بچھڑا ہے جو اک بار تو ملتے نہیں دیکھا
Bichda Hai Jo Ik Bar to Milte Nahin Dekha
بچھڑا ہے جو اک بار تو ملتے نہیں دیکھا
اس زخم کو ہم نے کبھی سلتے نہیں دیکھا
اک بار جسے چاٹ گئی دھوپ کی خواہش
پھر شاخ پہ اس پھول کو کھلتے نہیں دیکھا
یک لخت گرا ہے تو جڑیں تک نکل آئیں
جس پیڑ کو آندھی میں بھی ہلتے نہیں دیکھا
کانٹوں میں گھرے پھول کو چوم آئے گی لیکن
تتلی کے پروں کو کبھی چھلتے نہیں دیکھا
کس طرح مری روح ہری کر گیا آخر
وہ زہر جسے جسم میں کھلتے نہیں دیکھا
Bichhra Hai Jo Ik Bar Tu Milte Nahi Dekha
Uss zakhm ko hum ne kabhi silte nahi dekha
Ik bar jise chat gai dhoop ki khwahish
Phir shaakh peh uss phool ko khilte nahi dekha
Yak lakht gira hai to jarein tak nikal aayen
Jis pair ko aandhi mein bhi hilte nikal dekha
Kantun mein ghare phool ko chum aaye gi lekin
Titli ke parun ko kabhi chilte nahi dekha
Kis tarah meri rooh hari kar gaya akhir
Woh zeher jisay jisam mein khilte nahi dekha
Bichhra hai jo ik bar tu milte nahi dekha
Uss zakhm ko hum ne kabhi silte nahi dekha
پروین شاکر
پروین شاکر (24 نومبر 1952ء – 26 دسمبر 1994ء) اردو ادب کی صفِ اول کی عظیم شاعرہ، ادیبہ اور معلمہ تھیں۔ ان کا تعلق پاکستان سے تھا۔ پروین شاکر کو نسائی احساسات اور نازک جذبوں...