تہذیب حاضر

Hararat Hai Bala Ki Badah-e-Tehzeeb-e-Hazir Mein

Bharak Utha Bhbooka Ban Ke Muslim Ka Tan-e-Khaki

Kiya Zarre Ko Jugnu De Ke Taab-e-Mustaar Iss Ne

Koi Dekhe To Shoukhi Aftab-e-Jalwa Farma Ki

Naye Andaz Paye Naujawanon Ki Tabiat Ne

Ye Ranai, Ye Baidari, Ye Azadi, Ye Bebaki

Taghiyur Aa Gya Aesa Mudabbar Mein, Takhiyul Mein

Hansi Samjhi Gyi Gulshan Mein Ghunchon Ki Jigar Chaki

Kiya Gum Taza Parwazon Ne Apna Ashiyan Lekin

Manazir Dilkusha Dikhla Gyi Sahir Ki Chalaki

Hayat-e-Taza Apne Sath Layi Lazzatain Kya Kya

Raqabat, Khud-Faramoshi, Na-Shikeebai, Hawasnaki

Farogh-e-Shama Se Bazm-e-Muslim Jagmaga Uthi

Magar Kehti Hai Parwanon Se Meri Kuhna Idraaki

Tu Ae Parwana! Aen Garmi Za Shama-e-Mehfile Dari

Choman Dar Aatish-e-Khud Souz Agar Souz-e-Dile Dari