئے

نقشہ تھا اک نبیؐ کا اس افلاک کے تلے

اٹھارہویں برس میں چھپا خاک کے تلے

چہرہ سے تابہ ناف ہے پیغمبر زمن

محبوب عصر ثانٔی محبوب ذوالمنن

ہے ناف یا کہ عکس فگن غنچۂ دہن

بالکل خطا ہے کہیے اگر نافۂ ختن

کب نافۂ ختن میں بھلا بوئے ناف ہے

یہ ناف روح پرور عبد مناف ہے

نیلے ہیں لب جو پیاس سے تو حسن ہے نیا

غنچہ دہن کا غنچۂ نیلوفری بنا

قاسم میں خلق و حلم ہے میراث مجتبا

مظلومیت حسینؑ کی یاں سر سے تابہ پا

یہ آفتاب حسن ہے وہ ماہ حسن ہے

وہ شاہ حسن ہے یہ شہنشاہ حسن ہے

شوکت نثار شوکت عباسؑ نامور

اللہ کی ہے سیف تو شپیر کی سپر

حمزہ حشم عقیل شیم صاحب ہنر

تیار مثل جعفر طیار جنگ پر

کہتے ہیں گو علم مرا نخل مراد ہے

سقہ سکینہؑ کا ہوں یہ رتبہ زیاد ہے

لہرا رہا ہے سبز پھر ہرہ بآب و تاب

پنجے پہ اس علم کے ہے قربان آفتاب

دو فتحہ ایک لفظ علم پر ہیں انتخاب

دونو جہاں میں ہے یہ علم دار لاجواب

کیوں کر گرہ کشائی میں بے مثل یہ نہیں

شکل کلید چوب علم میں گرہ نہیں

مڑ کر نجف کو کہتا ہے وہ شیر بے نظیر

اماں حسینؑ کے لیے بخشو حقوق شیر

سوئے نجف دعا ہے کہ ہوں آپ دست گیر

آتی ہے یہ علی کی ندا اے مہ منیر

کٹوا کے سر کو ہوجیو فدیہ حسینؑ کا

عباسؑ تجھ پہ دین ہے یہ والدین کا

ہیں پاس پاس مسلم و زینب کے یادگار

اک جا یہ چار چاند ہیں یا آفتاب چار

ذیقدر و ذی مراتب و ذی جاہ و ذی وقار

جان باز و سر فروش و نمودار و نامدار

عارض وہ پھول سے کہ تصدق بہار ہے

وہ کمسنی کہ جس پہ جوانی نثار ہے

مصحف ہے ان کا روئے مبیں غیرت قمر

کچھ کچھ عیاں ہے سبزۂ خط روئے پاک پر

جس حسن سے کہ سورۂ اخلاص مختصر

سورہ تو مختصر پہ فضیلت زیادہ تر

چہروں سے آشکار حسینؑ و حسن کا رنگ

سوکھے ہوئے لبوں پہ تصدق چمن کا رنگ

دیکھی شکوہ فوج سنو شہ کا ماجرا

آخر ہوا وظیفۂ آخر جو شاہ کا

کی ہاتھ اٹھا کے بار گہہ حق میں یہ دعا

یارب رسول پاک کی امت کا ہو بھلا

سہل است گر رود سر من برسر سنین

زینبؑ اگر اسیر شودوائے بر حسینؑ

زینب نے رو کے سبط پیمبر سے یہ کہا

بھیا ہزار جان سے تم پر بہن فدا

سایہ میں آپ کے مرا سر ہوئے بے ردا

میرا گلا بندھے نہ کٹے آپ کا گلا

زنداں ہو بے ردائی ہو اور شور شین ہو

زینب کو سب قبول ہے لیکن حسینؑ ہو

بولے حسینؑ بس کہ ہوا ٹکڑے دل مرا

میں جانتا ہوں ماں کی طرح مجھ پہ ہو فدا

جب صبر دے خدا تمہیں اور حشر میں جزا

پر میری زندگی میں تو ہو تم نہ بے ردا

کیوں کر خلاف مرضئ رب قدیر ہو

شپیر ذبح ہوئے تو زینبؑ اسیر ہو

باہیں گلے میں ڈال کے زینبؑ نے دی ندا

لپٹی ہوں فضہ اکبرؑ و عباسؑ کو بلا

آئے جو گھر میں اکبرؑ و عباس یہ کہا

لو ہم سے بھائی جان بھی اب ہوگئے خفا

اماں بھی مرگئیں مرے بابا بھی مر گئے

مرجاؤں گی جو یہ بھی مجھے چھوڑ کر گئے

میں تو ابھی ہوں چار بزرگوں کی سوگوار

ناسور دل میں چار ہیں سینے میں داغ چار

اب داغ پانچواں کیا قسمت نے روبہ کار

کیوں ماں کے ساتھ مر نہ گئی میں جگر فگار

جس کو کہ آسرا ہو فقط ایک بھائی کا

حال اس بہن سے پوچھیے زہراؑ اکی جائی کا

اس ذکر سے قیامت کبرا ہوئی عیاں

بھائی بہن کے اشک تھے رخسار پر رواں

سرکھولے گرد بیبیاں کرتی تھیں یہ بیاں

لٹتے ہیں پر ہلا نہیں سکتا کوئی زباں

شہ کہتے ہیں کہ آج کا دن امتحاں کا ہے

جانا وہاں ضرور ہے وعدہ جہاں کا ہے

فرما کے حکم صبر کا سب کو بصد شتاب

عصمت سرا سے پھر تو برامد ہوئے جناب

عباسؑ لائے مرکب ابن ابوتراب

چومے عناں نے ہاتھ گری پاؤں پر رکاب

یوں زیب زیں وہ سرور دنیا و دیں ہوا

قرآن پاک رحل پہ جلوہ گزیں ہوا

رخش حسینؑ قدرت حق صنع کبریا

دل دل خرام برق لجام و براق پا

خورشید زین بدر جبین و قمر ضیا

گل کو نہ اس بدن کی نزاکت کہوں میں کیا

گر بوسہ زن نسیم دم سیر باغ ہو

فورا نمود جلد سے لالہ کا داغ ہو

وہ رفرف و براق پہ کرتا تھا افتخار

یعنی سوار دوش نبیؐ ہے مرا سوار

میکائیل و جبرئیل عناں بوس بار بار

سرعت یہ تھی کہ باگ ہلی اور فلک کے پار

ہر گاہ بدر سم کی ضیا آسماں پہ تھی

برق لجام وہ کہ چمک کہکشاں پہ تھی

حاضر حضور شہ میں ہوا لشکر خدا

حضرت نے سب کو حکم صف آرائی کا دیا

روح الا میں نے بڑھ کے کیا صاف راستا

پھیلی جو شہ کے چہرۂ پر نور کی ضیا

عالم تھا حسن رخ میں عجب آب و تاب کا

چوتھے فلک پہ پھر گیا منہ آفتاب کا

فوج عدد سے جنگ کا پیغام لائے تیر

اہل ستم نے اہل وفا پر چلائے تیر

دو دن کی بھوک پیاس میں پیاسوں نے کھائے تیر

بولے حسینؑ ادھر سے نہ کوئی لگائے تیر

پوچھا سبب جو شہ نے کہا کچھ خبر بھی ہے

اک عاشق حسینؑ ہمارا ادھر بھی ہے

یاں صبر تھا عروج پہ زوروں پہ واں ستم

کی ابن سعد نحس نے تیغ زباں علم

بولا کہاں ہے حُرّ جری صاحب حشم

لایا ہے گھیر کر وہی شہ کو مع حرم

اب تیغ ہو یزید کی اور حر کا ہاتھ ہو

اور زیر تیغ حلق شہ خوش صفات ہو

حر صبح سے علاحدہ گوشہ میں تھا کھڑا

انگشت حیف لب کے تلے اور یہ تھی حیا

اللہ توبہ آہ بڑی میں نے کی خطا

سید کو گھیر کر یہاں لایا غضب کیا

نرغہ ہے ظالموں کا شہ خوش خصال پر

پانی ہے بند ساقئ کوثر کے لال پر

حر سے کہا برادر و فرزند نے یہ کیا

اے رستم زمانہ ہزاروں سے تو لڑا

ستردوتن سے تیرے لرزتے ہیں دست و پا

حر نے کہا میں خوف سے کانپوں نہ کیوں بھلا

یاں تو مقابلہ پسر مصطفی کا ہے

اور بعد اس کے سامنا اک دن خدا کا ہے

دل میں مرے ٹھنی ہوئی ہے رات سے یہ با ت

حتما یہی ہے قصد جو فضل خدا ہے سات

جاکر ملوں امام سے خود باندھ کر میں بات

شاید اسی وسیلہ سے ہوئے مری نجات

جی میں یہ ہے کہ صابر و شاکر کا ساتھ دوں

ہوں منحرف خدا سے جو کافر کا ساتھ دوں

اب اپنی تم کہو کہ تمہارا ہے قصد کیا

دونوں نے کی یہ عرض کہ جو آپ کی رضا

حاضر غلام حر بھی ہوا اور یہ کہا

یہ خانہ زاد بھی ہے فدائے شہ ہدا

عشق دلی ہے مجھ کو شہ خوش صفات سے

مجھ کو نہ چھوڑیے گا کہیں اپنے سات سے

حر نے دیا یہ حکم سمندوں کو سج کے لاؤ

جلدی کا ہے یہ وقت بسرعت قدم بڑھاؤ

کثرت سے فوج شام کی ہرگز نہ خوف کھاؤ

نام حسینؑ لے کے عنان فرس اٹھاؤ

نکلو عذاب نار سے داخل جناں میں ہو

حاظر جناب سرور کون و مکاں میں ہو

حر اور پسر برادر و عید نکو شعار

گھوڑوں پہ اپنے اپنے دلاور ہوئے سوار

آئے دلیر پیش بن سعد نابکار

فرمایا حر نے او ستم اطوار ہوشیار

اب لمحہ بھر بھی یاں مجھے رہنا حرام ہے

کیوں کفر سے جدا نہ ہوں حر میرا نام ہے

اس حال جانگزا کی نہ تھی کچھ خبر مجھے

میں کیا کہوں ہوئی ہے یہ کیوں کر سحر مجھے

تیری طرح نہیں ہوس مال و زر مجھے

بار گراں ہے دوش پہ اپنے یہ سر مجھے

دنیا کے جال میں کہیں دیں دار آتے ہیں

دیکھ اس طرح سے حق کے طلبگار جاتے ہیں

تھا شام سے یہ قصد کہیں جلد ہو سحر

ہوں داخل سپاہ شہنشاہ بحر و بر

کہنے کو یہ نہ ہو کہ یہ غالب تھا دل پہ ڈر

چھپ کر حجاب شب میں گیا حر بصد خطر

اب جس میں دم ہو بڑھ کے غضنفر کو ٹوک لے

تو حکم ساری فوج کو دے مجھ کو روک لے

بولا یہ ابن سعد کہ اے آزمودہ کار

چہرہ سے ہے نمود ترے خوف و اضطرار

باتیں بنا رہا ہے بگڑ کر بہ انتشار

ہونے کو اب ہے جنگ رسالہ سے ہوشیار

ہے خون خشک برق دم ذوالفقار سے

تو ڈر گیا حسینوں کی کارزار سے

یہ جان لے کہ نوکری پر آئے گا زوال

یہ یاد رکھ نہ چھوٹ کے ہوگا کبھی بحال

ہوں گے اسیر ظلم و ستم سےترے عیال

افسوس کچھ نہیں تجھے ناموس کا خیال

ذلت کا سامنا ہو تو افسر کی موت ہے

منہ موڑنا وغا سے دلاور کی موت ہے

کیا خوب واہ رشتۂ نوجوڑتا ہے تو

برسوں کا سلسلہ جو ہے وہ توڑتا ہے تو

بیڑے کا اپنے ساتھ عبث چھوڑتا ہے تو

حاکم سیایسے وقت میں منہ موڑتا ہے تو

کیوں کر سنوں میں آج ترے اس کلام کو

کل کی ہے بات گھیر کے لایا امام کو

کیوں ہاتھ شہ کی باگ پہ ڈالا تھا یا نہیں

جو حوصلہ تھا دل کا نکالا تھا یا نہیں

غصہ علیؑ کے شیر نے ٹالا تھا یا نہیں

تو تیغ حیدری کا نوالا تھا یا نہیں

رہتا اگر وہ طور اسی دم تھا خاتمہ

بڑھتا گیا کچھ اور اسی دم تھا خاتمہ

حر نے کہا اسی کی ندامت یہ ہے مجھے

مجھ سے یہ کیا خطا ہوئی حیرت یہ ہے مجھے

ہوں ان سے منحرف کہیں طاقت یہ ہے مجھے

صدقے ہوں شہ کے قدموں پہ حسرت یہ ہے مجھے

سرکاٹ لیں تو جرم کی میرے سزا یہ ہے

اور بخش دیں خطا تو سراسر عطا یہ ہے

بے حد ہے میرے دل پہ ہجوم غم وملال

تا عمر یہ رہے گی ندامت مجھے کمال

لشکر سمیت پیاس سے تھا غیر میرا حال

محفوظ شور و شر سے رہے مرتضا کا لال

