اے خاصۂ خاصان رسل وقت دعا ہے
Ae Khasah-e-Khasan-e-Rusul Ab Waqt-e-Dua Hai
اے خاصۂ خاصان رسل وقت دعا ہے
امت پہ تیری آ کے عجب وقت پڑا ہے
جو دین بڑی شان سے نکلا تھا وطن سے
پردیس میں وہ آج غریب الغربا ہے
جس دین کے مدعو تھے کبھی قیصر و کسرٰی
خود آج وہ مہمان سرائے فقرا ہے
وہ دین ہوئی بزم جہاں جس سے چراغاں
اب اس کی مجالس میں نہ بتی نہ دیا ہے
جو دین کہ تھا شرک سے عالم کا نگہباں
اب اس کا نگہبان اگر ہے تو خدا ہے
جو تفرقے اقوام کے آیا تھا مٹانے
اس دین میں خود تفرقہ اب آ کے پڑا ہے
جس دین نے غیروں کے تھے دل آ کے ملائے
اس دین میں اب بھائی خود بھائی سے جدا ہے
جو دین کہ ہمدرد بنی نوع بشر تھا
اب جنگ و جدل چار طرف اس میں بپا ہے
جس دین کا تھا فقر بھی اکسیر ، غنا بھی
اس دین میں اب فقر ہے باقی نہ غنا ہے
جس دین کی حجت سے سب ادیان تھے مغلوب
اب معترض اس دین پہ ہر ہرزہ درا ہے
ہے دین تیرا اب بھی وہی چشمہ صافی
دیں داروں میں پر آب ہے باقی نہ صفا ہے
عالم ہے سو بےعقل ہے، جاہل ہے سو وحشی
منعم ہے سو مغرور ہے، مفلس سو گدا ہے
یاں راگ ہے دن رات وداں رنگِ شب وروز
یہ مجلسِ اعیاں ہے وہ بزمِ شرفا ہے
چھوٹوں میں اطاعت ہے نہ شفقت ہے بڑوں میں
پیاروں میں محبت ہے نہ یاروں میں وفا ہے
دولت ہے نہ عزت نہ فضیلت نہ ہنر ہے
اک دین ہے باقی سو وہ بے برگ و نوا ہے
ہے دین کی دولت سے بہا علم سے رونق
بے دولت و علم اس میں نہ رونق نہ بہا ہے
شاہد ہے اگر دین تو علم اس کا ہے زیور
زیور ہے اگر علم تو مال سے کی جلا ہے
جس قوم میں اور دین میں ہو علم نہ دولت
اس قوم کی اور دین کی پانی پہ بنا ہے
گو قوم میں تیری نہیں اب کوئی بڑائی
پر نام تری قوم کا یاں اب بھی بڑا ہے
ڈر ہے کہیں یہ نام بھی مٹ جائے نہ آخر
مدت سے اسے دورِ زماں میٹ رہا ہے
جس قصر کا تھا سر بفلک گنبدِ اقبال
ادبار کی اب گونج رہی اس میں صدا ہے
بیڑا تھا نہ جو بادِ مخالف سے خبردار
جو چلتی ہے اب چلتی خلاف اس کے ہوا ہے
وہ روشنیِ بام و درِ کشورِ اسلام
یاد آج تلک جس کی زمانے کو ضیا ہے
روشن نظر آتا نہیں واں کوئی چراغ آج
بجھنے کو ہے اب گر کوئی بجھنے سے بچا ہے
عشرت کدے آباد تھے جس قوم کے ہرسو
اس قوم کا ایک ایک گھر اب بزمِ عزا ہے
چاوش تھے للکارتے جن رہ گزروں میں
دن رات بلند ان میں فقیروں کی صدا ہے
وہ قوم کہ آفاق میں جو سر بہ فلک تھی
وہ یاد میں اسلاف کی اب رو بہ قضا ہے
فریاد ہے اے کشتی امت کے نگہباں
بیڑا یہ تباہی کے قریب آن لگا ہے
اے چشمہ رحمت بابی انت و امی
دنیا پہ تیرا لطف صدا عام رہا ہے
کر حق سے دعا امت مرحوم کے حق میں
خطروں میں بہت جس کا جہاز آ کے گھرا ہے
امت میں تری نیک بھی ہیں بد بھی ہیں لیکن
دل دادہ ترا ایک سے ایک ان میں سوا ہے
ایماں جسے کہتے ہیں عقیدے میں ہمارے
