چاند اور تارے

Chand Aur Tare

Moon And Stars

Darte Darte Dam-e-Sehar Se

Tare Kehne Lage Qamar Se

Nazare Rahe Wohi Falak Par

Hum Thak Bhi Gaye Chamak Chamak Kar

Kaam Apna Hai Subah-o-Shaam Chalna

Chalna, Chalna, Madaam Chalna

Betaab Hai Iss Jahan Ki Har Shay

Kehte Hain Jise Sukoon, Nahin Hain

Rehte Hain Sitam Kash-e-Safar Sub

Tare, Insan, Shajar, Hajar Sub

Ho Ga Kabhi Khatam Ye Safar Kya

Manzil Kabhi Aye Gi Nazar Kya

Kehne Laga Chand, Hum Nasheeno

Ae Mazra-e-Shab Ke Khausha Cheeno!

Junbish Se Hai Zindagi Jahan Ki

Ye Rasm Qadeem Hai Yahan Ki

Hai Dorta Ashab-e-Zamana

Kha Kha Ke Talab Ka Taziyana

Iss Reh Mein Maqam Be-Mehel Hai

Poshida Qarar Mein Ajal Hai

Chalne Wale Nikl Gye Hain

Jo Thehre Zra, Kuchal Gye Hain

Anjaam Hai Iss Kharaam Ka Husn

Aghaz Hai Ishq, Intihaa Husn