رکھا نہ اپنے واسطے پانی پلادیا

مرتے ہووں کو ابر کرم نے جلادیا

احساں یہ ان کا دل سے بھلاؤں نہ ہوئے گا

منہ قبلۂ امم سے پھراؤں نہ ہوئے گا

دوزخ میں اپنے پاؤں سے جاؤں نہ ہوئے گا

بت کے لیے میں کعبہ کو ڈھاؤں نہ ہوئے گا

سبط نبیؐ کے دل کو دکھایا نہ جائے گا

مجھ سے تو دست ظلم اٹھایا نہ جائے گا

تیری طرح نہیں ہے مجھے حرض ملک و مال

لعنت ہے ایسے مال پہ جب ہو برا مآل

بس کر چکا اطاعت بے دین و بد خصال

تف ایسی نوکری پہ جو ایماں کا ہو زوال

بھاتا نہیں یہ عہدۂ و منصب نگاہ کو

پامال کر رہا ہوں اس اعزاز و جاہ کو

حر کے سخن کو کاٹ کے بولا وہ پرفتن

اے صف شکن یہ صف شکنوں کا نہیں چلن

بیٹا بھی ترے ساتھ ہے اے مورد محن

اس چاند کو لگاتا ہے خود ہاتھ سےگہن

ترا خیال کس طرف اے باتمیز ہے

اولاد سے سوا کوئی دنیا میں چیز ہے

حر نے کہا کہ اس کا نہیں کچھ مجھے خطر

سو جاں سے ہوں فدائے شہنشاہ بحر وبر

ہمراہ اس لیے لیے جاتا ہوں یہ پسر

صدقے کروں گا اس کو شبیہ رسولؐ پر

لے کر رضا امام سے لڑنے کو آؤں گا

میں سب سے پہلے گلشن جنت میں جاؤں گا

یہ کہہ کے حر نے باگ کو موڑا بہ عز و شاں

نکلا چمک کے فوج سے رہوار خوش عناں

ہمراہ تھے برادر و فرزند نوجواں

سایہ کی طرح عبد پس پشت تھا رواں

لے کر علیؑ کا نام اس انبوہ عام سے

وہ پیرو حسینؑ چلے فوج شام سے

نکلا سپاہ شام سے یوں حر نامور

جیسے گہن سے مہر مبیں ابر سے قمر

مدح و ثنا زبان سے اور آنکھ سے نظر

یوسف کنویں سے پردۂ شب سے رخ سحر

غل تھا کہ رود نیل سے موسیٰ نکل گئے

ظلمت کا خضر پیر کے دریا نکل گئے

پہنچا قریب فوج خدا جب وہ باوفا

حر جری نے سبط پیمبر کو دی صدا

اے شیر کبریا کے پسر تجھ پہ میں فدا

وقت مدد ہے اے جگر و جان مرتضٰی

محجوب ہے کمال بہت شرمسار ہے

مولا غلام عفو کا امیدوار ہے

حاضر ہوا جو خدمت شہ میں وہ ذی وقار

بس دوڑ کر لیے قدم شاہ نامدار

سر رکھ کے شہ کے پاؤں پہ کی عرض بار بار

امیدوار رحم و کرم ہے یہ خاکسار

میں قابل سزا ہوں سزا مجھ کو دیجئے

یہ بات قطع کیجئے سر کاٹ لیجئے

سینے سے سر لگا کے یہ بولے شہ امم

اللہ جانتا ہے کہ راضی ہیں تجھ سے ہم

کیسا گناہ کیسی خطا اے نکو شیم

تیرا تو نام فرد شہادت میں ہے رقم

یاں آکے مورد ستم و رنج و آہ ہوں

تو عذر خواہ کیا ہے میں ہی عذر خواہ ہوں

مہماں ہے تو حسینؑ کا اے حر باوفا

حیران ہوں کہ تیری ضیافت کروں میں کیا

یہ دن ہے تیسرا کہ نہ پانی ہے نے غذا

مرتے ہیں مارے پیاس کے اطفال مہ لقا

پانی ملا نہ دود ھ ملا بے زبان کو

آتے ہیں غش پہ غش چھ مہینہ کی جان کو

حر نے کہاں خطا بھی مری بخشی یا امام

شہ بولے عفو ہوگئے تیرے گنہ تمام

بھائی کو اور پسر کو دکھا کر وہ نیک نام

بولا کہ اور تو کسی قابل نہیں غلام

فدوی کا سر تو سبط پیمبرؐ کی نذر ہے

عباسؑ کی یہ نذریہ اکبرؑ کی نذر ہے

شہ سے رضا طلب ہوا پھر حر باوفا

فرمایا شاہ دیں نے کہ جلدی ابھی ہے کیا

کی حر نے عرض اے جگر و جان مرتضا

دعوت کے بدلے کیجئے جنت مجھے عطا

للہ روکیئے نہ اب اس تلخ کام کو

اکبرؑ کا صدقہ دیجئے رخصت غلام کو

لے کر رضا امام سے باصد شکوہ و شاں

پیاسا چلا جہاد کو پیاسوں کا میہماں

ڈیوڑھی سے فضہ بولی کہ حیدر نگیبہاں

اے حر دعائیں دیتی ہیں زہراؑ کی بیٹیاں

خوش خوش چڑھا دلیر سمند دلیر پر

گویا سوار شیر ہوا پشت شیر پر

اب ہے یہاں اشارۂ تائید کبریا

شکل ہراول شہ دیں کھینچ کر دکھا

قربان اس اشارہ کے اس لطف پر فدا

اب تک کسی نے حر کا سراپا نہیں لکھا

گنجینہ فیض سے ہے خدا کا بھرا ہوا

مضمون میرے حصہ کا یہ تھا بچا ہوا

لکھتا ہو حسن چہرۂ حر وفا سرشت

شیعہ تو داد دیں گے کے مجھے پنچتن بہشت

جس نے لکھا یہ وصف ہوئی خلد سرنوشت

رویا جو حر کو سبز ہوئی مغفرت کی کشت

حر کی طرح بخیر ہوا کس کا خاتمہ

سرزانوئے حسینؑ پہ بالیں پہ فاطمہؑ

مہر مبین مشرق مہروفا ہے حر

گنجینۂ محبت آل عبا ہے حر

سرتاج شیعیان علی جو بنا ہے حر

گویا کہ ابن فاطمہؑ کا نقش پا ہے حر

ہے فخر جو غلام حر نیک نام ہو

آقا حسینؑ سا ہو تو حر سا غلام ہو

مہمان کر بلا کا یہ مہماں ہے باوفا

آیا تھا پیاسا پیاسا ہی مرنے کو یہ چلا

پھر حق کے روبرو ہو نہ کیوں آبرو سوا

پیاسا سوائے حر کوئی مہماں نہیں سنا

دیکھو تو قدر الفت سبط رسولؐ کی

اک خشک آب تیغ کی دعوت قبول کی

حال حر شہید پہ اے صاحب شعور

تحسین بھی ضرور ہے گر یہ بھی ہے ضرور

تحسین تو وفا پہ جو کی شاہ کے حضور

اور گریہ بے کسی پہ کہ ہے قبر کتنی دور

اب بھی بتولؑ وارد مقتل جو روتی ہیں

ماں بھی نہ روئے جیسا کہ وہ حر کو روتی ہیں

مانند صبح صاف کرو دل کو اب شتاب

تاجلوہ گر ہو چہرۂ حر مثل آفتاب

نظارۂ جمال غلام ابو تراب

لاریب ہے زیارت شاہ فلک جناب

لکھا ہوا تھا حر کی یہی سرنوشت میں

دوزخ میں رات کو تھا سحر کو بہشت میں

چہرہ ہے فرد دستخط منشی وفا

طغرائے نقش دوستی سبط مصطفا

آزار کفر کیلئے ہے نسخۂ شفا

عارض دو آفتاب دو آئینہ ضیا

اک آفتاب علم کا ہے اک یقین کا

اک آئینہ ہے شرع کا اور ایک دین کا

بڑھتا ہے تا دو ہفتہ ہر اک ماہ میں قمر

عارض یہ حسن کرتے ہیں پیدا زیادہ تر

اک شب بھی روئے حر کے مقابل نہیں مگر

یہ بدر رخ تو اوج ابد پر ہے جلوہ گر

وہ حسن عارضی ہے تو کیا اعتماد ہے

داغی ہے وہ یہ صاف وہ کم یہ زیاد ہے

کسی رو سے یاں ہو قدر مہ و آفتاب کو

مصحف پہ ہے شرف رخ پر آب و تاب کو

یہ مصحف وفا ہے رسالت مآب کو

مثل پسر عزیز ہے ام الکتاب کو

جاری ورق پہ چشم سے خوں ناب کیجئے

سرخی سے اس صحیفہ پہ اعراب کیجئے

اب وصف خط و خال قلمبند کیجئے

اس بند پر ستاروں کو اسپند کیجئے

دل مدح رخ کے لکھنے سے خرسند کیجئے

نقطہ پہ فخر چاند سے دہ چند کیجئے

وصف جبین و عارض و خال آشکارا ہے

خورشید میں قمر ہے قمر میں ستارا ہے

چہرہ ہے ماہ شان دو ابرو کرو خیال

یہ کون سا مہینہ ہے جس میں ہیں دو ہلال

اب تو یہ ہے ثنا در دنداں کی ہے محال

پاؤں دہن تو کچھ در دنداں کی دوں مثال

دنداں در عدن پہ دہن رشک درج ہے

بتیس آفتاب ہیں اور ایک برج ہے

اب مدح چشم حر کی نہ کیوں فرض عین ہو

جس پر کہ عین عفو جناب حسینؑ ہو

مد نظر جسے دل زہرا کا چین ہو

یہ عین کیوں نہ شیعوں کو پھر فرض عین ہو

ابرو کا ہے اشارہ کہ حاصل مراد ہے

میں مد عرض داشت ہویہ عین صاد ہے

فردوس کی نسیم جو آتی ہے خوشگوار

ہوتی ہے بند نرگس بیدار بار بار

پر وقت جنگ بند ہے کیوں چشم ہوشیار

عین عزائے سبط پیمبر ہے آشکار

وضع زمانہ دیکھ کے حر کو جو خشم ہے

مل کر پلک پلک سے سیہ پوش چشم ہے

دونوں لبوں کے وصف کا مضموں نیا ہے واہ

شیرینئ زباں پہ ہیں گویا یہ دو گواہ

دو شغل ان لبوں کے ہیں ہر شام و ہر پگاہ

ذکر الٰہ و منقبت ضیغم اللہ

شیرینی دہن کے رقم گر صفات ہوں

ہوں نیشکر قلم شکر ستاں دوات ہوں

اک رمز ہے جو کاکل و رخ ہیں یہ آس پاس

عالم کو صبح و شام کا کرتے ہیں روشناس

کاکل پہ حسن مصرعۂ واللیل کا قیاس

رخ سے ہوا ہے مطلع و الفجر اقتباس

پیدا قریب چہرہ کے جاوید زلف ہے

خورشید رخ ہے سایۂ خورشید زلف ہے

پائے حسینؑ سے جو سر حر کو ہے نیاز

یاں ہر بلند پست ہے ہنگام امتیاز

کرنا ہے فرق حر پہ سر عرش فحر و ناز

روز ازل سے حق نے کیا حر کو سرفراز

زانوئے شاہ تکیۂ خواب بہشت ہے

اس سر کے ہم نثار کہ کیا سرنوشت ہے

رخ پر عرق کے قطروں کا ہے دھوپ میں وفور

یا ہے گہر کا چشمۂ خورشید سے ظہور

ہے عازم جہاد جو گرمی میں یہ غیور

قطرے نہ سمجھو منہ پہ برستا ہے آج نور

پیاسا نثار ہوتا ہے اپنے امام پر

نیساں گہر فشاں ہے حر نیک نام پر

ابرو ہیں یا دو مصرعۂ یک بیت ذوالفقار

یا پھر عدود و فقرۂ شمشیر آبدار

شان جبیں سے رفعت گردوں ہے آشکار

ہے واقعی ہلال یہ ابروئے باوقار

یہ ماہ نو جبیں پہ جو بے اختلاف ہے

رویت کا یہ سبب ہے کہ مطلع بھی صاف ہے

حسن و جمال حر پہ ہے تائید کبریا

ماتھے کی وہ نمود وہ رخسار کی ضیا

رخ کے عرق نے آب بقا کا مزا دیا

چاہ ذقن میں چشمۂ حیواں نہاں کیا

اس چاہ میں جو بینئ انور کا نور ہے

روشن خضر کے چشمہ پہ یہ شمع طور ہے

پیش بیاض گردن حر صبح فرد شام

شمع حرم جھکاتی ہے گردن پئے سلام

صبح گلو پہ نور کے درجے ہوئے تمام

رومال فاطمہؑ کا بندھا ہے یہ وہ مقام

بس نور میں تو نور کا پیوند چاہئے

رومال فاطمہؑ کا گلو بند چاہئے

لوح بقائے مہر وفا حر کا سینہ ہے

باب علوم کی یہ ولا کا مدینہ ہے

کیا خوب اس سے کعبۂ دل کا قرینہ ہے