وہ تیری محبت تری عترت کی ولا ہے
ہر چپقلش دہر مخالف میں تیرا نام
ہتھیار جوانوں کا ہے، پیروں کا عصا ہے
جو خاک تیرے در پہ ہے جاروب سے اڑتی
وہ خاک ہمارے لیے داروے شفا ہے
جو شہر ہوا تیری ولادت سے مشرف
اب تک وہی قبلہ تری امت کا رہا ہے
جس ملک نے پائی تری ہجرت سے سعادت
کعبے سے کشش اس کی ہر اک دل میں سوا ہے
کل دیکھئے پیش آئے غلاموں کو ترے کیا
اب تک تو ترے نام پہ اک ایک فدا ہے
ہم نیک ہیں یا بد ہیں پھر آخر ہیں تمہارے
نسبت بہت اچھی ہے اگر حال برا ہے
تدبیر سنبھلنے کی ہمارے نہیں کوئی
ہاں ایک دعا تری کے مقبول خدا ہے
خود جاہ کے طالب ہیں نہ عزت کے خواہاں
پر فکر ترے دین کی عزت کی صدا ہے
گر دین کو جوکھوں نہیں عزت سے ہماری
امت تری ہر حال میں راضی بہ رضا ہے
ہاں حالیؔ گستاغ نہ بڑھ حدِ ادب سے
باتوں سے ٹپکتا تری اب صاف گلا ہے
ہے یہ بھی خبر تجھ کو کہ ہے کون مخاطب
یاں جنبشِ لب خارج از آہنگ خطا ہے
Ae Khasa-e-Khasan-e-Rusul Waqt-e-Dua Hai
Ummat Pe Teri Aa Ke Ajab Waqt Para Hai
Jo Deen Barhi Shaan Se Nikla Tha Watan Se
Pardes Mein Woh Aaj Ghareeb-ul-Ghuraba Hai
Jis Deen Ne Ghairon Ke Thay Dil Aa Ke Milaye
Iss Deen Mein Ab Bhai Khud Bhai Se Juda Hai
Jo Deen Ke Hamdard-e-Bani Nau-e-Bashar Tha
Ab Jang-o-Jadal Char Taraf Iss Mein Bapa Hai
Faryad Hai Ae Kashti-e-Ummat Ke Nigehbaan
Beira Yeh Tabahi Ke Qareeb Aan Laga Hai
Kar Haq Se Dua Ummat-e-Marhoom Ke Haq Mein
Khatron Mein Bohat Jis Ka Jahaz Aa Ke Ghira Hai
Hum Naik Hain Ya Bad Hain Phir Aakhir Hain Tumhare
Nisbat Bohat Achi Hai Agar Haal Bura Hai
Tadbeer Sambhalne Ki Hamari Nahin Koi
Haan Ek Dua Teri Ke Maqbool-e-Khuda Hai
Woh Deen Hui Bazm-e-Jahan Jis Se Charaghan
Ab Iss Ki Majalis Mein Na Batti Na Diya Hai
Jo Deen Ke Tha Shirk Se Aalam Ka Nigehbaan
Ab Iska Nigehbaan Agar Hai To Khuda Hai
Jis Deen Ke Madoow Thay Kabhi Qaisar o Qisra
Khud Aaj Woh Mahman Saraye Fuqra Hai
Jo Tafarrqa Aqwaam Ke Aya Tha Mitane
Iss Deen Mein Khud Tafarrqa Ab Aa Ke Para Hai
Jis Deen Ka Tha Faqr Bhi Akseer, Ghina Bhi
Iss Deen Mein Ab Faqr Hai Baqi Na Ghina Hai
Jis Deen Ki Hujjat Se Sab Adyaan Thay Maghloob
Ab Motriz Iss Deen Pe Har Harzah-Sara Hai
Hai Deen Tera Ab Bhi Wohi Chashma-e-Saafi
Deen-Daaron Mein Par Ab Hai Baqi Na Safa Hai
Aalam Hai So Be-Aqal Hai, Jahil Hai So Wahshi
Munam Hai So Maghroor Hai, Muflis So Gada Hai
aan Raag Hai Din Raat Wadaan Rang-e-Shab-o-Roz
Yeh Majlis-e-Ayaan Hai Woh Bazm-e-Shurafa Hai
Choton Mein Ata’at Hai Na Shafqat Hai Baron Mein
