نہ ہو طغیان مشتاقی تو میں رہتا نہیں باقی
Na Ho Tughyan-e-Mushtaqi to Main Rahta Nahin Baqi
نہ ہو طغیان مشتاقی تو میں رہتا نہیں باقی
کہ میری زندگی کیا ہے یہی طغیان مشتاقی
مجھے فطرت نوا پر پے بہ پے مجبور کرتی ہے
ابھی محفل میں ہے شاید کوئی درد آشنا باقی
وہ آتش آج بھی تیرا نشیمن پھونک سکتی ہے
طلب صادق نہ ہو تیری تو پھر کیا شکوۂ ساقی
نہ کر افرنگ کا اندازہ اس کی تابناکی سے
کہ بجلی کے چراغوں سے ہے اس جوہر کی براقی
دلوں میں ولولے آفاق گیری کے نہیں اٹھتے
نگاہوں میں اگر پیدا نہ ہو انداز آفاقی
خزاں میں بھی کب آ سکتا تھا میں صیاد کی زد میں
مری غماز تھی شاخ نشیمن کی کم اوراقی
الٹ جائیں گی تدبیریں بدل جائیں گی تقدیریں
حقیقت ہے نہیں میرے تخیل کی ہے خلاقی
Na ho Tughyan-e-Mushtaqi to main rehta nahi Baaki
Ki meri Zindagi kya hai yahi Tughyan-e-Mushtaqi
Mujhe Fitrat Nava par Pai-B-Pai Majboor karti hai
Abhi Mahfil mein hai Shayad koi Dard-Aashna Baaki
Woh Aatish aaj bhi Tera Nashman phoonk sakti hai
Talab Sadiq na ho Teri to phir kya Shikwa-e-Saqi
Na kar Afrang ka Andaza uski Tabnaki se
Ki Bijli ke Charagon se hai is Johar ki Barraqi
Dilon mein Alwaale Afaq-Geeri ke nahi uthte
Nigaahon mein agar paida na ho Andaz-e-Afaqi
Khizaan mein bhi kab aa sakta tha main Sayyad ki Zad mein
Meri Ghammaz thi Shakh-e-Nashman ki Kam Auraqi
Ult jaayengi Tadbeerain, Taqdeerain badal jaayengi
Haqeeqat ye hai ki mere Khayalat aur Takhayyul ki hi Srishti asli hai
علامہ اقبال
علامہ محمد اقبال (9 نومبر 1877ء – 21 اپریل 1938ء) مفکرِ پاکستان، شاعرِ مشرق، حکیم الامت اور بیسویں صدی کے سب سے عظیم مسلم فلسفی اور شاعر تھے۔ آپ نے اردو اور فارسی زبان میں...