وہ کعبہ میں کہاں ہے جو دل کا خزینہ ہے

کعبہ بھی دل بھی خانۂ رب جلیل ہے

پر دل بنائے حق وہ بنائے خلیل ہے

وہ آستیں میں ہاتھوں کی طلعت کا ہے ظہور

فانوس کعبہ میں نظر آتی ہے شمع طور

کیا نور کا ہے ناخن انگشت پر وفور

تشیبہ ماہ نو سے جو دیں صاحب شعور

تشبیہ سے ہلال میں یہ آب و تاب ہو

بڑھ کر ہلال بدر نہ ہو آفتا ب ہو

طوبیٰ سے قد حر کی نہ کیوں قدر ہو سوا

تعظیم سرو قد کریں جس کی سب انبیا

جوش تصور قد موزوں سے بارہا

طوبیٰ کی یہ صدا ہے کہ طوبیٰ لکم فدا

تصویر قد حر اسے استاد کہتے ہیں

یہ وجہ ہے کہ سرو کو آزاد کہتے ہیں

اب زیور سلاح کو دیکھیں جوان و پیر

خود و سنان و جوشن و تیغ و کمان و تیر

ہے نقش نام اکبرؑ و اصغر کا دل پذیر

کیا جوشن کبیر ہے کیا جوشن صغیر

تیغ و سناں و تیر کا جوہر ہے آشکار

لاسیف و لافتےٰ کا یہ محضر ہے آشکار

100

وصف زرہ سے کھل گیا یہ راز سر بسر

گن لو کہ چارآئینہ ہے اور اک سپر

یہ پانچ مہریں صاف زرہ پر ہیں جلوہ گر

سمجھو نہ تم زرہ سوئے شہ اس نے آن کر

محضر لکھا ہے الفت آل رسولؐ پر

مہریں یہ پنچتن کی ہیں حسن قبول پر

101

طوبیٰ کی شاخ نیزہ کے شاہد ہیں جبرئل

قرص سپر ہے بدر شب قدر کی دلیل

تیغ رواں ہے معجزۂ سید جلیل

ہے آب بے نظیر تو ہے تاب بے عدیل

حیرت ہے ایک قبضہ میں برق و سحاب ہے

قدرت یہ ہے خدا کی کہ آتش میں آب ہے

102

وصف سمند حر میں ہے کلک قلم رواں

جس کے حضور موج ہوا نبض ناتواں

رکتا نہیں کہیں صفت تیغ دو زباں

نظروں پہ چڑھ کے پھرتی ہیں آنکھوں میں پتلیاں

برق شرر فشاں دم رفتار رن میں ہے

طاؤس مست ہے کہ خراماں چمن میں ہے

103

گر بہر قبض جان عدؤے شہ زماں

ہمراہ اس سمند کے ہوئے اجل رواں

راکب اشارہ باگ سے اتنا کرے کہ ہاں

پھر ہاں کے بعد موت کہاں اوریہ کہاں

دونوں کو گر تلاش کرو رزم گاہ میں

تو سن سر عدو پہ ملے موت راہ میں

104

شان و شکوہ آمد حر پر کیا خیال

یہ دبدبہ یہ طظنہ یہ جاہ یہ جلال

پڑھتا ہے یوں رجز وہ حضور صفت قتال

یاروں میں ہوں غلام شہنشاہ خوش خصال

ان سے جدا ہوں کفر کا جن کو مزا ملا

ان سے ملا ہوں ملنے سے جن کے خدا ملا

103

دیتا ہوں اس پہ جان جو زہراؑ کی جان ہے

مہماں ہوں اس کا موت کا جو میہمان ہے

اس کی امان میں ہوں جو کل کی امان ہے

وہ جس پہ مہرباں ہے خدا مہربان ہے

اب دامن حسینؑ ہے اور میرا ہاتھ ہے

میں اس کے ساتھ ہوں کہ خدا جس کے ساتھ ہے

104

بولا یہ ابن سعد یہ سب ہے سنا ہوا

ہم کچھ نہیں سمجھتے کہ تو کہہ رہا ہے کیا

تو آنکھ چار کرتا ہے آتی نہیں حیا

وہ پرورش یزید کی اور یہ تری دغا

حق نمک یزید کا کیا خوب اداکیا

تو وہ ہے جس نے گوشت سے ناخن جدا کیا

105

غصہ سے حر پکارا کہ بس بس زباں سنبھال

حق کو نہ بھول اپنے گریباں میں منہ کو ڈال

اور شور بخت کیسا نمک ہے کدھر خیال

تو ہی نمک حرام ہے میں ہوں نمک حلال

کیوں رحمت خدا کو تو لاتا ہے قہر میں

آب و نمک تو آیا ہے زہراؑ کے مہر میں

106

ناموس پنچتن پہ یہ فاقہ ہے تیسرا

کس نے انہیں بلایا ہے مہمان سچ بتا

پاس نمک یہی ہے کہ حضرت پہ ہوں فدا

دریا تھا مہر فاطمہ سو تم نے لے لیا

ملک یزید ہے کہ یہ ملک بتولؑ ہے

اب کل یہ کہیو نانا بھی اس کا رسولؐ ہے

107

پشتیں ہویں یزید تو کافر ہے اے عمر

پر تیرا باپ کون تھا دل میں خیال کر

حیرت ہے سعد کا پسر اور نحس اس قدر

میں بد نہیں ہوں نیک نہ تھا گو مرا پدر

گل کرکے شمع مرقد خیرالانام کو

روشن تو آج کرتا ہے کیا اپنے نام کو

108

خندق میں میرا باپ تھا کفار کی طرف

تیرا پدر تھا احمد مختار کی طرف

تو آج ہے یزید بداطوار کی طرف

اور میں ہوں ابن حیدر کرار کی طرف

انصاف کر کہ صاحب عزو شرف ہے کون

باطل کی سمت کون ہے حق کی طرف ہے کون

109

بولا عمر غرور سے کرتا ہے کیا کلام

ماتم میں ترے روئے گا کنبہ ترا تمام

مرنے کے بعد لاش سے بھی لیں گے انتقام

جائے گا تیرا سر پئے نذر امیر شام

حر نے کہا کہ دہشت بیجا نہیں مجھے

میں سر بکف ہوں فکر سرو پا نہیں مجھے

110

یہ کہہ کے حر نے کھینچ لی شمشیر خوش غلاف

اور کہہ کے یا حسینؑ ہوا عازم مصاف

حر جری کے سر پہ کیا فتح نے طواف

غصہ سے مثل مہر ہوا سرخ روئے صاف

جنبش سوئے یسار جو قطب یمیں نے کی

سکتے میں چرخ آگئے جنبش زمیں نے کی

111

نکلا ادھر سے جنگ کو حجاج کا پسر

سردار اہل میمنہ لشکر عمر

تلوار ایک ہاتھ میں اک ہاتھ میں سپر

بہر مدد گروہ مسلح ادھر ادھر

حر نے کہا کہ اس میں تو آج امتحان ہے

میں حیدری جواں تو یزیدی جوان ہے

112

وہ حملوں میں نہ ایک رہے گا ہزار میں

وہ بولا بے مثال ہے تو روز گار میں

غالب ہزار پر ہے صف کارزار میں

حر نے کہا اب اور صفائی ہے وار میں

اب ہوں غلام ابن شہ ذوالفقار کا

تب زور تھا ہزار کا اب سو ہزار کا

113

غصہ سے برق تیغ کا اس نے لگایا وار

خورشید پر ہو کیا اثر برق بے مدار

حر نے سپر پہ روک کے وہ تیغ آبدار

تیغ اپنی تول کر کہا یا شاہ ذوالفقار

چالاکی اس کو کہتے ہیں بس اتنی بات میں

یہ تیغ اس کے سر پہ وہ تیغ اس کے ہات میں

114

بیخود ہوا یہ تیغ جو ں ہی خود پر گئی

سینہ میں خود کاٹ کے سن سےاتر گئی

چلنے سے اس کے سانس عدو کی ٹھہر گئی

ظالم سے پوچھیے کہ جو دل پر گزر گئی

تن پر گرہ گرہ سے بکس کر زرہ کھلی

یہ کیا ہے بند بند کی پھر تو گرہ کھلی

115

حاضر شریک نام تھا اس کا جواں پسر

آکر ہوا شریک پدر نیزہ تان کر

یاں نیزہ مارا اور چلا تیر سا ادھر

للکارا حر ٹھہرتو جواں مرد ہے اگر

رستے سے مثل طالع برگشتہ پھر پڑا

پھرنا تھا بس کہ گھوڑے سے دو ہوکے گر پڑا

116

بولی ظفر یہ ضربت ہوش و حواس ہے

کیا بات ہے کہ حق ترا جوہر شناس ہے

بشاش ہو اگر دل محزوں اداس ہے

کوثر پہ کر نگاہ اگر تجھ کو پیاس ہے

جرأت پکاری جنگ میں گھبرا نہ جائیو

ہاں اے دلیر شمر کا سر لے کے آئیو

117

جوش دغا میں ہمت حر ہوگئی فزود

آگے بڑھا حسینؑ پہ پڑھتا ہوا درود

کیا بزدلوں کی اصل تھی لڑتے جو وہ حسود

ذرے تھے بے نمود تو قطرے تھے بے وجود

پھر سر بدن پہ تھے نہ بدن راہوارپر

تیغ آئی یا کہ برق گری پنبہ زار پر

118

کرتی تھی تیغ حر تو سر تیغ زن جدا

سہمے ہوئے تھے تیر سے ناوک فگن جدا

زخموں کے تھے کھلے ہوئے تن پر چمن جدا

مردم سے چشم چشم سے سر سر سے تن جدا

تھی قہر ضرب گرز تن بے شکوہ کو

کیا حر نے ریزہ ریزہ کیا کوہ کوہ کو

119

اعدا حضور تیغ سے کر سکتے کیا فرار

شکل کمند تھی خم جوہر سے آشکار

یا گل کھلایا واں ہوئی جاکر گلے کی ہار

میداں میں باغیوں کی خزاں میں ہوئی بہار

زخموں کے گل کھلاتی تھی ہر ایک وار میں

کرتی تھی سیر خون کے یہ لالہ زار میں

120

لڑتا تھا یوں یزیدیوں سے حیدری جواں

بے خوف رن میں حملہ کناں تھا یہاں وہاں

ناگاہ اک شقی کی لگی سینہ پر سناں

گھوڑے سے گر پڑا وہ جری ہو کے نیم جاں

آقا کو دی ندا کہ یہ خادم فدا ہوا

مولا غلام حق نمک سے ادا ہوا

121

کس وقت حر کی لاش پہ پہنچا علیؑ کالال

تھا وقت نزع توڑتا تھا دم وہ خوشخصال

سینہ ذرا تھا گرم بدن برف کی مثال

آغوش میں اٹھالیا شہ نے بصد ملال

چہرہ کو صاف کردیا گردو غبار سے

زانو پہ رکھ لیا سر حر شہ نے پیار سے

122

کچھ حرنے آنکھیں کھول کے دیکھا ادھر ادھر

پوچھا جو شاہ دیں نے تو بولا وہ خوش سیر

اک بی بی رونے آئی ہے خادم کی لاش پر

سنتا ہوں گر یہ ان کو نہیں دیکھتا مگر

شہ بولے فاطمہؑ ترے قربان ہوتی ہیں

اے حر یہ میری ماں ترے ماتم میں روتی ہیں

123

یہ سن کے جاں بحق ہوا وہ حیدری جواں

لاشے پہ حر کے روئے شہنشاہ انس و جاں

فرماتے تھے حسینؑ کہ اے میرے میہماں

میں کر سکا نہ کوی ضیافت تری یہاں

جب تو ملے گا بادشہ کائنات سے

کوثر کا جام دیں گے علیؑ اپنے ہاتھ سے

124

ہر چند شہ کے ساتھ تھے اصحاب نیک ذات

خود لائے حر کی لاش کو پر شاہ خوش صفات

نزدیک خیمہ رکھ دیا اور کھینچ دی قنات

رو کر حرم سے سبط نبی نے کہی یہ بات

کوئی عزیزیاں نہیں اس خوش صفات کا

پرسادو آ کے مجھ کو حر نیک ذات کا

125

راضی علیؑ ہیں اس سے تو خوشنود مصطفی

غربت میں بیکسوں کا دیا ساتھ مرحبا

پیاسے تھے ہم تو اس نے بھی پانی نہیں پیا

پہلے سبھو سے ہوگیا یہ فدیۂ خدا

محسن کو میرے مژدہ ہو جنت کی سیر کا

بخشو ثواب تم اسے اعمال خیر کا

126

یہ ذکر تھا کہ دیکھتے کیا ہیں شہ زمن

حر کے گلے سے خون کا دریا ہے موج زن

ہاتھ اپنا رکھ کے واں کیا زینبؑ سے یہ سخن

کھولو تبرکات کا صندوق اے بہن

