انسان

Qudrat Ka Ajeeb Ye Sitam Hai

Insan Ko Raaz Jo Banaya

Raaz Uss Ki Nigah Se Chupaya

Be-Taab Hai Zauq Aaghi Ka

Khulta Nahin Bhaid Zindagi Ka

Hairat Aaghaz-o-Intiha Hai

Aaeene Ke Ghar Mein Aur Kya Hai

Hai Garm-e-Kharaam Mouj-e-Darya

Darya Sooye Behr Jadah Pema

Badal Ko Hawa Urha Rahi Hai

Shanon Pe Uthaye La Rahi Hai

Taare Mast-e-Sharab-e-Taqdeer

Zindan-e-Falak Mein Pa Ba Zanjeer

Khursheed, Woh Abid-e-Sehar Khaiz

Lane Wala Pyam-e-‘Barkhaiz’

Magrib Ki Pahariyon Mein Chup Kar

Peeta Hai Mai-e-Shafaq Ka Saghar

Lazzat Geer-e-Wujood Harshay

Sarmast-e-Mai-e-Namood Har Shay

Koi Nahin Gham Gusaar-e-Insaar

Kya Talkh Hai Rozgar-e-Insan