جنرل وارڈ
Mujh ko Mat Dakhil Kara Ae Yaar General Ward mein
مجھ کو مت داخل کرا اے یار جنرل وارڈ میں
اور ہو جاؤں گا میں بیمار جنرل وارڈ میں
دوست، رشتے دار، نرسیں، ڈاکٹر ، اسپیشلسٹ
سب سمجھتے ہیں ذلیل و خوار جنرل وارڈ میں
لا نہیں سکتا جو خود جا کر دوا بازار سے
رہ نہیں سکتا وہ اب نادار جنرل وارڈ میں
مجھ کو مفلس جان کر ڈسچارج فوراً کر دیا
میں اگر چہ تھا ابھی بیمار جنرل وارڈ میں
حال ہو جائے گا تیرا بد سے بد تر مان لے
ہو نہ داخل جا کے برخوردار جنرل وارڈ میں
وہ پہنچ جاتی ہے عملے کے گھروں میں اے نیاز
جو دوائیں دیتی ہے سرکار جنرل وارڈ میں
Mujh ko mat dakhil kara ae yaar general ward mein
Aur ho jaoan ga main beemar general ward mein
Dost, rishtedaar, nursein, doctor, specialist
Sab samajhte hain zaleel-o-khwaar general ward mein
La nahi sakta jo khud ja kar dawa bazaar se
Reh nahi sakta woh ab nadaar general ward mein
Mujh ko muflis jaan kar discharge foran kar diya
Main agar-chi tha abhi beemar general ward mein
Haal ho jaye ga tera bad se bad-tar maan lay
Ho na dakhil ja ke barkhwardaar general ward mein
Woh pohnch jati hai amlay ke gharon mein ae Niyaz
Jo dawain deti hai sarkaar general ward mein
نیاز سواتی
نیاز سواتی خیبر پختونخوا کے معروف مزاح گو شاعر ہیں جن کا کلام عوامی مسائل اور لطافت کا خوبصورت امتزاج ہے۔