حر پر ہے صدق و مہر و محبت کا خاتمہ

زخمی گلے پہ باندھوں گا رومال فاطمہؑ

127

رومال فاطمہؑ کا جو زیب گلو ہوا

افزوں گلوئے حر کی ہوئی زینت و ضیا

تھا بضقۂ رسول خدا کا یہ معجزا

نے زخم کا اثر تھا نہ تھا خون کا پتا

امت نے کچھ نہ پردۂ آل عبا کیا

زہراؑ کی بہووں بیٹیوں کو بے ردا کیا

128

بس اے دبیرؔ چاک فرشتوں کی حبیب ہے

اس نظم سے عیاں ہے کہ تائید غیب ہے

اپنے سخن کی آپ ثنا سخت عیب ہے

تجھ پر کرم حسینؑ کا بے شبہ و ریب ہے

خالق سے کہہ کہ عرض یہ میری قبول ہو

مرنے کے بعد شہ کی غلامی حصول ہو

Jab sarngoon hua alam-e-kahkashan-e-shab

Khurshid ke nishan ne mitaya nishan-e-shab

Tir-e-shahab se hui khali kaman-e-shab

Tani na phir shu'a-e-qamar ne sanan-e-shab

Aayi lo subah zewar-e-jangi sanwar ke

Shab ne zira-e-sitaron ki rakh di utar ke

Shamsheer-e-mashriqi jo charhi charkh par shitab

Phir tegh-e-maghribi ne dikhayi na aab-o-tab

Tha bas ke garm-e-khanjar-e-baiza-e-aftab

Baqi raha na chashma-e-niloofari mein aab

Mohtaj-e-mahtab hua aab-o-tab ka

Bagh-e-jahan mein phool khula aftab ka

Thi josh-e-khoon ke ariza mein mubtila shafaq

Fasad-e-subah aaya liye nashtar-o-tabaq

Kholi shafaq ki fasad to rang-e-ufuq tha faq

Gul-rang tha sahifa-e-gardoon waraq waraq

Khoon-e-shafaq mein surkh qaza ne qalam kiya

Aur khat-o-khal-e-roz-e-shahadat raqam kiya

Sarf-e-nigah dasht hua Shah-e-khush-nihad

Daftar-kusha ne khol diya daftar-e-murad

Chehre pe subah ke jo kiya aab-e-zar se saad

Kafoor ho gayi shab-e-tareek ki madad

Rutba se sarfaraz kiya mahtab ko

Ohda harauli ka diya aftab ko

Tughra-nawis-e-roz ne phir jis qadar likha

Woh harf harf mojib-e-hukm-e-qadar likha

Khurshid ko haraul-e-fauj-e-sahar likha

Hurr ko haraul-e-Shah-e-wala-guhar likha

Chehra jo dohar walon ka ek ja hua

Par Hurr ka naam mehr se roshan siwa hua

Shab ne nikala panba-e-akhtar jo kaan se

Ghal naubat-e-sahar ka suna asman se

Aur shor-e-kaus-e-rahlat-e-Sarwar-e-jahan se

Faryad wah Husain haram ki zaban se

Na'ra suna azan ka khayam-e-Imam se

Aur uqtul-ul-Husain ka ghal fauj-e-Sham se

Masroof-e-dar-o-geer mein tha Khusraw-e-sahar

Darya ke band-o-bast mein thi fauj-e-bad-guhar

Zahir mein aab-e-nahr pe qabza tha sar ba sar

Batin mein sab ki mulk mein thi atish-e-saqar

Awaz aa rahi thi mazar-e-Rasool se

Mehr-e-Batool chhin gaya Ibn-e-Batool se

Charon taraf tha bas ke hujoom-e-sipah-e-Sham

Goya siyah-posh tha aab-e-rawan tamam

Matam pe tha ke Malik-e-Kausar hai tishna-kaam

Gham se ulat diye the hababon ne apne jaam

Darya jo door-e-pyaas mein tha Shah ki fauj se

Munh par thamanche marta tha dast-e-mauj se

Khayme mein Ibn-e-Sa'ad ke majma tha be-shumar

Baitha tha zard-roo sar-e-kursi-e-zar-nigar

Jasoos pahluon mein khare the ummeedwar

Aur hukm-e-saf-kashi ka naqeebon ko intezar

Jo qasd tha woh deen ke barbad hone ka

Jo zikr tha woh Fatima Zahra ke rone ka

Kehne laga rafeeqon se khush ho ke woh shareer

Ek khab main ne dekha hai aaj ae jawan-o-pir

Kehne lage yeh dast-e-adab baandh kar shareer

Irshad ho woh dekha hai kya khab ae amir

Bola woh fikr-e-jang se tha iztirab mein

Apne Nabi ko zibah kiya main ne khab mein

Sab ne kaha ke fatah mubarak ho ae Umar

Kaata sar-e-Husain to kaata Nabi ka sar

Chalaya Shimr khab hai apna ajab tar

Goya sawar hoon Shah-e-be-kas ke seene par

Mutlaq kiya na paas-e-Rasool unam ka

Khanjar se main ne qata kiya sar-e-Imam ka

Yeh sun ke Harmala ne kaha khab sun mera

Goya kiye hain tu ne do khil'at mujhe ata

Hain do nishane tir ke mere juda juda

Ek bazoo-e-Husain aur ek tifl ka gala

Bete ka aur padar ka lahu mil ke bah gaya

Woh mar gaya tarap ke yeh chup ho ke reh gaya

Bola adu hai kehne ki kya us mein ihtiyaj

Sab kuch tumhare wasta hai baad-e-fatah aaj

Jis zakhm ka rafoo ho na jis dard ka ilaj

Aaj Ibn-e-Fatima ke liye us ka ho rawaj

Sadat ki ridayen bhi lushka ka sar bhi lo

Khil'at bhi lo khitab bhi lo maal-o-zar bhi lo

Jasooson ko qareeb bula kar kahi yeh baat

Lo tum bhi ab kaho khabar Shah-e-neek-zat

Kyun kar baghair-e-aab kati yeh tamam raat

Kya guzri shab ko pyason pe ab kya hai waridat

Nama to koi ahl-e-watan ko likha nahin

Bahar-e-madad kisi ko talab to kiya nahin

Kis kis ko Shah ne silah bakhsha hai kuch suna

Shamsheer-e-Haidari hui kis sher ko ata

Pichle ko khayma-gah mein kyun hashr tha bapa

Hum ko to dete huein ge Shabbir bad-dua

Mushtaq-e-ajal hai ke shauq-e-jihad hai

Jasoos ne kaha ke faqat Haq ki yaad hai

Har sajde mein shafa'at-e-ummat ki thi dua

Kaisi madad Husain ko hai ihtiyaj kya

Akbar se Shah kehte the beta watan ko ja

Tanhai ki ajal mein hai pyare bara maza

Kab silah kisi ko diya hai Husain ne

Taqseem sab ko sabr kiya hai Husain ne

Pichle ke pahar rone ka mazmoon hai dardnak

Shabbir ne Sakina ka karta kiya tha chak

Munh par mali phir us ke yatimon ki tarah khaak

Kehte the sab na sulah hui ae Imam-e-pak

Farmate the Husain ke kal sulah hoye gi

Lekin woh sulah hogi ke sab khalq roye gi

Hazrat ne be-kasi se kaha jab ke yeh sukhan

Mil kar gale se bhai ke rone lagi bahan

Pehnaye apne beton ko chhote se do kafan

Zainab hui jawani-e-Akbar pe nauha-zan

Ghash par ghash aaya Badshah-e-be-nazir ko

Akbar ne bakhshwaya jo madar se sher ko

Pyase to hain Husain par us zabt par fida

Ek chashma khayma-gah mein us waqt tak raha

Peene diya kisi ko na khud Shah ne piya

Dhoya kafan ko ghusl kiya aur wuzu kiya

Nahr-e-bihisht bahar-e-taharat khud aayi thi

Goya Rasul-zade ke ghar mein khudai thi

Le-te hue khabar jo phire hum har ek ja

Par su-e-pusht-e-khayma na apna qadam barha

Aati thi haye haye pasar ki wahan nida

Shabbir kehte the yeh meri man ki hai sada

Khayme ke ghard na'ra-e-sher ashkar tha

Aayi sada woh Sher-e-Khuda be-qarar tha

Hai aaj to har ek tarah apni hi zafar

Han ab silah bandhein jawanan-e-zi-hunar

Daure naqeeb baandh ke daman udhar udhar

Do lakh musta'id hue qatl-e-Husain par

Insaf keh raha tha ke yeh kya khayal hai

Ae zalimo Batool ka yeh ek lal hai

Jab morche bandhe to alam yak-qalam khule

Tir-e-jafa kamanon ke mizan mein tale

Qurna ka zor-o-shor woh naubat ke ghalghale

Jin ki sada se khoon ho khushk aur tan ghale

Turkash ke tir dekh ke aata tha dhyan mein

Ghal ke sabab se ungliyan dete the kaan mein

Jarub-kash ne aaina-e-ran ko bana diya

Saqon ne harb-gah mein darya baha diya

Payam-e-sur shor-e-dahel ne suna diya

Bang-e-naqeeb ne dil-e-a'da barha diya

Ghal tha ke koi dam mein Shah dusra nahin

Zainab ka ab jahan mein koi asra nahin

Ab aa kar Husain ka dekho jalal-o-jah

Ban mein shagufta hai chaman-e-qudrat-e-Ilah

Maidan mein sipah hai khayme mein badshah

Anjum to mahv-e-sair hain burj-e-sharaf mein mah

Kiya ba-wafa sipah-e-Shah-e-deen-penah hai

Do din ke pyaas un ki wafa par gawah hai

Thi bas ke aamad aamad-e-Ibn-e-Abu-Turab

Tha haath mein Khizr ke asaye par aab-o-tab

Ilyas aab-pash the ba-deeda-e-pur-aab

Farsh-e-zari bichhaye the farash-e-mahtab

Halat thi ghair bint-e-Risalat-penah ki

Balon se jharti thi zameen qatl-gah ki

Qurban bargah-e-Husain-o-nisar-e-fauj

Khayma falak-shukoh to yeh fauj-e-arsh-auj

