ترانۂ ملی
Tarana E Mili Chin O Arab Hamara Hindustaan Hamara
چین و عرب ہمارا ہندوستاں ہمارا
مسلم ہیں ہم وطن ہے سارا جہاں ہمارا
توحید کی امانت سینوں میں ہے ہمارے
آساں نہیں مٹانا نام و نشاں ہمارا
دنیا کے بت کدوں میں پہلا وہ گھر خدا کا
ہم اس کے پاسباں ہیں وہ پاسباں ہمارا
تیغوں کے سائے میں ہم پل کر جواں ہوئے ہیں
خنجر ہلال کا ہے قومی نشاں ہمارا
مغرب کی وادیوں میں گونجی اذاں ہماری
تھمتا نہ تھا کسی سے سیل رواں ہمارا
باطل سے دبنے والے اے آسماں نہیں ہم
سو بار کر چکا ہے تو امتحاں ہمارا
اے گلستان اندلس وہ دن ہیں یاد تجھ کو
تھا تیری ڈالیوں میں جب آشیاں ہمارا
اے موج دجلہ تو بھی پہچانتی ہے ہم کو
اب تک ہے تیرا دریا افسانہ خواں ہمارا
اے ارض پاک تیری حرمت پہ کٹ مرے ہم
ہے خوں تری رگوں میں اب تک رواں ہمارا
سالار کارواں ہے میر حجاز اپنا
اس نام سے ہے باقی آرام جاں ہمارا
اقبالؔ کا ترانہ بانگ درا ہے گویا
ہوتا ہے جادہ پیما پھر کارواں ہمارا
Chin O arab hamara hindustan hamara
Muslim hain hum watan sara jahan hamara
Tauheed ki amanat sin O main hai hamare
AasaN nahi mitana nam O nishaN hamara
Duniya k but kadon mai phahla wo ghar khuda ka
Hum is k pasban hain wo pasban hamara
Taighon k sayee main hum pal kar jawan huye hain
Khanjer helal ka hai koumi nishan hamara
Magrib ki vadiyon main gunji azan hamari
Thamta na tha kisi se sil E rawan hamara
Batil se dabne wale ai aasman nahin hum
Saw bar kar chuka hai tu imtehan hamara
Ai gulistan E undulus woh din hai yad tujh ko
Tha teri daliyon main jab aashyan hamara
Ai mauj E dajla ; tu bhi pahchanti hai hum ko
Ab tak tera darya hy afsana khah hamara
Ay arz E pak ;teri hurmat pe kat maren hum
Hai khoon teri ragoon main ab tak rawan hamara
Salar E karwan hai MIR_E HEJAZ apna
Is nam se hai baqui aaram E jan hamara
Iqbal ka tarana bang E dara hai goya
Hota hai jada paiman phir karwan hamara
علامہ اقبال
علامہ محمد اقبال (9 نومبر 1877ء – 21 اپریل 1938ء) مفکرِ پاکستان، شاعرِ مشرق، حکیم الامت اور بیسویں صدی کے سب سے عظیم مسلم فلسفی اور شاعر تھے۔ آپ نے اردو اور فارسی زبان میں...