جاوید سے

Gharat Gar-e-Deen Hai Ye Zamana

Hai Uss Ki Nihad Kafirana

Darbar-e-Shehenshi Se Khaushtar

Mardan-e-Khuda Ka Astana

Lekin Ye Dour-e-Sahiri Hai

Andaz Hain Sub Ke Jadooana

Sar Chashma-e-Zindagi Huwa Khushk

Baqi Hai Kahan Mai-e-Shabana

Khali Un Se Huwa Dabistan

Thi Jis Ki Nigah Taziyana

Jis Ghar Ka Magar Charagh Hai Tu

Hai Uss Ka Mazaq Arifana

Johar Mein Ho ‘LA ILAH’ To Kya Khof

Taleem Ho Go Farangiyana

Shakh-e-Gul Par Chehak Wa-Lekin

Kar Apni Khudi Mein Ashiyana!

Woh Behar Hai Admi Ke Jis Ka

Har Qatra Hai Behar-e-Baikarana

Dehqan Agar Na Ho Tan Asan

Har Dana Hai Sad Hazar Dana

Ghafil Mansheen Na Waqt-e-Bazi Sat

Waqt-e-Hunar Ast-o-Kaar Saazi Sat

Seene Meinagar Na Ho Dil-e-Garam

Reh Jati Hai Zindagi Mein Khami

Nakhcheer Agar Ho Zeerak-o-Chust

Ati Nahin Kaam Kuhna Dami

Hai Aab-e-Hayat Issi Jahan Mein

Shart Iss Ke Liye Hai Tashna Kami

Ghairat Hai Tareeqat-e-Haqiqat

Ghairat Se Hai Faqr Ki Tamami

Ae Jaan-e-Padar! Nahin Hai Mumkin

Shaheen Se Tadaro Ki Ghulami

Nayab Nahin Mataa-e-Guftar

Sad Anwari-o-Hazar Jami

Hai Meri Bisat Kya Jahan Mein

Bus Aik Faghan-e-Ziar Bami

Ek Sidq-e-Maqal Hai Ke Jis Se

Main Chashm-e-Jahan Mein Hun Garami

Allah Ki Dayn Hai, Jis De

Miras Nahin Buland Nami

Apne Noor-Enazar Se Kya Khoob

Farmate Hain Hazrat-e-Nizami

Jaye Ke Buzurg Bayadat Bood

Farzandi Man Nadaradat Sood

Momin Pe Garan Hain Ye Shab-o-Roz

Deen-o-Doulat, Qimar Bazi

Na-Paid Banda-e-Amal Mast

Baqi Hai Faqt Nafas Darazi

Himmat Ho Agar To Dhoond Woh Faqr

Jis Faqr Ki Asal Hai Hijazi

Uss Faqr Se Admi Mein Paida

Allah Ki Shan-e-Be-Niazi

Kunjishak-o-Hamam Ke Liye Mout

Hai Uss Ka Maqam Shahbazi

Roshan Uss Se Khird Ki Ankhain

Be-Surma-e-Bu Ali-o-Razi

Hasil Uss Ka Shikwa-e-Mehmood

Fitrat Mein Agar Na Ho Ayazi

Teri Dunya Ka Ye Sarafeel

Rakhta Nahin Zauq-e-Ne Nawazi

Hai Iss Ki Nigah-e-Alam Ashob

Dar Parda Tamam Kar Sazi

Ye Faqr-e-Ghayoor Jis Ne Paya

Be-Taeg-o-Sana Hai Mard-e-Ghazi

Momin Ki Issi Mein Hai Ameeri

Allah Se Mang Ye Faqeeri