بت بھی اس میں رہتے تھے دل یار کا بھی کاشانہ تھا
But bhi Us mein Rehte The Dil-e-Yaar ka bhi Kashana Tha
بت بھی اس میں رہتے تھے دل یار کا بھی کاشانہ تھا
ایک طرف کعبے کے جلوے ایک طرف بت خانہ تھا
دلبر ہیں اب دل کے مالک یہ بھی ایک زمانہ ہے
دل والے کہلاتے تھے ہم وہ بھی ایک زمانہ تھا
پھول نہ تھے آرائش تھی اس مست ادا کی آمد پر
ہاتھ میں ڈالی ڈالی کے ایک ہلکا سا پیمانہ تھا
ہوش نہ تھا بے ہوشی تھی بے ہوشی میں پھر ہوش کہاں
یاد رہی خاموشی تھی جو بھول گئے افسانہ تھا
دل میں وصل کے ارماں بھی تھے اور ملال فرقت بھی
آبادی کی آبادی ویرانے کا ویرانہ تھا
اف رے باد جوش جوانی آنکھ نہ ان کی اٹھتی تھی
مستانہ ہر ایک ادا تھی ہر عشوہ مستانہ تھا
شمع کے جلوہ بھی یارب کیا خواب تھا جلنے والوں کا
صبح جو دیکھا محفل میں پروانہ ہی پروانہ تھا
دیکھ کے وہ تصویر مری کچھ کھوئے ہوئے سے کہتے ہیں
ہاں ہاں یاد تو آتا ہے اس شکل کا اک دیوانہ تھا
غیر کا شکوہ کیوں کر رہتا دل میں جب امیدیں تھیں
اپنا پھر بھی اپنا تھا بیگانہ پھر بیگانہ تھا
بیدمؔ اس انداز سے کل یوں ہم نے کہی اپنی بیتی
ہر ایک نے سمجھا محفل میں یہ میرا ہی افسانہ تھا
But bhi us mein rehte the dil-e-yaar ka bhi kashana tha
Ek taraf Kabe ke jalwe ek taraf but-khana tha
Dilbar hain ab dil ke malik yeh bhi ek zamana hai
Dil wale kehlata the hum woh bhi ek zamana tha
Phool na the arayish thi us mast-e-ada ki aamad par
Haath mein dali dali ke ek halka sa paimana tha
Hosh na tha be-hoshi thi be-hoshi mein phir hosh kahan
Yaad rahi khamoshi thi jo bhool gaye afsana tha
Dil mein wasl ke arman bhi the aur malal-e-firqat bhi
Abadi ki abadi werane ka werana tha
Af re baad josh-e-jawani aankh na un ki uthti thi
Mastana har ek ada thi har ishwa mastana tha
Shama ke jalwa bhi ya Rab kya khab tha jalne walon ka
Subah jo dekha mahfil mein parwana hi parwana tha
Dekh ke woh tasveer meri kuch khoye hue se kehte hain
Han han yaad to aata hai us shakl ka ek deewana tha
Ghair ka shikwa kyun kar rehta dil mein jab ummeeden thin
Apna phir bhi apna tha begana phir begana tha
Bidam is andaz se kal yun hum ne kahi apni biti
Har ek ne samjha mahfil mein yeh mera hi afsana tha
بیدم شاہ وارثی
سید ضامن علی المعروف حضرت بیدمؔ شاہ وارثی (1876ء – 24 نومبر 1936ء) برصغیر پاک و ہند کے سب سے مقبول، قادر الکلام اور مسحور کن نعت گو، منقبت نگار اور صوفی شاعر مانے جاتے...