گل رنگیں

Gul-e-Rangeen

The Colorful Rose

tu shanasa e kharash e auqda mushkil nahin

ae gul e rangeen tere pehlu mein shaid dil nahin

zaib e mehfil hai, shareek e shorish e mehfil nahin

ye faraghat bazm e hasti mein mujhe hasil nahin

iss chaman mein mein sarapa souz o saaz e aarzu

aur teri zindagani be gudaz e aarzu

torh lena shakh se tujh ko mera aaeen nahin

ye nazar ghair az nagah e chasm e surat been nahin

ah! ye dast e jafa ju ae gul e rangeen nahin

kis tarah tujh ko ye samjhaun ke main gulcheen nahin

kam mujh ko didah e hikmat ke uljhairon se kya

didah e bulbul se main karta hun nazara tera

so zubanon par bhi khamoshi tuhje manzoor hai

raaz woh kya hai tere sine mein jo mastoor hai

meri soorat tu bhi ek berg e riyaz e toor hai

main chaman se door hun, tu bhi chaman se door hai

matmaen hai tu, preshan misl e bu rehta hun main

zakhmi e shamsheer e zauq justuju rehta hun main

ye preshani meri saman e jamiat na ho

ye jigar sauzi charagh e khana e hikmat na ho

natawani hi meri sarmaya e quwwat na ho

rashk e jam e jim mera aaeena e hairat na ho

ye talash e muttasil shama e jahan afroz hai

tosin e idraak e insan ko kharam aamuz hai