شبنم اور ستارے

Ek Raat Ye Kehne Lage Shabnam Se Sitare

Har Subah Naye Tujh Ko Mayassar Hain Nazare

Kya Janiye, Tu Kitne Jahan Dekh Chuki Hai

Jo Ban Ke Mite, Un Ke Nishan Dekh Chuki Hai

Zohra Ne Suni Hai Ye Khabar Aik Malik Se

Insanon Ki Basti Hai Bohat Door Falak Se

Keh Hum Se Bhi Uss Kishwar-e-Dilkash Ka Fasana

Gata Hai Qamar Jis Ki Mohabbat Ka Tarana

Ae Taro Na Pucho Chamanistan-e-Jahan Ki

Gulshan Nahin, Ek Basti Hai Woh Aah-o-Faghan Ki

Ati Hai Saba Waan Se Palat Jane Ki Khatir

Bechari Kali Khilti Hai Murjhane Ki Khatir

Kya Tum Se Kahun Kya Chaman Afroz Kali Hai

Nanha Sa Koi Shaola Besouz Kali Hai

Gul-e-Nala-e-Bulbul Ki Sada Sun Nahin Sakta

Daman Se Mere Motiyon Ko Chun Nahin Sakta

Hain Murgh-e-Nawa Raiz Giraftar, Ghazab Hai

Ugte Hai Teh-e-Saya-e-Gul Khar, Ghazab Hai

Rehti Hai Sada Nargis-e-Bimaar Ki Tar Aankh

Dil Talib-e-Nazara Hai, Mehroom-e-Nazar Ankh

Dil Soukhta-e-Garmi-e-Faryad Hai Shamshad

Zindani Hai Aur Naam Ko Azad Hai Shamshad

The ardour of its complaint has burnt the tall tree’s heart;

The tree is a captive, and is free only in name.

Tare Sharar-e-Aah Hain Insan Ki Zuban Mein

Mein Girya-e-Gardoon Hun Gulistan Ki Zuban Mein

Nadani Hai Ye Gard-e-Zameen Touf Qamar Ka

Samjha Hai Ke Darman Hai Wahan Dagh Jigar Ka

Bunyad Hai Kashana-e-Alam Ki Hawa Par

Faryad Ki Tasveer Hai Qartas-e-Faza Par