سرکار کے ہم دیوانے ہیں
Sarkar ke Hum Dioaney Hain
سرکار کے ہم دیوانے ہیں سرکار کے ہم کہلاتے ہیں
سرکار کے صدقے جیتے ہیں سرکار کا صدقہ کھاتے ہیں
یہ ان کی نگاہِ رحمت ہے یہ مال و زر کی بات نہیں
بس وہی مدینے جاتے ہیں سرکار جنہیں بلواتے ہیں
جب موج میں وہ آجاتے ہیں سب کی بگڑی بن جاتی ہے
جب ان کا کرم ہو جاتا ہے دن منگتوں کے پھر جاتے ہیں
میلادِ نبیؐ کی برکت سے جو نعمت مانگو ملتی ہے
جو محفلِ نعت سجاتے ہیں وہ ساری مرادیں پاتے ہیں
کیا خوب سہانا موسم تھا جبریلؑ منادی کرتے تھے
تشریف محمدؐ لاتے ہیں تشریف محمدؐ لاتے ہیں
اس آس پہ ہم بھی زندہ ہیں شاید کہ بلاوا آجائے
دیوانو چلو طیبہ کی طرف سرکار تمہیں بلواتے ہیں
لجپال مدینے والے کے اندازِ سخاوت کیا کہنے
دُنیا کے شہنشاہ اس در پر بن بن کے بھکاری آتے ہیں
فیضانؔ اکیلا میں ہی نہیں کرتا کملی والے کی ثناء
کیا غوث، جلی کیا مہر علی سب گیت انہیں کے گاتے ہیں
Sarkar ke Hum dioaney hain Sarkar ke Hum khlatey hain
Sarkar ke sdqey jitey hain Sarkar ka Sadqa Khate hain
Yeh Un ki Nigah-e Rehmat hai yeh mal-o-zr ki Baat nahin
Bas vahi Madine jaate hain Sarkar jnhin bloate hain
Jab mauj mein woh aajate hain Sab ki bgri ban jaati hai
Jab Un ka Karam ho jaata hai Din Mangton ke phir jaate hain
Milad-e Nabi ki barkat se jo nimat maango milti hai
Jo mahfil-e naat sjate hain woh Sari mradin paate hain
Kiya khub shana mausam tha jbril mnadi karte the
Tashrif Muhammad latey hain tashrif Muhammad latey hain
Is as pe Hum bhi zinda hain shaayad ke blaoa aajaee
Dioano chalo Taiba ki taraf Sarkar Tumhein bloate hain
Lajpal Madine oaley ke andaz-e skhaot kiya khney
Dnia ke Shehenshah Is Dar par ban ban ke bhkari aate hain
Fizan akela mein hi nahin karta kamli oaley ki snae
Kiya ghos jli kiya mahr Ali Sab git Unhein ke gatey hain
فیض رسول فیضان
فیض رسول فیضان دورِ حاضر کے معروف ثنا خواں اور نعت گو شاعر ہیں۔