Pyaron Mein Muhabbat Hai Na Yaron Mein Wafa Hai
Dolat Hai Na Izzat Na Fazeelat Na Hunar Hai
Ik Deen Hai Baaqi So Woh Be-Barg-o-Nawa Hai
Hai Deen Ki Dolat Se Baha Ilm Se Ronaq
Be-Dolat o Ilm Iss Mein Na Ronaq Na Baha Hai
Shahid Hai Agar Deen To Ilm Iska Hai Zewar
Zewar Hai Agar Ilm To Maal Se Ki Jala Hai
Jis Qoum Mein Aur Deen Mein Ho Ilm Na Dolat
Uss Qoum Ki Aur Deen Ki Pani Pe Bana Hai
Go Qoum Mein Teri Nahin Ab Koi Barhai
Par Naam Teri Qoum Ka Yaan Ab Bhi Barha Hai
Dar Hai Kahin Yeh Naam Bhi Mit Jaye Na Aakhir
Muddat Se Isay Daur-e-Zaman Meet Raha Hai
Jis Qasr Ka Tha Sar-ba-Falak Gunbad-e-Iqbal
Idbar Ki Ab Goonj Rahi Iss Mein Sada Hai
Beira Tha Na Jo Baad-e-Mukhalif Se Khabardar
Jo Chalti Hai Ab Chalti Khilaf Iske Hawa Hai
Woh Roshni-e-Baam-o-Dar-e-Kishwar-e-Islam
Yaad Aaj Talak Jis Ki Zamane Ko Ziya Hai
Roshan Nazar Ata Nahin Waan Koi Charagh Aaj
Bujhne Ko Hai Ab Gar Koi Bujhne Se Bacha Hai
Ishrat Kade Abad Thay Jis Qoum Ke Har Su
Uss Qoum Ka Ek Ek Ghar Ab Bazm-e-Aza Hai
Chawush Thay Lalkarte Jin Reh-Guzaron Mein
Din Raat Buland Un Mein Faqiron Ki Sada Hai
Woh Qoum Ke Aafaq Mein Jo Sar-ba-Falak Thi
Woh Yaad Mein Islaaf Ki Ab Roo-ba-Qaza Hai
Ae Chashma-e-Rehmat Bi-Abi Anta Wa Ummi
Duniya Pe Tera Lutf Sada Aam Rha Hai
Ummat Mein Teri Naik Bhi Hain Bad Bhi Hain Lekin
Dil-Dada Tera Ek Se Ek Un Mein Siwa Hai
Imaan Jisay Kehte Hain Aqeeday Mein Hamare
Woh Teri Muhabbat Teri Itrat Ki Wala Hai
Har Chipqalish-e-Dehr-e-Mukhalif Mein Tera Naam
Hathyar Jawanon Ka Hai, Peeron Ka Asa Hai
Jo Khaak Teray Dar Pe Hai Jaroob Se Urhti
Woh Khaak Hamare Liye Daru-e-Shifa Hai
Jo Shehr Hua Teri Wiladat Se Musharraf
Ab Tak Wohi Qibla Teri Ummat Ka Rha Hai
Jis Mulk Ne Paayi Teri Hijrat Se Sa’adat
Kaabay Se Kashish Uski Har Ik Dil Mein Siwa Hai
Kal Dekhiye Pesh Aaye Ghulamon Ko Teray Kya
Ab Tak To Teray Naam Pe Ik Ik Fida Hai
Khud Jaah Ke Talib Hain Na Izzat Ke Khwahan
Par Fikr Teray Deen Ki Izzat Ki Sada Hai
Haan Hali-e-Gustaakh Na Barh Hadd-e-Adab Se
Baaton Se Tapakta Teri Ab Saaf Gila Hai
Hai Yeh Bhi Khabar Tujh Ko Ke Hai Kon Mukhatib
Yaan Junbish-e-Lab Kharij-az-Aahang-e-Khata Hai
مولانا الطاف حسین حالی
خواجہ الطاف حسین حالیؔ پانی پتی (1837ء – 31 دسمبر 1914ء) اردو ادب کے سب سے عظیم قومی مصلح، پہلے باقاعدہ تنقید نگار، سوانح نگار اور جدید اردو نظم کے سرخیل بانیوں میں شمار ہوتے...