آفت ہے شب غم کی سیاہی کا اثر بھی
Aafat Hai Shab-e-Gham ki Siyahi ka Asar bhi
آفت ہے شب غم کی سیاہی کا اثر بھی
دھندلے سے نظر آتے ہیں انوارِ سحر بھی
دل ہی نہیں، تصویر ہے غم کی مرا گھر بھی
حالات کا آئینہ ہیں دیوار بھی ، در بھی
ہاں ، صدقِ طلب آپ ہی تمہید کرم ہے
نکلے جو دُعا دل سے تو کرتی ہے اثر بھی
ہم بھی ہیں طلب گار ، تری بزم سلامت
ساقی ! ترے قربان ، کوئی جام ادھر بھی
مانا کہ حیا آنکھ ملانے نہیں دیتی
ممکن نہیں کیا ایک عنایت کی نظر بھی ؟
اے دوست ! کرم تو نہیں یہ وعدہ کرم کا
کہتا ہے اگر مُنہ سے کوئی بات تو کر بھی
صورت ہی نصیر ایسی طرح دار ملی ہے
ہم ہی نہیں ، سجدے ہیں انہیں شمس و قمر بھی
Aafat hai shab-e-gham ki siyahi ka asar bhi
Dhundlay se nazar aatay hain anwaar-e-sahar bhi
Dil hi nahi, tasweer hai gham ki mera ghar bhi
Haalaat ka aaina hain deewar bhi, dar bhi
Haan, sidq-e-talab aap hi tamheed-e-karam hai
Niklay jo dua dil se to karti hai asar bhi
Hum bhi hain talab-gaar, teri bazm salamat
Saqi! tere qurbaan, koi jaam udhar bhi
Maana ke haya aankh milane nahi deti
Mumkin nahi kya ik inayat ki nazar bhi?
Ae dost! karam to nahi yeh wada-e-karam ka
Kehta hai agar munh se koi baat to kar bhi
Soorat hi Naseer aisi tarah-daar mili hai
Hum hi nahi, sajday hain unhein shams-o-qamar bhi
پیر نصیر الدین نصیر گیلانیؒ
سید پیر نصیر الدین نصیر گیلانیؒ (14 نومبر 1949ء – 13 فروری 2009ء، گولڑہ شریف، اسلام آباد) خانقاہِ عالیہ گولڑہ شریف کے سجادہ نشین، عظیم صوفی بزرگ، محقق اور قادر الکلام شاعر تھے۔ وہ حضرت...