ہم کریں بات دلیلوں سے تو رد ہوتی ہے
Hum Karein Baat Dalilon se to Radd Hoti Hai
ہم کریں بات دلیلوں سے تو رد ہوتی ہے
اس کے ہونٹوں کی خموشی بھی سند ہوتی ہے
سانس لیتے ہوئے انساں بھی ہیں لاشوں کی طرح
اب دھڑکتے ہوئے دل کی بھی لحد ہوتی ہے
جس کی گردن میں ہے پھندا وہی انسان بڑا
سولیوں سے یہاں پیمائش قد ہوتی ہے
شعبدہ گر بھی پہنتے ہیں خطیبوں کا لباس
بولتا جہل ہے بد نام خرد ہوتی ہے
کچھ نہ کہنے سے بھی چھن جاتا ہے اعجاز سخن
ظلم سہنے سے بھی ظالم کی مدد ہوتی ہے
Hum karein baat dalilon se to radd hoti hai
Us ke hoton ki khamoshi bhi sanad hoti hai
Saans lete hue insan bhi hain lashon ki tarah
Ab dharakte hue dil ki bhi lahad hoti hai
Jis ki gardan mein hai phanda wohi insan bara
Suliyon se yahan paimaish-e-qad hoti hai
Sha'wada-gar bhi pehnte hain khatibon ka libas
Bolta jahl hai badnaam khirad hoti hai
Kuch na kehne se bhi chhin jata hai ejaz-e-sukhan
Zulm sahne se bhi zalim ki madad hoti hai
مظفر وارثی
محمد مظفر الدین صدیقی المعروف 'مظفر وارثی' (23 دسمبر 1933ء – 28 جنوری 2011ء، میرٹھ / لاہور) اردو زبان کے عظیم ترین نعت گو، حمد نگار اور لازوال نغمہ نگار تھے۔ انہوں نے دربارِ وارثیہ...