مجھے جلووں کی اس کے تمیز ہو کیا میرے ہوش و حواس بجا ہی نہیں
Mujhe Jalwon ki Us ke Tameez Ho Kya Mere Hosh-o-Hawas Baja hi Nahin
مجھے جلووں کی اس کے تمیز ہو کیا میرے ہوش و حواس بجا ہی نہیں
ہے یہ بے خبری کہ خبر ہی نہیں وہ نقاب اٹھا کہ اٹھا ہی نہیں
مرے حال پہ چھوڑ طبیب مجھے کہ عذاب ہے مری زیست مجھے
میرا مرنا ہی میرے لیے ہے شفا میرے درد کی کوئی دوا ہی نہیں
اسے ڈھونڈتے ڈھونڈتے کھو گئے ہم یہ ہوا کیا اور کیا ہو گئے ہم
ہمیں پہروں تک اپنی خبر ہی نہیں ہمیں کوسوں تک اپنا پتہ ہی نہیں
مرا حال خراب سنا تو کہا کہ وہ سامنے میرے نہ آئے کبھی
مجھے روتے جو دیکھا تو ہنس کے کہا کہ یہ شیوۂ اہل وفا ہی نہیں
جہاں کوئی ستم ایجاد کیا مجھے کہہ کے فلک نے یہ یاد کیا
کہ بس ایک دل بیدمؔ کے سوا کوئی قابل مشق جفا ہی نہیں
Mujhe jalwon ki us ke tameez ho kya mere hosh-o-hawas baja hi nahin
Hai yeh be-khabri ke khabar hi nahin woh naqab utha ke utha hi nahin
Mere haal pe chhor tabeeb mujh ko ke azab hai meri zeest mujhe
Mera marna hi mere liye hai shifa mere dard ki koi dawa hi nahin
Use dhoondte dhoondte kho gaye hum yeh hua kya aur kya ho gaye hum
Hamein pahron tak apni khabar hi nahin hamein koson tak apna pata hi nahin
Mera haal kharab suna to kaha ke woh samne mere na aaye kabhi
Mujhe rote jo dekha to hans ke kaha ke yeh shewa-e-ahl-e-wafa hi nahin
Jahan koi sitam ejad kiya mujhe keh ke falak ne yeh yaad kiya
Ke bas ek dil Bidam ke siwa koi qabil-e-mashq-e-jafa hi nahin
بیدم شاہ وارثی
سید ضامن علی المعروف حضرت بیدمؔ شاہ وارثی (1876ء – 24 نومبر 1936ء) برصغیر پاک و ہند کے سب سے مقبول، قادر الکلام اور مسحور کن نعت گو، منقبت نگار اور صوفی شاعر مانے جاتے...