ایک صاحب اُڑتی چڑیا

Aik sahab urti chiriya ke gina kartay thay

Par khat ka mazmoon bhaanp letay thay

Lifafa dekh kar un ko qalmi dosti karnay ka chaska par gaya

Hotay hotay ik buri B se muqaddar lar gaya

Naama-e-mahboob ki tehreer thi sehmi hui

Un ko andaaz-e-nigaarish se ghalat fehmi hui

Doosray maktoob mein day daala shaadi ka payaam

Ishq ki ik just ne tay kar diya qissa tamaam

Kar ke shaadi ghar mein lay aaye usay zillat-maab

Aur baray armaan se ulta jo chehray ka naqaab

Haaye keh kar lar kharraye, waaye keh kar gar paray

Peet kar chaati nayi begum se yun kehnay lagay

Aazim mulk-e-adem tujh ko jawaan samjha tha main

Teri jolaan-gaah zer-e-aasmaan samjha tha main

Haaye qismat January maangi to July mili

Haal ka taalib hua maazi tamannaai mili

Mujh ko nani jaan marhooma ki yaad aa jaaye hai

Main tujhay dekhoon bhala kab mujh se dekha jaaye hai

Jaan-e-Azraeel ab nakhron ke tere gham karoon

Paa mein tujh par Soorah Yaseen parh kar dam karoon

Khul ke boli woh mohabbat ki pataari haaye haaye

Khatam hai ulfat ki tujh par parda-daari haaye haaye

Kaisi kaisi dukhtaraan-e-madar-e-ayaam hain

Qabr mein hain paaon latkaaye, magar gulfaam hain

Kya hua mujh par hai gar unees sau chaudah ki chhaap

To usay paimaana-e-amroz-o-farda se na naap