عالم برزخ

Murda Apni Qabar Se

THE CORPSE (TO ITS GRAVE)

Kya Shay Hai, Kis Amroz Ka Farda Hai Qayamat

Ae Mere Shabistan-E-Kuhan ! Kya Hai Qayamat

Qabar

THE GRAVE

Ae Murda’ay Sad Sala ! Tujhe Kya Nahin Maloom

Har Mout Ka Poshida Taqaza Hai Qayamat

Murda

THE CORPSE

Jis Mout Ka Poshida Taqaza Hai Qayamat

Uss Mout Ke Phande Mein Giraftar Nahin Main

Har Chand Ke Hun Murda’ay Sad Sala Walekin

Zulmat Kudda’ay Khak Se Bezaar Nahin Main

Ho Rooh Phir Ek Bar Sawar-e-Badan-e-Zaar

Aesi Hai Qayamat To Kharidar Nahin Main

Sada’ay Ghaib

A VOICE FROM THE UNSEEN

Ne Naseeb-e-Maar Wa Kuzdum, Ne Naseeb-e-Dawam Wa Dad

Hai Faqat Mehkoom Qoumon Ke Liye Marg-e-Abad

Bang-e-Israfeel Un Ko Zinda Kar Sakti Nahin

Rooh Se Tha Zindagi Mein Bhi Tehi Jin Ka Jasad

Mar Ke Ji Uthna Faqat Azad Mardon Ka Hai Kaam

Garcha Har Zee Rooh Ki Manzil Hai Aagosh-E-Lehad

Qabar (Apne Murde Se)

THE GRAVE (TO ITS CORPSE)

Ah Zalim! Tu Jahan Mein Banda’ay Mehkoom Tha

Main Na Samjhi Thi Ke Hai Kyun Khak Meri Souz Naak

Teri Mayyat Se Meri Tareekiyan Tareek Tar

Teri Mayyat Se Zameen Ka Parda’ay Namoos Chaak

Alhazar, Mehkoom Ki Mayyat Se Sou Bar Alhazar

Ae Sarafeel ! Ae Khuda’ay Kainat ! Ae Jaan-E-Pak

Sada’ay Ghaib

THE VOICE FROM THE UNSEEN

Garcha Barham Hai Qayamat Se Nizam-E-Hast-O-Bood

Hain Issi Aashob Se Beparda Asrar-E-Wajood

Zalzale Se Koh-O-Dar Urtte Hain Manind-E-Sihab

Zalzale Se Wadiyon Mein Taza Chashmon Ki Namood

Har Nayi Tameer Ko Lazim Hai Takhreeb-E-Tamam

Hai Issi Mein Mushkilat-E-Zindagani Ki Kushood

Zameen

THE EARTH

Ah Ye Marg-E-Dawam, Ah Ye Razm-E-Hayat

Khatam Bhi Ho Gi Kabhi Kashmakash-E-Kainat

Aqal Ko Milti Nahin Apne Button Se Nijaat

Arif-O-Aami Tamam Band’ay Laat-O-Manaat

Khuwaar Huwa Kis Qadar Adam-E-Yazdaan Sifaat

Qalb-O-Nazar Par Garan Aese Jahan Ka Sibaat

Kyun Nahin Hoti Sehar Hazrat-E-Insan Ki Raat

Why does man’s night not turn into dawn