Jannat rawaq zeenat-e-afaq hoor-o-zauj

Darya zira nahang sipar barq tegh mauj

Kiya un ke aage saulat-e-Sohrab-o-Zal hai

Zal un ke raub-o-dabdabe se pir-e-Zal hai

Rukh ek ka mufassir wal-shams waz-zuha

Khal ek ka mutarjim wan-najm iza hawa

Chehra kisi ka zulf mein kal-badr fid-duja

Farq-e-buland ek ka tafseer was-sama

Khud auj-e-sar hai khud ka sar se urooj hai

Har khud sar-e-musharrah zat-ul-buruj hai

Akbar khare hain saghar-e-irfan piye hue

Do-chaar hamsanon ko jalo mein liye hue

Dast-e-qaza mein naqd-e-jawani diye hue

Dil mein Khuda se ahd-e-shahadat kiye hue

Naqsha tha ek Nabi ka us aflak ke tale

Atharween bars mein chhipa khaak ke tale

Chehre se taba-naaf hai paighambar-e-zaman

Mehboob-e-asr sani-e-mehboob-e-zulminan

Hai naaf ya ke aks-e-figan ghunche-e-dahan

Bilkul khata hai kahiye agar nafa-e-khatan

Kab nafa-e-khatan mein bhala bu-e naaf hai

Yeh naaf rooh-parwar-e-Abd-e-Manaf hai

Nele hain lab jo pyaas se to husn hai naya

Ghunche-e-dahan ka ghunche-e-niloofari bana

Qasim mein khulq-o-hilm hai miras-e-Mujtaba

Mazlumiyyat-e-Husain ki yan sar ta ba pa

Yeh aftab-e-husn hai woh mah-e-husn hai

Woh Shah-e-husn hai yeh shahanshah-e-husn hai

Shaukat nisar-e-shaukat-e-Abbas namwar

Allah ki hai saif to Shabbir ki sipar

Hamza hasham Aqeel Shaim sahib-e-hunar

Taiyar misl-e-Ja'far Tayyar jang par

Kehte hain go alam mera nakhl-e-murad hai

Saqa-e-Sakina ka hoon yeh rutba ziyad hai

Lehra raha hai sabz phir hara ba-aab-o-tab

Panje pe us alam ke hai qurban aftab

Do fatah ek lafz-e-alam par hain intikhab

Dono jahan mein hai yeh alamdar-e-lajawab

Kyun kar girah-kushai mein be-misl yeh nahin

Shakl-e-kilid chaub-e-alam mein girah nahin

Mur kar Najaf ko kehta hai woh sher-e-be-nazir

Aman Husain ke liye bakhsho huqooq-e-sher

Su-e-Najaf dua hai ke hon aap dastgeer

Aati hai yeh Ali ki nida ae mah-e-muneer

Katwa ke sar ko ho jiwao fidiya-e-Husain ka

Abbas tujh pe deen hai yeh walidain ka

Hain paas paas Muslim-o-Zainab ke yadgar

Ek ja yeh chaar chand hain ya aftab chaar

Zi-qadr-o-zi-maratib-o-zi-jah-o-zi-waqar

Jaan-baz-o-sar-farosh-o-numudar-o-namdar

Araz woh phool se ke tasadduq bahar hai

Woh kamsani ke jis pe jawani nisar hai

Mushaf hai un ka roo-e-mubeen gheirat-e-qamar

Kuch kuch ayan hai sabza-e-khat-e-roo-e-pak par

Jis husn se ke sura-e-ikhlas mukhtasar

Sura to mukhtasar pe fazilat ziyada tar

Chehron se ashkar Husain-o-Hasan ka rang

Sookhe hue labon pe tasadduq chaman ka rang

Dekhi shukoh-e-fauj suno Shah ka majra

Aakhir hua wazifa-e-aakhir jo Shah ka

Ki haath utha ke bargah-e-Haq mein yeh dua

Ya Rab Rasul-e-pak ki ummat ka ho bhala

Sahl ast gar rawad sar-e-man bar sar-e-sineen

Zainab agar aseer shud wai bar Husain

Zainab ne ro ke Sibt-e-paighambar se yeh kaha

Bhaiya hazar jaan se tum par bahan fida

Saye mein aap ke mera sar hue be-rida

Mera gala bandhe na kate aap ka gala

Zindan ho be-ridai ho aur shoor-o-shein ho

Zainab ko sab qubool hai lekin Husain ho

Bole Husain bas ke hua tukre dil mera

Main janta hoon man ki tarah mujh pe ho fida

Jab sabr de Khuda tumhein aur hashr mein jaza

Par meri zindagi mein to ho tum na be-rida

Kyun kar khilaf-e-marzi-e-Rab-e-Qadeer ho

Shabbir zibah hue to Zainab aseer ho

Bahen gale mein daal ke Zainab ne di nida

Lipti hoon Fizza Akbar-o-Abbas ko bula

Aaye jo ghar mein Akbar-o-Abbas yeh kaha

Lo hum se bhai jaan bhi ab ho gaye khafa

Aman bhi mar gayen mere baba bhi mar gaye

Mar jaoon gi jo yeh bhi mujhe chhor kar gaye

Main to abhi hoon chaar buzurgon ki saugwar

Nasoor dil mein chaar hain seene mein dagh chaar

Ab dagh panchwan kya qismat ne roo-ba-kar

Kyun man ke saath mar na gayi main jigar-figar

Jis ko ke asra ho faqat ek bhai ka

Haal us bahan se poochhiye Zahra ek jai ka

Us zikr se qayamat-e-kubra hui ayan

Bhai bahan ke ashk the rukhsar par rawan

Sar khole ghard bibiyan karti thin yeh bayan

Lutte hain par hila nahin sakta koi zaban

Shah kehte hain ke aaj ka din imtihan ka hai

Jana wahan zaroor hai wa'ada jahan ka hai

Farma ke hukm-e-sabr ka sab ko ba-sad shitab

Ismat-sara se phir to baramad hue janab

Abbas laye markab-e-Ibn-e-Abu-Turab

Chooma unan ne haath girri paon pe rikab

Yun zeb-e-zeen woh Sarwar-e-duniya-o-deen hua

Quran-e-pak rahal pe jalwa-gazeen hua

Rakhsh-e-Husain qudrat-e-Haq sun'-e-Kibriya

Dil dil-kharam barq-e-lajam-o-buraq-e-pa

Khurshid zeen badr jabeen-o-qamar ziya

Gul ko na us badan ki nazakat kahoon main kiya

Gar bosa-zan nasim dam-e-sair-e-bagh ho

Foran numood-e-jald se lala ka dagh ho

Woh rafraf-o-buraq pe karta tha iftikhar

Ya'ni sawar-e-dosh-e-Nabi hai mera sawar

Mikaeel-o-Jibraeel unan-bos baar baar

Sur'at yeh thi ke baag hali aur falak ke paar

Har gah badr-e-sam ki ziya asman pe thi

Barq-e-lajam woh ke chamak kahkashan pe thi

Hazir huzoor-e-Shah mein hua lashkar-e-Khuda

Hazrat ne sab ko hukm-e-saf-arai ka diya

Rooh-ul-ameen ne barh ke kiya saaf rasta

Phaili jo Shah ke chehra-e-pur-noor ki ziya

Aalam tha husn-e-rukh mein ajab aab-o-tab ka

Chauthe falak pe phir gaya munh aftab ka

Fauj-e-adad se jang ka payam laye tir

Ahl-e-sitam ne ahl-e-wafa par chalaye tir

Do din ki bhook pyaas mein pyason ne khaye tir

Bole Husain udhar se na koi lagaye tir

Poochha sabab jo Shah ne kaha kuch khabar bhi hai

Ek aashiq-e-Husain hamara udhar bhi hai

Yan sabr tha urooj pe zoron pe wan sitam

Ki Ibn-e-Sa'ad nahs ne tegh-e-zaban alam

Bola kahan hai Hurr jarri sahib-e-hasham

Laya hai gher kar wohi Shah ko ma'a haram

Ab tegh ho Yazid ki aur Hurr ka haath ho

Aur zer-e-tegh halq-e-Shah-e-khush-sifat ho

Hurr subah se alaida gushe mein tha khara

Angusht haif lab ke tale aur yeh thi haya

Allah tauba aah bari main ne ki khata

Sayyid ko gher kar yahan laya ghazab kiya

Nurgha hai zalimon ka Shah-e-khush-khisal par

Pani hai band Saqi-e-Kausar ke lal par

Hurr se kaha baradar-o-farzand ne yeh kiya

Ae Rustam-e-zamana hazaaron se tu lara

Satar-do-tan se tere larazte hain dast-o-pa

Hurr ne kaha main khauf se kanpoon na kyun bhala

Yan to muqabla pasar-e-Mustafa ka hai

Aur baad us ke samna ek din Khuda ka hai

Dil mein mere thani hui hai raat se yeh baat

Hatma yehi hai qasd jo fazl-e-Khuda hai saath

Jaa kar miloon Imam se khud baandh kar main baat

Shayad usi wasile se hoye meri najat

Ji mein yeh hai ke sabir-o-shakir ka saath doon

Hon munharif Khuda se jo kafir ka saath doon

Ab apni tum kaho ke tumhara hai qasd kiya

Donon ne ki yeh arz ke jo aap ki riza

Hazir ghulam Hurr bhi hua aur yeh kaha

Yeh khana-zad bhi hai fida-e-Shah-e-Huda

Ishq-e-dili hai mujh ko Shah-e-khush-sifat se

Mujh ko na chhoriye ga kahin apne saath se

Hurr ne diya yeh hukm samandon ko saj ke lao

Jaldi ka hai yeh waqt ba-sur'at qadam barhao

Kasrat se fauj-e-Sham ki har-giz na khauf khao

Naam-e-Husain le ke unan-e-faras uthao

Niklo azab-e-nar se dakhil jinan mein ho

Hazir janab-e-Sarwar-e-kaun-o-makan mein ho

Hurr aur pasar-e-baradar-o-eid niko-shiar

Gharon pe apne apne dilawar hue sawar

