نہ کنشت و کلیسا سے کام ہمیں در دیر نہ بیت حرم سے غرض
Na Kunisht-o-Kalisa se Kaam Hamein Dar-e-Dair na Bait-e-Haram se Gharaz
نہ کنشت و کلیسا سے کام ہمیں در دیر نہ بیت حرم سے غرض
کہ ازل سے ہمارے سجدوں کو رہی تیرے ہی نقش قدم سے غرض
جو تو مہر ہے تو ذرہ ہم ہیں تو بحر ہے تو قطرہ ہم ہیں
تو صورت ہے ہم آئینہ ہمیں تجھ سے غرض تجھے ہم سے غرض
نہ نشاط وصال نہ ہجر کا غم نہ خیال بہار نہ خوف خزاں
نہ سقر کا خطر ہے نہ شوق ارم نہ ستم سے حذر نہ کرم سے غرض
رکھا کوچۂ عشق میں جس نے قدم ہوا حضرت عشق کا جس پہ کرم
اسے آپ سے بھی سروکار نہیں جو غرض ہے تو اپنے صنم سے غرض
تری یاد ہو اور دل بیدمؔ ہو ترا درد ہو اور دل بیدمؔ ہو
بیدمؔ کو رہے ترے غم سے غرض ترے غم کو رہے بیدمؔ سے غرض
Na kunisht-o-kalisa se kaam hamein dar-e-dair na bait-e-haram se gharaz
Ke azal se hamare sajdon ko rahi tere hi naqsh-e-qadam se gharaz
Jo tu mehr hai to zarra hum hain tu bahr hai to qatra hum hain
Tu surat hai hum aaina hamein tujh se gharaz tujhe hum se gharaz
Na nishat-e-wisal na hijr ka gham na khayal-e-bahar na khauf-e-khizan
Na saqar ka khatra hai na shauq-e-iram na sitam se hazar na karam se gharaz
Rakha koocha-e-ishq mein jis ne qadam hua Hazrat-e-ishq ka jis pe karam
Use aap se bhi sarwar nahin jo gharaz hai to apne sanam se gharaz
Teri yaad ho aur dil Bidam ho tera dard ho aur dil Bidam ho
Bidam ko rahe tere gham se gharaz tere gham ko rahe Bidam se gharaz
بیدم شاہ وارثی
سید ضامن علی المعروف حضرت بیدمؔ شاہ وارثی (1876ء – 24 نومبر 1936ء) برصغیر پاک و ہند کے سب سے مقبول، قادر الکلام اور مسحور کن نعت گو، منقبت نگار اور صوفی شاعر مانے جاتے...