چپکے چپکے یہ مری گھات میں کون آتا ہے
Chupkay Chupkay Yeh Meri Ghaat mein Kaun Aata Hai
چپکے چپکے یہ مری گھات میں کون آتا ہے
تم نہیں ہو ، تو کہو رات میں کون آتا ہے
ہم نہ آئیں تو خرابات میں کون آتا ہے
اور پھر ایسی گھنی رات میں کون آتا ہے
مری سادہ دلی ہے کہ مٹا ہوں اے ستم پیشہ !
تری بات میں کون آتا ہے
چشم دیدار طلب ! جانچ ، پرکھ ، دیکھ ، سمجھ
سامنے تیرے ، حجابات میں کون آتا ہے
شنج وحشت میں کہاں پُرسشِ احوال کی بات
دن میں آیا نہ کوئی ، رات میں کون آتا ہے
سانس کی سینے میں آمد ہے ، کہ اُن کی آہٹ
دیکھنا ! دل کے مضافات میں کون آتا ہے
مل گیا اُن کو نہ آنے کا حیلہ اچھا
گھر سے باہر بھری برسات میں کون آتا ہے
کون مانے گا کہ جنت تری جاگیر ہوئی
چھوڑ واعظ ! تری اِس بات میں کون آتا ہے
دل میں تُو ، ذہن میں تو ، فکر تری ، ذکر ترا
جز ترے ، اور خیالات میں کون آتا ہے
گیا نقش دوئی عکس تجلی سے نصیر
اب نظر آئنہ ذات میں کون آتا ہے
Chupkay chupkay yeh meri ghaat mein kaun aata hai
Tum nahi ho, to kaho raat mein kaun aata hai
Hum na aayein to kharaabaat mein kaun aata hai
Aur phir aisi ghani raat mein kaun aata hai
Meri saada-dili hai ke mita hoon ae sitam-pesha!
Teri baat mein kaun aata hai
Chashm-e-deedar talab! jaanch, parakh, dekh, samajh
Saamne tere, hijaabat mein kaun aata hai
Shanj-e-wahshat mein kahan pürsish-e-ahwaal ki baat
Din mein aaya na koi, raat mein kaun aata hai
Saans ki seenay mein aamad hai, ke un ki aahat
Dekhna! dil ke muzaafaat mein kaun aata hai
Mil gaya un ko na aane ka heela acha
Ghar se baahar bhari barsaat mein kaun aata hai
Kaun maanay ga ke jannat teri jaageer hui
Chhor waaiz! teri is baat mein kaun aata hai
Dil mein tu, zehan mein tu, fikr teri, zikr tera
Juz tere, aur khayaalaat mein kaun aata hai
Gaya naqsh-e-duwi aks-e-tajalli se Naseer
Ab nazar aaina-e-zaat mein kaun aata hai
پیر نصیر الدین نصیر گیلانیؒ
سید پیر نصیر الدین نصیر گیلانیؒ (14 نومبر 1949ء – 13 فروری 2009ء، گولڑہ شریف، اسلام آباد) خانقاہِ عالیہ گولڑہ شریف کے سجادہ نشین، عظیم صوفی بزرگ، محقق اور قادر الکلام شاعر تھے۔ وہ حضرت...