Aaye daleer pesh-e-Ibn-e-Sa'ad nab-kar

Farmaya Hurr ne ae sitam-atar hoshiyar

Ab lamha bhar bhi yan mujhe rehna haram hai

Kyun kufr se juda na hon Hurr mera naam hai

Us haal-e-jangaza ki na thi kuch khabar mujhe

Main kiya kahoon hui hai yeh kyun kar sahar mujhe

Teri tarah nahin hawas-e-maal-o-zar mujhe

Bar-e-giran hai dosh pe apne yeh sar mujhe

Duniya ke jaal mein kahin deendar aate hain

Dekh us tarah se Haq ke talabwar jate hain

Tha Sham se yeh qasd kahin jald ho sahar

Hon dakhil sipah-e-shahanshah-e-bahr-o-bar

Kehne ko yeh na ho ke yeh ghalib tha dil pe dar

Chhup ke hijab-e-shab mein gaya Hurr ba-sad khatr

Ab jis mein dam ho barh ke ghaznfar ko tok le

Tu hukm sari fauj ko de mujh ko rok le

Bola yeh Ibn-e-Sa'ad ke ae azmuda-kar

Chehre se hai numood tere khauf-o-iztirar

Baatein bana raha hai bigar ke ba-intizar

Hone ko ab hai jang rasale se hoshiar

Hai khoon khushk barq-e-dam-e-Zulfiqar se

Tu dar gaya Husainon ke karzar se

Yeh jaan le ke naukrri pe aaye ga zawal

Yeh yaad rakh na chhoot ke hoga kabhi bihaal

Honge aseer-e-zulm-o-sitam se tere ayal

Afsos kuch nahin tujhe namoos ka khayal

Zillat ka samna ho to afsar ki maut hai

Munh morna wigha se dilawar ki maut hai

Kiya khoob wah rishta-e-nau jorta hai tu

Barson ka silsila jo hai woh torta hai tu

Baire ka apne saath abas chhorta hai tu

Hakim siya aise waqt mein munh morta hai tu

Kyun kar sunoon main aaj tere us kalam ko

Kal ki hai baat gher ke laya Imam ko

Kyun haath Shah ki baag pe dala tha ya nahin

Jo hausla tha dil ka nikala tha ya nahin

Ghusse Ali ke sher ne tala tha ya nahin

Tu tegh-e-Haidari ka niwala tha ya nahin

Rehta agar woh taur usi dam tha khatma

Barhta gaya kuch aur usi dam tha khatma

Hurr ne kaha usi ki nadamat yeh hai mujhe

Mujh se yeh kiya khata hui hairat yeh hai mujhe

Hon un se munharif kahin taqat yeh hai mujhe

Sadqe hoon Shah ke qadmon pe hasrat yeh hai mujhe

Sar kaat lein to jurm ke mere saza yeh hai

Aur bakhsh dein khata to sarasar ata yeh hai

Be-hadd hai mere dil pe hujoom-e-gham-o-malal

Ta umr yeh rahe gi nadamat mujhe kamal

Lashkar samait pyaas se tha ghair mera haal

Mahfooz shor-o-shar se rahe Murtaza ka lal

Rakha na apne wasta pani pila diya

Marte huon ko abr-e-karam ne jala diya

Ihsan yeh un ka dil se bhulaoon na hoye ga

Munh qibla-e-umam se phiraoon na hoye ga

Dozakh mein apne paon se jaoon na hoye ga

But ke liye main Kaba ko dhaaoon na hoye ga

Sibt-e-Nabi ke dil ko dikhaya na jaye ga

Mujh se to dast-e-zulm uthaya na jaye ga

Teri tarah nahin hai mujhe hirs-e-mulk-o-maal

La'nat hai aise maal pe jab ho bura ma'al

Bas kar chuka ita'at-e-be-deen-o-bad-khisal

Tuf aisi naukrri pe jo iman ka ho zawal

Bhata nahin yeh ohda-o-mansab nigah ko

Paimal kar raha hoon us izzat-o-jah ko

Hurr ke sukhan ko kaat ke bola woh pur-fitan

Ae saf-shikan yeh saf-shikanon ka nahin chalan

Beta bhi tere saath hai ae mauwid-e-mihan

Us chand ko lagata hai khud haath se gahan

Tera khayal kis taraf ae ba-tameez hai

Aulad se siwa koi duniya mein cheez hai

Hurr ne kaha ke us ka nahin kuch mujhe khatr

Sau jaan se hoon fida-e-shahanshah-e-bahr-o-bar

Hamrah us liye liye jata hoon yeh pasar

Sadqe karoon ga us ko shabeh-e-Rasool par

Le kar riza-e-Imam se larne ko aaoon ga

Main sab se pehle gulshan-e-jannat mein jaoon ga

Yeh keh ke Hurr ne baag ko mora ba-izz-o-shan

Nikla chamak ke fauj se rahwar-e-khush-unan

Hamrah the baradar-o-farzand-e-nojawan

Saye ki tarah abd pus-e-pusht tha rawan

Le kar Ali ka naam us anbooh-e-aam se

Woh pir-e-Husain chale fauj-e-Sham se

Nikla sipah-e-Sham se yun Hurr namwar

Jaise gahan se mehr-e-mubeen abr se qamar

Madh-o-sana zaban se aur aankh se nazar

Yusuf kunwan se parda-e-shab se rukh-e-sahar

Ghal tha ke rod-e-neel se Musa nikal gaye

Zulmat ka Khizr pir ke darya nikal gaye

Pohncha qareeb-e-fauj-e-Khuda jab woh ba-wafa

Hurr jarri ne Sibt-e-paighambar ko di sada

Ae Sher-e-Kibriya ke pasar tujh pe main fida

Waqt-e-madad hai ae jigar-o-jaan-e-Murtaza

Mahjoob hai kamal bahut sharmsar hai

Maula ghulam afw ka ummeedwar hai

Hazir hua jo khidmat-e-Shah mein woh zi-waqar

Bas daur kar liye qadam Shah-e-namdar

Sar rakh ke Shah ke paon pe ki arz baar baar

Ummeedwar-e-rehm-o-karam hai yeh khaksar

Main qabil-e-saza hoon saza mujh ko dijiye

Yeh baat qata kijiye sar kaat lijiye

Seene se sar laga ke yeh bole Shah-e-umam

Allah janta hai ke razi hain tujh se hum

Kaisa gunah kaisi khata ae niko-shim

Tera to naam fard-e-shahadat mein hai raqam

Yan aa ke mauwid-e-sitam-o-ranj-o-aah hoon

Tu uzr-khwah kya hai main hi uzr-khwah hoon

Mehman hai tu Husain ka ae Hurr ba-wafa

Hairan hoon ke teri ziyafat karoon main kiya

Yeh din hai teesra ke na pani hai na ghiza

Marte hain mare pyaas ke atfal mah-liqa

Pani mila na doodh mila be-zaban ko

Aate hain ghash pe ghash chh mahine ki jaan ko

Hurr ne kahan khata bhi meri bakhshi ya Imam

Shah bole afw ho gaye tere gunah tamam

Bhai ko aur pasar ko dikha kar woh neek-naam

Bola ke aur to kisi qabil nahin ghulam

Fidwi ka sar to Sibt-e-paighambar ki nazr hai

Abbas ki yeh nazriya Akbar ki nazr hai

Shah se riza talab hua phir Hurr ba-wafa

Farmaya Shah-e-deen ne ke jaldi abhi hai kiya

Ki Hurr ne arz ae jigar-o-jaan-e-Murtaza

Da'wat ke badle kijiye jannat mujhe ata

Lillah rokiye na ab us talkh kaam ko

Akbar ka sadqa dijiye rukhsat ghulam ko

Le kar riza-e-Imam se ba-sad shukoh-o-shan

Pyasa chala jihad ko pyason ka mehman

Deewri se Fizza boli ke Haidar nagheban

Ae Hurr duayen deti hain Zahra ki betiyan

Khush khush charha daleer samand-e-daleer par

Goya sawar-e-sher hua pusht-e-sher par

Ab hai yahan ishara-e-taid-e-Kibriya

Shakl-e-haraul-e-Shah-e-deen khench kar dikhla

Qurban us ishare ke us lutf par fida

Ab tak kisi ne Hurr ka sarapa nahin likha

Ganjeena-e-faiz se hai Khuda ka bhara hua

Mazmoon mere hisse ka yeh tha bacha hua

Likhta ho husn-e-chehra-e-Hurr wafa-sirisht

Shia to dad denge ke mujhe Panjtan bihisht

Jis ne likha yeh wasf hui khuld sar-nawisht

Roya jo Hurr ko sabz hui maghfirat kisht

Hurr ki tarah bakhair hua kis ka khatma

Sar zanoo-e-Husain pe balin pe Fatima

Mehr-e-mubeen mashriq-e-mehr-o-wafa hai Hurr

Ganjeena-e-mohabbat-e-Aal-e-Aba hai Hurr

Sartaaj-e-Shiyan-e-Ali jo bana hai Hurr

Goya ke Ibn-e-Fatima ka naqsh-e-pa hai Hurr

Hai fakhr jo ghulam Hurr neek-naam ho

Aaqa Husain sa ho to Hurr sa ghulam ho

Mehman-e-Karbala ka yeh mehman hai ba-wafa

Aaya tha pyasa pyasa hi marne ko yeh chala

Phir Haq ke rubaroo ho na kyun abru siwa

Pyasa siwa-e-Hurr koi mehman nahin suna

Dekho to qadr-e-ulfat-e-Sibt-e-Rasool ki

Ek khushk-aab tegh ki da'wat qubool ki

Haal-e-Hurr Shaheed pe ae sahib-e-shuoor

Tahseen bhi zaroor hai gar yeh bhi hai zaroor

Tahseen to wafa pe jo ki Shah ke huzoor

Aur girya be-kasi pe ke hai qabr kitni door

Ab bhi Batool warid-e-maqtal jo roti hain

Man bhi na roye jaisa ke woh Hurr ko roti hain

Manind-e-subah saaf karo dil ko ab shitab

Tajallawar ho chehra-e-Hurr misl-e-aftab

