عروج سرور بطحا تو دیکھو
Uruj Suroor Btha to Dekho
عروج سرور بطحا تو دیکھو
کہاں بندہ کہاں مولیٰ تو دیکھو
نہ ہوتے آپ تو کچھ بھی نہ ہوتا
عرب کے لعل کا ہونا تو دیکھو
دو عالم کو منور کر گیا ہے
نبی کے حسن کا جلوہ تو دیکھو
تقاضا دید کا کرنے سے پہلے
ذرا تم حوصلہ اپنا تو دیکھو
اگر کچھ دیکھنے کی آرزو ہے
کسی کا ہو کے مر جانا تو دیکھو
جبیں سجدے میں ہے گردن پہ خنجر
نماز عشق کا سجدہ تو دیکھو
کوئی چوتھے فلک پہ رہ گیا ہے
کسی کی منزل اسریٰ تو دیکھو
امیرؔ صابری پر جو کرم ہے
بھرا کوزے میں ہے دریا تو دیکھو
Uruj suroor btha to dekho
Kahan banda kahan Maula to dekho
Na hotey Aap to Kuch bhi na hota
Arab ke lal ka hona to dekho
Do alam ko Munawwar kar gaya hai
Nabi ke hsn ka Jalwa to dekho
Tqaza did ka krney se Pehle
Zara tum hausala Apna to dekho
Agar Kuch Dekhne ki aarzoo hai
Kisi ka ho ke Mar jaana to dekho
Jbin Sajde mein hai gardan pe khanjar
Namaz Ishq ka sajda to dekho
Koi chothey Falak pe rh gaya hai
Kisi ki Manzil asri to dekho
Amir sabri par jo Karam hai
Bhra kozey mein hai Darya to dekho