حضور رسالت مآب میں

Huzoor-e-Risalat Maab (S.A.W.) Mein

Before The Prophet (PBUH)'s Throne

Giran Jo Mujh Pe Hangama-e-Zamana Huwa

Jahan Se Bandh Ke Rakht-e-Safar Rawana Huwa

Qayood-e-Shaam-o-Sahar Mein Basar To Ki Lekin

Nazam-e-Kuhna-e-Alam Se Aashna Na Huwa

Farishte Bazm-e-Risalat (S.A.W.) Mein Le Gye Mujh Ko

Huzoor-e-Aya-e-Rehmat (S.A.W.) Mein Le Gye Mujh Ko

Kaha Huzoor (S.A.W.) Ne, Ae Andleeb-e-Bagh-e-Hijaz!

Kali Kali Hai Teri Garmi-e-Nawa Se Gudaz

Humesha Sar Khush-e-Jaam-e-Wila Hai Dil Tera

Fatadgi Hai Teri Ghairat-e-Sujood-e-Niaz

Ura Jo Pasti-e-Dunya Se Tu Sooye Gardoon

Sikhayi Tujh Ko Malaeek Ne Riffat-e-Parwaz

Nikl Ke Bagh-e-Jahan Se Barang-e-Bu Aya

Humare Waste Kya Tohfa Le Ke Tu Aya?

Huzoor (S.A.W.) ! Dehr Mein Aasudgi Nahin Milti

Talash Jis Ki Hai Woh Zindagi Nahin Milti

Hazaron Lala-o-Gul Hain Riyaz-e-Hasti Mein

Wafa Ki Jis Mein Ho Bu, Wo Kali Nahin Milti

Magar Mein Nazar Ko Ek Aabgina Laya Hun

Jo Cheez Iss Mein Hai, Jannat Mein Bhi Nahin Milti

Jhalakti Hai Teri Ummat Ki Aabru Iss Mein

Tarablas Ke Shaheedon Ka Hai Lahoo Iss Mein