Nazara-e-jamal-e-ghulam-e-Abu-Turab

La-rib hai ziyarat-e-Shah-e-falak janab

Likha hua tha Hurr ki yehi sar-nawisht mein

Dozakh mein raat ko tha sahar ko bihisht mein

Chehra hai fard dastkhat-e-munshi-e-wafa

Tughra-e-naqsh-e-dosti-e-Sibt-e-Mustafa

Azar-e-kufr ke liye hai nuskh-e-shifa

Araz do aftab do aaina ziya

Ek aftab ilm ka hai ek yaqeen ka

Ek aaina hai shar' ka aur ek deen ka

Barhta hai ta do haftah har ek mah mein qamar

Araz yeh husn karte hain peda ziyada tar

Ek shab bhi roo-e-Hurr ke muqabil nahin magar

Yeh badr-e-rukhsar to auj-e-abad par hai jalwa-gar

Woh husn-e-arzi hai to kiya i'timad hai

Daghi hai woh yeh saaf woh kam yeh ziyad hai

Kisi roo se yan ho qadr-e-mah-o-aftab ko

Mushaf pe hai sharaf rukh par aab-o-tab ko

Yeh mushaf-e-wafa hai risalat-ma'ab ko

Misl-e-pasar aziz hai umm-ul-kitab ko

Jari waraq pe chashm se khoon-e-nab kijiye

Sorkhi se us sahife pe i'rab kijiye

Ab wasf-e-khat-o-khal qalam-band kijiye

Us band par sitaron ko isband kijiye

Dil madh-e-rukh ke likhne se khursand kijiye

Nukte pe fakhr chand se dah-chand kijiye

Wasf-e-jabeen-o-araz-o-khal ashkara hai

Khurshid mein qamar hai qamar mein sitara hai

Chehra hai mah shan do abru karo khayal

Yeh kaun sa mahina hai jis mein hain do hilal

Ab to yeh hai sana dar-e-dandan ki hai muhal

Paon dahan to kuch dar-e-dandan ki doon misal

Dandan dar-e-Adan pe dahan rashk-e-darj hai

Batees aftab hain aur ek burj hai

Ab madh-e-chashm-e-Hurr ki kyun farz-e-ain ho

Jis par ke ain-e-afw-e-janab-e-Husain ho

Mad-e-nazar jise dil-e-Zahra ka chain ho

Yeh ain kyun na Shiyon ko phir farz-e-ain ho

Abru ka hai ishara ke hasil murad hai

Main mad-e-arz-dasht hui yeh ain-e-saad hai

Firdaus ki nasim jo aati hai khushgawar

Hoti hai band nargis-e-bedar baar baar

Par waqt-e-jang band hai kyun chashm-e-hoshiyar

Ain-e-aza-e-Sibt-e-paighambar hai ashkar

Waz-e-zamana dekh ke Hurr ko jo khashm hai

Mil kar palak palak se siyah-posh chashm hai

Donon labon ke wasf ka mazmoon naya hai wah

Shireeni-e-zaban pe hain goya yeh do gawah

Do shughl un labon ke hain har sham-o-har pagah

Zikr-e-Ilah-o-manqibat-e-Zaigham-e-Ilah

Shireeni-e-dahan ke raqam gar sifat hon

Hon nishkar qalam shakaristan dawat hon

Ek ramz hai ke kakul-o-rukh hain yeh aas paas

Aalam ko subah-o-sham ka karte hain roshinas

Kakul pe husn misra-e-wal-lail ka qiyas

Rukh se hua hai matla-e-wal-fajr iqtibas

Paida qareeb-e-chehre ke jawed zulf hai

Khurshid rukh hai saya-e-khurshid zulf hai

Pa-e-Husain se jo sar-e-Hurr ko hai niyaz

Yan har buland past hai hangam-e-imtiaz

Karna hai farq Hurr pe sar-e-arsh-o-fakhr-o-naz

Roz-e-azal se Haq ne kiya Hurr ko sarfaraz

Zanoo-e-Shah takiya-e-khab-e-bihisht hai

Us sar ke hum nisar ke kiya sar-nawisht hai

Rukh par araq ke qatron ka hai dhoop mein wufoor

Ya hai gauhar ka chashma-e-khurshid se zuhoor

Hai azim-e-jihad jo garmi mein yeh ghayoor

Qatre na samjho munh pe barasta hai aaj noor

Pyasa nisar hota hai apne Imam par

Naisan gauhar-fishan hai Hurr neek-naam par

Abru hain ya do misra-e-yak-bait-e-Zulfiqar

Ya phir adood-o-fiqra-e-shamsheer-e-aabdar

Shan-e-jabeen se rif'at-e-gardoon hai ashkar

Hai waqei hilal yeh abru-e-bawaqar

Yeh mah-e-nau jabeen pe jo be-ikhtilaf hai

Roiyat ka yeh sabab hai ke matla bhi saaf hai

Husn-o-jamal-e-Hurr pe hai taaid-e-Kibriya

Mathe ki woh numood woh rukhsar ki ziya

Rukh ke araq ne aab-e-baqa ka maza diya

Chah-e-zaqan mein chashma-e-haiwan nahan kiya

Us chah mein jo beeni-e-anwar ka noor hai

Roshan Khizr ke chashme pe yeh shama-e-Toor hai

Pesh-e-bayaz gardan-e-Hurr subah fard-e-sham

Shama-e-haram jhukati hai gardan paye-salam

Subah ghalu pe noor ke darje hue tamam

Rumal-e-Fatima ka bandha hai yeh woh maqam

Bas noor mein to noor ka paiwand chahiye

Rumal-e-Fatima ka galu-band chahiye

Lauh-e-baqa-e-mehr-e-wafa Hurr ka seena hai

Bab-e-uloom ki yeh wala ka Madina hai

Kiya khoob us se Kaba-e-dil ka qarina hai

Woh Kaba mein kahan hai jo dil ka khazina hai

Kaba bhi dil bhi khana-e-Rabb-e-Jaleel hai

Par dil banaye Haq woh banaye Khalil hai

Woh astin mein hathon ki tal'at ka hai zuhoor

Fanus-e-Kaba mein nazar aati hai shama-e-Toor

Kiya noor ka hai naakhun-e-angusht par wufoor

Tashbih-e-mah-e-nau se jo dein sahib-e-shuoor

Tashbih se hilal mein yeh aab-o-tab ho

Barh kar hilal badr na ho aftab ho

Tooba se qad-e-Hurr ki kyun qadr ho siwa

Tazim sarv-e-qad karein jis ki sab anbiya

Josh-e-tasawwur-e-qad-e-mauzoon se barha

Tooba ki yeh sada hai ke Tooba lakum fida

Tasweer-e-qad-e-Hurr use ustad kehte hain

Yeh wajah hai ke sarv ko azad kehte hain

Ab zewar-e-silah ko dekhein jawan-o-pir

Khud-o-sanan-o-jaushan-o-tegh-o-kaman-o-tir

Hai naqsh-e-naam-e-Akbar-o-Asghar ka dil-pazeer

Kiya jaushan-e-kabir hai kiya jaushan-e-saghir

Tegh-o-sanan-o-tir ka jauhar hai ashkar

La-saif wa la-fatay ka yeh mahzar hai ashkar

100

Wasf-e-zira se khul gaya yeh raz sar ba sar

Gin lo ke chaar aaina hai aur ek sipar

Yeh panch mohrein saaf zira par hain jalwa-gar

Samjho na tum zira su-e-Shah us ne aan kar

Mahzar likha hai ulfat-e-Aal-e-Rasool par

Mohrein yeh Panjtan ki hain husn-e-qubool par

101

Tooba ki shaakh neza ke shahid hain Jibraeel

Qurs-e-sipar hai badr-e-shab-e-qadr ki daleel

Tegh-e-rawan hai mojiza-e-Sayyid-e-Jaleel

Hai aab be-nazir to hai taab be-adeel

Hairat hai ek qabze mein barq-o-sahab hai

Qudrat yeh hai Khuda ki ke atish mein aab hai

102

Wasf-e-samand-e-Hurr mein hai kilk-e-qalam rawan

Jis ke huzoor mauj-e-hawa nabz-e-natwan

Rukta nahin kahin sifat-e-tegh do-zaban

Nazron pe charh ke phirti hain aankhon mein putliyan

Barq-e-sharar-fishan dam-e-raftar-e-ran mein hai

Taus-e-mast hai ke kharaman chaman mein hai

103

Gar bahar-e-qabz-e-jaan-e-adoo-e-Shah-e-zaman

Hamrah us samand ke hue ajal rawan

Rakib ishara baag se itna kare ke han

Phir han ke baad maut kahan aur yeh kahan

Donon ko gar talash karo razm-gah mein

To sun sar-e-adoo pe mile maut raah mein

104

Shan-o-shukoh aamad-e-Hurr par kiya khayal

Yeh dabdaba yeh tantana yeh jah yeh jalal

Parhta hai yun rajaz woh huzoor sifat-e-qital

Yaro mein hoon ghulam-e-shahanshah-e-khush-khisal

Un se juda hoon kufr ka jin ko maza mila

Un se mila hoon milne se jin ke Khuda mila

103

Deta hoon us pe jaan jo Zahra ki jaan hai

Mehman hoon us ka maut ka jo mehman hai

Us ki aman mein hoon jo kal ki aman hai

Woh jis pe meherban hai Khuda meherban hai

Ab daman-e-Husain hai aur mera haath hai

Main us ke saath hoon ke Khuda jis ke saath hai

104

Bola yeh Ibn-e-Sa'ad yeh sab hai suna hua

Hum kuch nahin samajhte ke tu keh raha hai kiya

Tu aankh chaar karta hai aati nahin haya

Woh parwarish-e-Yazid ki aur yeh teri dagha

Haq-e-namak-e-Yazid ka kiya khoob ada kiya

Tu woh hai jis ne gosht se naakhun juda kiya

105

Ghusse se Hurr pukara ke bas bas zaban sambhal

Haq ko na bhool apne gareban mein munh ko daal

Aur shor-e-bakht kaisa namak hai kidhar khayal

Tu hi namak-haram hai main hoon namak-halal

