وہ آنکھ بڑی بدقسمت ہے
Woh Aankh Bari Badqismat Hai
وہ آنکھ بڑی بدقسمت ہے جس آنکھ میں عکسِ یار نہیں
وہ دل تو نہیں اک پتھر ہے جس دل میں نبی کا پیار نہیں
کھلتی ہیں جہاں دل کی کلیاں بنتی ہیں جہاں بگڑی باتیں
وہ در ہے رسولِ عربی کا اس جیسا کوئی دربار نہیں
اے شہرِ مدینہ تیری قسم تو جنتِ رشکِ جنت ہے
طیبہ کی مقدس گلیاں ہیں یہ مصر کا تو بازار نہیں
ہم پیار تجھی سے کرتے ہیں اور نام پہ تیرے مرتے ہیں
ہے تیرا سب فیضان و کرم اپنا تو کوئی کردار نہیں
اے شاہِ اُمم پرواز تیری ہے عرشِ عُلیٰ سے بھی آگے
تجھ سے بڑھ کر اے نورِ خدا جبریلؑ کی بھی رفتار نہیں
اشکوں سے بھری آنکھیں ہیں میری دیدار کو ترسی برسوں سے
ہو چشمِ کرم مجھ پر آقا تجھ جیسا کوئی غم خوار نہیں
بخشا ہے نظامیؔ کو تو نے اعزاز یہ نعتیں لکھنے کا
صدقہ ہے یہ خاکِ طیبہ کا میرے تو کوئی افکار نہیں
Woh aankh Bari badqismat hai Jis aankh mein aks-e Yaar nahin
Woh Dil to nahin Ik Patthar hai Jis Dil mein Nabi ka pyaar nahin
Khlti hain jahan Dil ki klian banti hain jahan bgri Batein
Woh Dar hai Rasool-e arbi ka Is jisa Koi darbar nahin
Aey Shehar-e Madina Teri Qasam / Qism to Jannat-e rashk-e Jannat hai
Taiba ki Muqaddas Galiyan hain yeh misr ka to bazaar nahin
Hum pyaar tjhi se karte hain aur Naam pe Tere mrtey hain
Hai Tera Sab faizan-o-Karam Apna to Koi Kirdar nahin
Aey Shah-e amm Parwaaz Teri hai ʻarsh-e ali se bhi aage
Tujh se brh kar aey Noor-e Khuda jbril ki bhi Raftaar nahin
Ashkon se bhri Aankhein hain Meri Deedar ko trsi brson se
Ho Chashm-e Karam mujh par aqa tujh jisa Koi gham khoar nahin
Bkhsha hai nzami ko to Ne aazaz yeh Naatein lkhney ka
Sadqa hai yeh khaak-e Taiba ka Mere to Koi afkar nahin
حافظ سید نظام الدین نظامی
حافظ سید محمد نظام الدین نظامی قادری معروف نعت گو شاعر، ثنا خوان اور مجموعہ نظامی نعتیں کے مرتب ہیں۔