دل مرحوم کو بھولی کہانی
Dil Marhoom ko Bhooli Kahani Yaad Aati Hai
دل مرحوم کو بھولی کہانی یاد آتی ہے
خدا بخشے جوانی کو جوانی یاد آتی ہے
غلط کہتی ہے دنیا وقت سب زخموں کا مرہم ہے
حماقت جس قدر بھی ہو پُرانی یاد آتی ہے
تمہارے قاصد معصوم کا وہ جوتیاں کھانا
تمہارا زور اس کی سخت جانی یاد آتی ہے
خدا بخشے اسے بھی چار آنکھیں دو زبانیں تھیں
تمہارے گھر کی بوڑھی نوکرانی یاد آتی ہے
گلی میں پھینک کر ڈبہ وہ منگنی کی مٹھائی کا
تمہاری والدہ کی خوش بیانی یاد آتی ہے
ہمارا چھپ کے وہ پینا پلانا اور پھر پیٹنا
وہ لسی یاد آتی ہے مدھانی یاد آتی ہے
خدا بخشے تمہیں بھی اب بڑے آرام سے ہوں میں
جو ضائع ہو گئی وہ زندگانی یاد آتی ہے
زمانہ ہو گیا گزرے ہوئے بھی اس زمانے کو
مگر اب تک جوانی انجہانی یاد آتی ہے
Dil marhoom ko bhooli kahani yaad aati hai
Khuda bakshay jawani ko jawani yaad aati hai
Ghalat kehti hai duniya waqt sab zakhmon ka marham hai
Hamaaqat jis qadar bhi ho puraani yaad aati hai
Tumhaaray qasid masoom ka woh jootiyaan khaana
Tumhaara zor us ki sakht jaani yaad aati hai
Khuda bakshay usay bhi chaar aankhein do zabaanein theen
Tumhaaray ghar ki boorhi nokraani yaad aati hai
Gali mein phaink kar dabba woh mangni ki mithai ka
Tumhaari waalda ki khush-bayaani yaad aati hai
Hamaara chhup ke woh peena pilaana aur phir peetna
Woh lassi yaad aati hai madhaani yaad aati hai
Khuda bakshay tumhein bhi ab baray aaraam se hoon mein
Jo zaya ho gayi woh zindagaani yaad aati hai
Zamaana ho gaya guzray huay bhi us zamaane ko
Magar ab tak jawani anjahaani yaad aati hai
محمد طہ خان
محمد طہ خان اردو کے نامور طنز و مزاح کے شاعر اور ادیب ہیں۔