Kyun rehmat-e-Khuda ko tu lata hai qahr mein

Aab-o-namak to aaya hai Zahra ke mehr mein

106

Namoos-e-Panjtan pe yeh faqa hai teesra

Kis ne unhein bulaya hai mehman sach bata

Paas-e-namak yehi hai ke Hazrat pe hon fida

Darya tha mehr-e-Fatima so tum ne le liya

Mulk-e-Yazid hai ke yeh mulk-e-Batool hai

Ab kal yeh kahiyo Nana bhi us ka Rasul hai

107

Pushtin hoon Yazid to kafir hai ae Umar

Par tera baap kaun tha dil mein khayal kar

Hairat hai Sa'ad ka pasar aur nahs is qadar

Main bad nahin hoon neek na tha go mera padar

Gul kar ke shama-e-marqad-e-Khair-ul-anam ko

Roshan to aaj karta hai kiya apne naam ko

108

Khandaq mein mera baap tha kuffar ki taraf

Tera padar tha Ahmad-e-Mukhtar ki taraf

Tu aaj hai Yazid-e-bad-atar ki taraf

Aur main hoon Ibn-e-Haidar-e-karrar ki taraf

Insaf kar ke sahib-e-izz-o-sharaf hai kaun

Batil ki samt kaun hai Haq ki taraf hai kaun

109

Bola Umar ghuroor se karta hai kiya kalam

Matam mein tere roye ga kamba tera tamam

Marne ke baad lash se bhi lenge intiqam

Jaye ga tera sar paye-nazr-e-amir-e-Sham

Hurr ne kaha ke dahshat-e-be-ja nahin mujhe

Main sar ba-kaf hoon fikr-e-sar-o-pa nahin mujhe

110

Yeh keh ke Hurr ne khench li shamsheer-e-khush-ghilaf

Aur keh ke ya Husain hua azim-e-masaf

Hurr jarri ke sar pe kiya fatah ne tawaf

Ghusse se misl-e-mehr hua surkh roo-e-saf

Jumbish su-e-yasar jo qutb-e-yameen ne ki

Sakte mein charkh aa gaye jumbish-e-zameen ne ki

111

Nikla udhar se jang ko Hajjaj ka pasar

Sardar-e-ahl-e-maimna lashkar-e-Umar

Talwar ek haath mein ek haath mein sipar

Bahar-e-madad garoh-e-musallah udhar udhar

Hurr ne kaha ke us mein to aaj imtihan hai

Main Haidari jawan to Yazidi jawan hai

112

Woh hamlon mein na ek rahe ga hazaar mein

Woh bola be-misal hai tu rozgar mein

Ghalib hazaar par hai saf-e-karzar mein

Hurr ne kaha ab aur safaai hai waar mein

Ab hoon ghulam Ibn-e-Shah-e-Zulfiqar ka

Tab zor tha hazaar ka ab sau hazaar ka

113

Ghusse se barq-e-tegh ka us ne lagaya waar

Khurshid par ho kiya asar barq-e-be-madar

Hurr ne sipar pe rok ke woh tegh-e-aabdar

Tegh apni taul kar kaha ya Shah-e-Zulfiqar

Chalaki us ko kehte hain bas itni baat mein

Yeh tegh us ke sar pe woh tegh us ke haath mein

114

Be-khud hua yeh tegh jo hun khud par gayi

Seene mein khud kaat ke san se utar gayi

Chalne se us ke saans-e-adoo ki thehar gayi

Zalim se poochhiye ke jo dil par guzar gayi

Tan par girah girah se bikas kar zira khuli

Yeh kiya hai band band ki phir to girah khuli

115

Hazir shareek-e-naam tha us ka jawan pasar

Aa kar hua shareek-e-padar neza taan kar

Yan neza mara aur chala tir sa udhar

Lalkara Hurr thehar to jawan-mard hai agar

Raste se misl-e-tale bargashta phir para

Phurna tha bas ke ghore se do ho ke gir para

116

Boli zafar yeh zarbat-e-hosh-o-hawas hai

Kiya baat hai ke Haq tera jauhar-shinas hai

Bashash ho agar dil-e-mahzoon udaas hai

Kausar pe kar nigah agar tujh ko pyaas hai

Jurat pukari jang mein ghabra na jaiyo

Han ae daleer Shimr ka sar le ke aaiyo

117

Josh-e-dagha mein himmat-e-Hurr ho gayi fuzood

Aage barha Husain pe parhta hua durud

Kiya buz-dilon ki asal the larte jo woh hasood

Zarre the be-numood to qatre the be-wujood

Phir sar badan pe the na badan rahwar par

Tegh aayi ya ke barq giri panba-zar par

118

Karti thi tegh-e-Hurr to sar tegh-zan juda

Sehme hue the tir se nawak-figan juda

Zakhmon ke the khule hue tan par chaman juda

Mardum se chashm chashm se sar sar se tan juda

Thi qahr zarb-e-gurz-e-tan-e-be-shukoh ko

Kiya Hurr ne reza reza kiya koh koh ko

119

A'da huzoor-e-tegh se kar sakte kiya farar

Shakl-e-kamand thi kham-e-jauhar se ashkar

Ya gul khilaya wan hui jaa kar gale ki haar

Maidan mein baghiyon ki khizan mein hui bahar

Zakhmon ke gul khilati thi har ek waar mein

Karti thi sair-e-khoon ki yeh lala-zar mein

120

Larta tha yun Yazidiyon se Haidari jawan

Be-khauf ran mein hamla-kunan tha yahan wahan

Nagah ek shaqi ki lagi seene par sanan

Ghore se gir para woh jarri ho ke neem-jan

Aaqa ko di nida ke yeh khadim fida hua

Maula ghulam haq-e-namak se ada hua

121

Kis waqt Hurr ki lash pe pohncha Ali kalal

Tha waqt-e-nazg tortа tha dam woh khush-khisal

Seena zara tha garm badan barf ki misal

Aghosh mein utha liya Shah ne ba-sad malal

Chehre ko saaf kar diya ghard-o-ghubar se

Zanoo pe rakh liya sar-e-Hurr Shah ne pyar se

122

Kuch Hurr ne aankhein khol ke dekha udhar udhar

Poochha jo Shah-e-deen ne to bola woh khush-seer

Ek Bibi rone aayi hai khadim ki lash par

Sunta hoon gar un ko nahin dekhta magar

Shah bole Fatima tere qurban hoti hain

Ae Hurr yeh meri man tere matam mein roti hain

123

Yeh sun ke jaan ba-Haq hua woh Haidari jawan

Lashe pe Hurr ke roye shahanshah-e-uns-o-jaan

Farmate the Husain ke ae mere mehman

Main kar saka na koi ziyafat teri yahan

Jab tu mile ga Badshah-e-kainat se

Kausar ka jaam denge Ali apne haath se

124

Har chand Shah ke saath the ashab-e-neek-zat

Khud laye Hurr ki lash ko par Shah-e-khush-sifat

Nazdeek-e-khayma rakh diya aur khench di qanat

Ro kar haram se Sibt-e-Nabi ne kahi yeh baat

Koi azizyan nahin us khush-sifat ka

Persa do aa ke mujh ko Hurr neek-zat ka

125

Razi Ali hain us se to khushnood Mustafa

Ghurbat mein be-kason ka diya saath marhaba

Pyase the hum to us ne bhi pani nahin piya

Pehle sabho se ho gaya yeh fidiya-e-Khuda

Muhsin ko mere mizhda ho jannat ki sair ka

Bakhsho sawab tum use a'mal-e-khair ka

126

Yeh zikr tha ke dekhte kya hain Shah-e-zaman

Hurr ke gale se khoon ka darya hai mauj-zan

Haath apna rakh ke wan kiya Zainab se yeh sukhan

Kholo tabarrukat ka sandooq ae bahan

Hurr par hai sidq-o-mehr-o-mohabbat ka khatma

Zakhmi gale pe baandhoon ga rumal-e-Fatima

127

Rumal-e-Fatima ka jo zeb-e-galu hua

Afzoon galoo-e-Hurr ki hui zeenat-o-ziya

Tha buza-e-Rasul-e-Khuda ka yeh mojiza

Nay zakhm ka asar tha na tha khoon ka pata

Ummat ne kuch na parda-e-Aal-e-Aba kiya

Zahra ki bahoon betiyon ko be-rida kiya

128

Bas ae Dabeer chak farishton ki habib hai

Is nazm se ayan hai ke taaid-e-ghaib hai

Apne sukhan ki aap sana sakht aib hai

Tujh par karam Husain ka be-shubha-o-raib hai

Khaliq se keh ke arz yeh meri qubool ho

Marne ke baad Shah ki ghulami husool ho

مرثیہ Urdu

Comment

# Sad Shayari

تعارفِ شاعر

مرزا سلامت علی دبیر

🏛️ کلاسیکی دور ⏳ 1803 — 1875 📍

مرزا سلامت علی دبیر اردو کے ایک شاعر تھے جنہوں نے مرثیہ نگاری کے فن کو کمال اور کمال حاصل کیا۔ انہیں میر انیس کے ساتھ مرثیہ نگاری یا مرثیہ نگاری کا سرکردہ نقاد سمجھا...

جب سرنگوں ہوا علم کہکشان شب

مرزا سلامت علی دبیر

مرزا سلامت علی دبیر کا مزید کلام

بلقیس پاسباں ہے یہ کس کی جناب ہے

روشن کیا جو حق نے چراغ انتقام کا

پیدا شعاع مہر کی مقراض جب ہوئی

کس شیر کی آمد ہے کہ رن کانپ رہا ہے

جواب دیں جواب منسوخ کریں

مرزا سلامت علی دبیر

مرزا سلامت علی دبیر کا مزید کلام

بلقیس پاسباں ہے یہ کس کی جناب ہے

روشن کیا جو حق نے چراغ انتقام کا

پیدا شعاع مہر کی مقراض جب ہوئی

کس شیر کی آمد ہے کہ رن کانپ رہا ہے

جواب دیں جواب منسوخ کریں

🖼️ شعر پوسٹر جنریٹر (Couplet Card)