صلہ آئینہ

Ro bhi soorat-e-hajjaam letay hain

Sar ultay ustaray se moonnd kar in'aam letay hain

Tumhein woh aariza ho log jis ko dard kehte hain

Tumhara naam letay hain kaleja thaam letay hain

Teri dukhti hui aankhon ka dhyaan aata hai ae saqi

Mai-e-gulrang ka jab haath mein hum jaam letay hain

Kamar ma'doom hai chalne mein bal khati hai phir kya shai?

Nazakat se haseen kya cheez aakhir thaam letay hain

Udhar to dekhiye qurbaan dar-zeeda nigahon ke

Jahan chori hui sab aap hi ka naam letay hain

Har aik aashiq ko mar jatay hi dekha na-tawaan ho kar

Nahi maloom kya ma'shuq un se kaam letay hain