فردوس میں ایک مکالمہ

Hatif Ne Kaha Mujh Se Ka Firdous Mein Ek Roz

Haali Se Mukhatib Huwe Yun Saadi-e-Sheeraz

Ae Ankah Za-Noor-e-Guhar-e-Nazam-e-Falak Taab

Daman Ba Charagh-e-Mah-o-Akhtar Zada Aee Baaz!

Kuch Kaifiat-e-Muslim-e-Hindi To Bayan Kar

Wa Mandah-e-Manzil Hai Ke Masroof-e-Tag-o-Taaz

Mazhab Ki Hararat Bhi Hai Kuch Iss Ki Ragon Mein?

Thi Jis Ki Falak Souz Kabhi Garmi-e-Awaz

Baaton Se Huwa Sheikh Ki Haali Mutasir

Ro Ro Ke Laga Kehne K "Ae Sahib-e-Ijaz

Jab Peer-e-Falak Ne Waraq-e-Ayyam Ka Ulta

Ayi Ye Sada, Pao Ge Taleem Se Azaaz

Aya Hai Magar Iss Se Aqeedaton Mein Tazalzal

Dunya To Mili, Taeer-e-Deen Kar Gya Parwaz

Deen Ho To Maqasid Mein Bhi Paida Ho Bulandi

Fitrat Hai Jawanon Ki Zameen-Geer, Zameen Taza

Mazhab Se Hum Ahangi-e-Afrad Hai Baqi

Deen Zakhma Hai, Jamiat-e-Millat Hai Agar Saaz

Bunyad Laraz Jaye Jo Deewar-e-Chaman Ki

Zahir Hai Ke Anjaam-e-Gulistan Ka Hai Aghaz

Pani Na Mila Zamzam-e-Millat Se Jo Iss Ko

Paida Hain Nayi Poud Mein Ilhaad Ke Andaz

Ye Zikr Huzoor-e-Shah-e-Yasrab (S.A.W.) Mein Na Karna

Samjhain Na Kahin Hind Ke Muslim Mujhe Ghammaz

Khurma Natawan Yafat Azan Khar Ke Kashteeam

Deeba Natawan Bafat Azan Pashem Ke Rashteeam