اپنی ہستی کا اگر حسن نمایاں ہو جائے
Apni Hasti ka Agar Husn Numayan Ho Jaye
اپنی ہستی کا اگر حسن نمایاں ہو جائے
آدمی کثرت انوار سے حیراں ہو جائے
تم جو چاہو تو مرے درد کا درماں ہو جائے
ورنہ مشکل ہے کہ مشکل مری آساں ہو جائے
او نمک پاش تجھے اپنی ملاحت کی قسم
بات تو جب ہے کہ ہر زخم نمک داں ہو جائے
دینے والے تجھے دینا ہے تو اتنا دے دے
کہ مجھے شکوۂ کوتاہیٔ داماں ہو جائے
اس سیہ بخت کی راتیں بھی کوئی راتیں ہیں
خواب راحت بھی جسے خواب پریشاں ہو جائے
سینۂ شبلی و منصور تو پھونکا تو نے
اس طرف بھی کرم اے جنبش داماں ہو جائے
آخری سانس بنے زمزمۂ ہو اپنا
ساز مضراب فنا تار رگ جاں ہو جائے
تو جو اسرار حقیقت کہیں ظاہر کر دے
ابھی بیدمؔ رسن و دار کا ساماں ہو جائے
Apni hasti ka agar husn numayan ho jaye
Aadmi kasrat-e-anwar se hairan ho jaye
Tum jo chaho to mere dard ka darman ho jaye
Warna mushkil hai ke mushkil meri asan ho jaye
O namak-pash tujhe apni malahaat ki qasam
Baat to jab hai ke har zakhm namak-dan ho jaye
Dene wale tujhe dena hai to itna de de
Ke mujhe shikwa-e-kotahi-e-daman ho jaye
Is siyah-bakht ki raatein bhi koi raatein hain
Khab-e-rahat bhi jise khab-e-pareshan ho jaye
Seena-e-Shibli-o-Mansoor to phoonka tu ne
Is taraf bhi karam ae jumbish-e-daman ho jaye
Aakhri saans bane zamzama-e-Hu apna
Saaz mizrab-e-fana tar-e-rag-e-jaan ho jaye
Tu jo asrar-e-haqeeqat kahin zahir kar de
Abhi Bidam rasan-o-dar ka saman ho jaye
بیدم شاہ وارثی
سید ضامن علی المعروف حضرت بیدمؔ شاہ وارثی (1876ء – 24 نومبر 1936ء) برصغیر پاک و ہند کے سب سے مقبول، قادر الکلام اور مسحور کن نعت گو، منقبت نگار اور صوفی شاعر مانے جاتے...